Ka Shithi U Paul Sha Ki Nong Rom 1:30 - Khasi CL Bible (BSI)

³⁰ Ki ïa-lorni bad kren sniew uwei ïa uwei pat; ki long kiba shun ïa U Blei, kiba pynbitar, kiba sarong bad kiba sngewmeng; ki pyrkhat ïa kiba bun ki lynti ban leh ïa kaba sniew; kim kohnguh ïa la ki kmie ki kpa;

KA BAIBL

³⁰ ki nongkrensiar pasiaw, ki nongkrensiar blab blab, ki nongshun ïa U Blei, kiba lehbeiñ eh, kiba leh khraw eh, kiba kren sarong eh, ki nongthaw buit ïa kiei kiei ki basniew, ki bymkohnguh ïa la ki kmie ki kpa,

Ka Shithi U Paul Sha Ki Nong Rom 1:30 ပူးပေါင်းရင်းမြစ်များ

1 SYIEM 20:11

U syiem Ahab u la jubab, “Ïathuh ïa u syiem Benhadad ba u shipai bashisha u kob hadien jong ka thma, ym ha shuwa jong ka.”

2 KHRONIKL 19:2

U nongïathuhlypa, u Jehu u khun jong u Hanani, u leit ban ïakynduh ïa u syiem bad ong ha u, “Hato ka long kaba dei ban ïarap ïa kito ki briew kiba sniew bad ban ïashah bad kito kiba isih ïa U Trai? Kaei kaba phi la leh ka la wallam ïa ka jingbitar U Trai halor jong phi.

2 KHRONIKL 25:19

Mynta ko Amasaïah, me kob ba me la jop ïa ki Edom, hynrei nga ai jingmut ïa me ba men shong ha ïing. Balei me pynkhih jingkulmar ka ban shu wanrah tang ka jingjot ha me bad ki briew jong me?”

SALM 10:3

U riewbymman u sngewsarong ha la ki jong ki jingkwah basniew; u riewlalot u tim bad kyntait ïa U Trai.

SALM 106:39

Ki la pynlong ïa lade ki bymkhuid da ki jingleh jong ki bad ki la long bymïaineh ha U Blei.

SALM 49:6

da ki briew kiba sniew kiba shaniah ha ka spah jong ki bad kiba sarong ïa la ka spah bakhraw jong ki.

SALM 5:5

Mem lah shah ban ïohi ïa kiba sarong; me isih ïa ki riewbymman baroh.

SALM 52:1

Balei ba me sngewmeng, ko me uba khraw, ïa ki jingbymman jong me? Ka jinglong baïaineh jong U Blei ka neh junom.

SALM 81:15

Kito kiba isih ïa nga kin dem ngon ha ka jingsheptieng ha khmat jong nga, ka jingpynshitom ïa ki kan neh junom.

SALM 94:4

Slem haduh katno ki riewrunar kin leh sarong bad kob shaphang ki kam runar jong ki?

SALM 97:7

Baroh kiba mane bleithaw kin shah pynlehrain, baroh ki blei ki dem ngon ha khmat jong U Trai.

SALM 99:8

A Trai, U Blei jong ngi, me la jubab ïa la ki briew; me la pyn-i ïa ki ba me long U Blei uba map ei, wat la me pynshitom ïa ki namar ki pop jong ki.

PROBERB 24:8

Lada phi thmu sniew borabor, phin sa ïoh nam kum u nongthaw kulmar.

PROBERB 25:23

Ka jinglorni ka wanrah ïa ka jingbitar kumba da shisha ka lyer na shatei ka wanrah slap.

PROBERB 30:17

Uno uno uba leh biria ïa la u kpa lane uba ñiewbeiñ ïa la ka kmie ha ka jinglong tymmen jong ka u dei ban shah bam ha ki pukni ne shah khlaw ki khmat ha ki tyngab khlaw.

PROBERB 8:36

U briew u bym shem ïa nga u pynmong ïa lade; kat uba isih ïa nga u ieit ïa ka jingïap.”

EKLESIASTIS 7:29

Kane ka long baroh kaba nga la tip: U Blei u la thaw ïa ngi kiba synlar, hynrei ngi la pynjyrthiaw shibun eh ïa lade.

ESEKIEL 14:5

Kito ki bleithaw baroh ki la pynphai noh ïa ki Israel na nga, hynrei da ka jubab jong nga, nga kyrmen ban ïoh pat ïa ka jingshaniah jong ki.

ESEKIEL 22:7

Ym don uwei ruh ha ka nongbah uba burom ïa la ki kmie ki kpa. Phi shukor ïa ki nongwei bad shim kabu ïa ki riewkynthei bad ki khunswet.

JINGKHEIÑ 10:35

Ha man ka por ba ka Synduk ka Jutang ka mihnoh, u Moses un ong, “To ïeng, Trai; pynsakma ïa ki nongshun jong me bad pynher krad ïa kito kiba isih ïa me!”

MATHAÏOS 15:4

Namar U Blei u la ong, ‘To burom ïa la u kpa bad ïa la ka kmie,’ bad ‘Uno uno uba tim ïa la u kpa lane ïa la ka kmie u dei ban shah pynïap.’

