Ka Shithi U Paul Sha Ki Nong Rom 1:3 - Khasi CL Bible (BSI)

³ Ka dei shaphang U Khun jong u, U Jisu Khrist uba U Trai jong ngi: Shaphang ka jinglongbriew jong u, ïa u la kha uba hiarpateng na u Dabid;

KA BAIBL

³ shaphang uta U Khun jong u, ïa uba la pynmih na u symbai u Dabid katba kum ka doh;

Ka Shithi U Paul Sha Ki Nong Rom 1:3 ပူးပေါင်းရင်းမြစ်များ

JENESIS 3:15

Ngan pynlong ïa me bad ka briew ban ïa-isih iwei ïa iwei pat, u symbai jong ka bad u symbai jong me kin ïailong ki nongshun. U symbai jong ka un pynlwet ïa ka khlieh jong me, bad me pat men puh ïa ka khongdong'jat jong u symbai jong ka.”

SALM 2:7

“Ngan pynbna,” ong u syiem, “ïa kaei kaba U Trai u la pynbna. U ong ha nga: ‘Me long u khun jong nga; ha kane ka sngi nga la long u kpa jong me.

JEREMAÏAH 33:26

Bad kumba, shisha, nga la leh ïa kane, kumta ngan pynneh ïa la ka jutang bad ki khun ki ksiew u Jakob bad u shakri jong nga u Dabid. Ngan jied ïa uwei na ki nonghiarpateng u Dabid ban synshar halor ki khun ki ksiew u Abraham, u Isaak, bad u Jakob. Ngan isynei ïa ki briew jong nga bad pynlong ïa ki ban roi kyrhai pat.”

AMOS 9:11

U Trai u ong, “Ka sngi ka la poi haba ngan pynïeng pat ïa ka hima u Dabid kaba long kum ka ïing kaba la khyllem ha ki jingjot. Ngan shna pynbha ïa ki kynroh jong ka bad ngan pynïeng pat ïa ka. Ngan tei pat ïa ka bad ngan pynlong ïa ka kumba ka la ju long mynshuwa.

MATHAÏOS 1:1

Kane ka dei ka thup kyrteng jong ki kpa tymmen U Jisu Khrist, uba hiarpateng na u Dabid, uba long uba hiarpateng na u Abraham.

MATHAÏOS 12:23

Ki paidbah ki la sngewkyndit ïa kaei kaba U Jisu u la leh. “Hato une un dei U Khun jong u Dabid?” ki la kylli.

MATHAÏOS 15:22

Ka kynthei nong Kanaan kaba shong ba sah ha kata ka thain ka la wan sha u. “Ko khun u Dabid!” ka la pyrta jam. “To isynei ïa nga, ko Kynrad! Ka khun jong nga ka don u ksuid bad ka don ha ka jinglong bashyrkhei.”

MATHAÏOS 26:63

Hynrei U Jisu u shu sngap. Sa shisien pat u Rangbah Lyngdoh u la kren ha u, “Ha ka kyrteng jong U Blei uba im, mynta nga buh ïa me ha ka jingsmai: Ïathuh ïa ngi lada me dei u Messaïah, U Khun U Blei.”

MATHAÏOS 27:43

U shaniah ha U Blei bad u kam ba u long U Khun U Blei. Kumta, te, to ngin peit lada U Blei u kwah ban pynim ïa u mynta!”

MATHAÏOS 3:17

Nangta ka sur ktien ka la ong na bneng, “Une u long U Khun uba ieit eh jong nga, ha uba nga sngewbha eh.”

MATHAÏOS 9:27

U Jisu u la mihnoh na kata ka jaka, bad katba u dang ïaid, ar ngut ki rangbah kiba matlah ki la sdang ban bud ïa u. “To isynei ïa ngi, ko khun u Dabid!” ki la pyrta.

LOUKAS 1:35

U angel u la jubab, “U Mynsiem Bakhuid un sa wan ha pha, bad ka bor jong U Blei kan shong halor jong pha. Na kane ka daw, ïa i khunlung bakhuid yn khot U Khun U Blei.

LOUKAS 1:69

U la ai ha ngi ïa U Nongpynim bakhrawbor, uba hiarpateng na u Dabid u shakri jong u.

