Ka Shithi U Paul Sha Ki Nong Rom 1:4 - Khasi CL Bible (BSI)

⁴ shaphang ka jinglong Blei bakhuid jong u, la pyn-i shynna da ka bor bakhraw ban long U Khun jong U Blei da kaba pynmihpat na ka jingïap.

KA BAIBL

⁴ ïa uba la pynithuh shynna ba u long U Khun U Blei da ka bor, katba kum U Mynsiem ka jingkhuid, da ka jingmihpat na ki baïap, U Jisu Khrist keiñ uba U Trai jong ngi,

Ka Shithi U Paul Sha Ki Nong Rom 1:4 ပူးပေါင်းရင်းမြစ်များ

MATHAÏOS 4:3

Te u Soitan u la wan ha U bad u la ong, “Lada me long U Khun U Blei, hukum ïa kine ki maw ban kylla kpu.”

KI KAM 17:31

Naba u la buh ka sngi ha kaba un bishar ïa ka pyrthei baroh kawei da ka jinglehhok, da uta u briew ïa uba u la jied. U la ai ka jingpynshisha ïa kane ha uwei pa uwei da kaba pynmihpat ïa uta u briew na ka jingïap!”

KI KAM 2:24

Hynrei U Blei u la pynmihpat ïa u na ka jingïap, da kaba pyllaitluid ïa u na ka bor jong ka, namar ka long ka bym lah long ba ka jingïap kan bat ïa u.

KI KAM 2:32

U Blei u la pynmihpat ïa une hi U Jisu na ka jingïap, bad ngi baroh ngi long ki sakhi ïa kane ka jingshisha.

KI KAM 3:15

Phi la pynïap ïa uta uba ïalam sha ka jingim, hynrei U Blei u la pynmihpat ïa u na ka jingïap — bad ngi long ki sakhi ïa kane.

Ka Shithi U Paul Sha Ki Nong Rom 1:3

Ka dei shaphang U Khun jong u, U Jisu Khrist uba U Trai jong ngi: Shaphang ka jinglongbriew jong u, ïa u la kha uba hiarpateng na u Dabid;

2 KORINTH 13:4

Wat la ka la long ha ka jingtlot ba u la shah pynïap halor ka diengphna, dei da ka bor U Blei ba u im. Ha u ngi ruh ngi long kiba tlot; hynrei ha ki jingïadei jong ngi bad phi ngin ïa-ïoh bynta lem ïa ka bor U Blei ha ka jingim jong u.

HEBRU 9:14

Namar ba kane ka long kaba shisha, kaba katno tam lah ban pyndep da ka snam U Khrist! Lyngba U Mynsiem bymjukut u la aiti ïa lade kum ka jingkñia kaba janai ha U Blei. Ka snam jong u kan pynkhuid ïa ka jingïatiplem jong ngi na ki niam ki rukom ki bymmyntoi, khnang ba ngi lah ban shakri ïa U Blei uba im.

1 PETROS 1:11

Ki pyrshang ban shem lano ka por kan long bad kumno kan wan. Kane ka la long ka por sha kaba U Mynsiem U Khrist uba don ha ki u kdew, ha kaba ïathuhlypa ïa ki jingshah shitom kiba U Khrist un hap ban shah bad ïa ka burom ka ban sa bud.

2 PETROS 1:21

Naba ym don khubor jingïathuhlypa kaba la ju wan tang na ka mon u briew, hynrei ki briew ki la long hapoh ka jingpynïaid jong U Mynsiem Bakhuid katba ki dang kren ïa ka khubor kaba la wan na U Blei.

JINGPYNPAW 1:18

Nga long uta uba im! Nga la ïap, hynrei mynta nga im junom la junom. Nga don ka bor halor ka jingïap bad ka pyrthei kiba ïap.

JINGPYNPAW 19:10

Nga la dem khrup ha ki kjat jong u ban mane ïa u, hynrei u la ong ha nga, “Wat leh kumne! Nga long u para shakri bad me bad kita ki parabangeit jong me, kito baroh kiba bat ïa ka jingshisha kaba U Jisu u la pynpaw. To mane ïa U Blei!” Naba ka jingshisha kaba U Jisu u la pynpaw ka long kata kaba pyrsad mynsiem ïa ki nongïathuhlypa.