MATHAÏOS 16:21

Naduh kata ka por U Jisu u la sdang ban kren shai ha la ki synran, “Nga dei ban leit sha Jerusalem bad shahshitom shibun na ki tymmen ki san, ki rangbah lyngdoh bad ki nonghikai ka Hukum. Ïa nga yn pynïap, hynrei hadien lai sngi yn sa pynmihpat ïa nga.”

LOUKAS 21:16

Yn aiti ïa phi da ki kmie ki kpa jong phi, da ki hynmen ki para shynrang jong phi, da ki ba-ha-ïing jong phi, bad da ki paralok jong phi; bad ïa katto katne na phi yn pynïap.

ÏOANNIS 7:7

Ka pyrthei kam lah ban shun ïa phi, hynrei ka shun ïa nga, namar ba nga ïai-ong ba ki lynti jong ka ki long kiba sniew.

KI KAM 5:36

Phi kynmaw ba u Theudas u la mih katto katne por mynshuwa, u da kam ba u long uta uba khraw, bad kumba sawspah ngut ki briew ki la ïasoh bad u. Hynrei la pynïap ïa u, bad ïa baroh ki nongbud jong u la pynsakma, bad ka kynhun jong u ka la kut noh.

Ka Shithi U Paul Sha Ki Nong Rom 2:17

Kumno shaphang jong phi? Phi khot ïa lade u Jiw; phi shaniah ha ka Hukum bad sngewsarong shaphang U Blei;

Ka Shithi U Paul Sha Ki Nong Rom 2:23

Phi sngewsarong ba phi don ka Hukum U Blei — hynrei hato phi wallam ka jinglehrain ïa U Blei da kaba pynkheiñ ïa ka Hukum jong u?

Ka Shithi U Paul Sha Ki Nong Rom 3:27

Ïa kaei te, ngi lah ban sngewsarong? Yn don ei ei! Bad kaei ka daw na ka bynta kane? Hato ka dei ba ngi kohnguh ïa ka Hukum? Em, hynrei ka dei ïa kata kaba ngi ngeit.

2 KORINTH 10:15

Kumta ngim leh sarong shaphang ka kam kaba kiwei ki la leh palat shabar u pud ïa uba U Blei u la buh na ka bynta jong ngi. Pynban, ngi kyrmen ba ka jingngeit jong phi ka nang san bad ba ngi lah ban leh ïa ka kam kaba kham khraw hapdeng jong phi, borabor hapoh ki pud ba U Blei u la buh na ka bynta jong ngi.

2 KORINTH 12:20

Nga sheptieng ba haba nga poi hangto ngan shem ïa phi kiba pher na kaei kaba nga kwah ïa phi ba phin long bad ba phin shem ïa nga ba nga pher na kaei kaba phi kwah ïa nga ban long. Nga sheptieng ba ïoh ngan shem ïa ka jingïania bad jingbishni, ki jingïabitar bad jingkhwan myntoi, ki jingkrenbeiñ bad jinglorni, ka jingsarong bad jingkynrum kynram.

DEUTERONOMI 27:16

“ ‘Ka jingtim U Blei kan hap ha uta u briew uba pynjahburom ïa la u kpa lane ïa la ka kmie.’ “Bad u paidbah baroh un jubab lang, ‘Amen!’

DEUTERONOMI 7:10

hynrei un ym pynslem ban pynshitom ïa kito kiba isih ïa u.

2 THESSALONI 2:4

Un pyrshah ïa kaei kaei baroh ba la khot blei, lane ïa kano kano ban mane, bad un buh ïa lade halor jong ki baroh. Wat shapoh un leit rung bad shong hapoh ka Templ U Blei bad kam ba u long U Blei.

2 TIMOTHI 3:2

Ki briew kin long kiba khwan myntoi, kiba lalot, kiba leh sarong, bad kiba kyr-eit; kin krenbeiñ, kin ym kohnguh ïa la ki kmie ki kpa, ki bymsngewnguh, bad ki bymriewblei;

TITOS 3:3

Naba ngi ruh ngi la long shisien kiba bieit, ki bymkohnguh bad kiba leh bakla. Ngi la long ki mraw ha ki jingkwah brai bad ki jingsngewbha babun jait. Ngi la pynlut ïa la ka jingim ha ka jingsniew bad jingpihuiñ; kiwei ki la isih ïa ngi bad ngi la isih ïa ki.

JAKOB 3:5

Kumta ka long bad u thylliej: La u long uba rit, u lah ban sngewsarong shaphang kiei kiei kiba khraw. Shu pyrkhat kat ka 'lawbah lah ban pynpluh ïa ka da i thylliej ding iba rit!

JAKOB 4:16

Hynrei mynta phi sngewsarong bad phi kyr-eit; baroh kata kaba phi kyr-eit ka long kaba bakla.

2 PETROS 2:18

Ki kren ïa ki jingkren sarong bad ba-mutlop, bad ki riam pah da ki jingkwah brai jong ka doh ïa ki briew kiba dang shu sdang ban phet ïap napdeng ki briew kiba im ha ka jingleh bymdei.

JUDAH 1:16

Kine ki briew kiba khñium bad borabor ki kynnoh ïa kiwei; ki ïaid kat kum ki jingkwah brai jong ki; ki kren sarong shaphang ïa lade bad ïaroh arsap ïa kiwei khnang ban ïoh leh ïa kaba ki kwah hi.