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

ÏOANNIS 1:34

Nga la ïohi ïa kata,” la ong U Ïoannis, “bad nga ong ha phi ba une u dei U Khun U Blei.”

ÏOANNIS 1:49

“Ko Nonghikai,” la jubab u Nathanael, “me long U Khun U Blei! Me long u Syiem ki Israel!”

ÏOANNIS 10:30

U Kpa bad ma nga ngi long kawei.”

ÏOANNIS 10:36

Na ka bynta jong nga, U Kpa u la jied ïa nga bad u la phah ïa nga sha ka pyrthei. Kumno, te, phi lah ban ong ba nga krenbeiñ blei namar ba nga la ong ba nga long U Khun U Blei?

ÏOANNIS 20:28

U Thomas u la jubab ïa u, “U Trai jong nga bad U Blei jong nga!”

ÏOANNIS 20:31

Hynrei ïa kine la thoh khnang ba phin ïoh ngeit ba U Jisu u long U Messaïah, U Khun U Blei, bad da kaba ngeit ha u phin ïoh ïa ka jingim.

ÏOANNIS 5:25

Nga ong ha phi ïa ka jingshisha: Ba ka por kan poi — ka por ka la lah poi — haba kiba ïap kin ïohsngew ïa ka sur jong U Khun U Blei, bad kito kiba ïohsngew ïa ka kin ïoh im.

ÏOANNIS 7:42

Ka Jingthoh Bakhuid ka ong ba U Messaïah un long uba hiarpateng na u Syiem Dabid bad yn kha ïa u ha Bethlehem, ka shnong ha kaba u Dabid u la im.”

KI KAM 2:30

U la long u nongïathuhlypa, bad u la tip aïu U Blei u la kular ïa u: U Blei u la pynlong ka jingsmai ba un pynlong syiem ïa uwei na ki khun ki ksiew jong u Dabid, kumba u Dabid u la long.

KI KAM 3:13

U Blei jong u Abraham, u Isaak, bad jong u Jakob, U Blei ki kpa tymmen jong ngi, u la ai ïa ka burom ba kynja blei ha U Jisu u shakri jong u. Hynrei phi la aiti ïa u ha ki bor synshar, bad phi la kyntait ïa u ha khmat u Pilat, wat hadien ba u Pilat u la rai ban pyllait noh ïa u.

KI KAM 8:36

Katba ki nang ïaleit ha lynti, ki la poi ha ka jaka ha kaba la don khyndiat ka um, bad uta u rangbah synshar u la ong, “Hangne ka don ka um. Kaei kaba khang ïa nga na kaba shah pynbaptis?”

KI KAM 9:20

U la leit beit sha ki synagog u la sdang ban ïalap ba U Jisu u long U Khun U Blei.

Ka Shithi U Paul Sha Ki Nong Rom 1:9

U Blei u long u sakhi jong nga ba kaei kaba nga ong ka long kaba shisha — U Blei ïa uba nga shakri da ka dohnud jong nga baroh da kaba ïalap ïa ka Khubor Babha shaphang U Khun jong u. U Blei u tip ba nga kynmaw ïa phi man ba nga duwai.

Ka Shithi U Paul Sha Ki Nong Rom 4:1

Kaei kaba ngin ïa-ong te, shaphang u Abraham, u kpa jong ka jaitbynriew jong ngi? Kaei ka jingshem jong u?

Ka Shithi U Paul Sha Ki Nong Rom 9:3

Na ka bynta jong ki nga kwah ba ngan jin da la don hapoh ka jingtim U Blei ba la pynïakhlad na U Khrist.

Ka Shithi U Paul Sha Ki Nong Rom 9:5

ki hiarpateng na ki kpa tymmen Hebru bapawnam; bad U Khrist, kum u briew, u long na ka jaitbynriew jong ki. To ai ba yn ïaroh junom ïa U Blei uba synshar halor baroh! Amen.

1 KORINTH 1:9

U Blei u long uba dei ban shaniah, U Blei uba la khot ïa phi sha ka jingïasyllok bad U Jisu Khrist u khun jong u, uba U Trai jong ngi.

1 KORINTH 10:18

To pyrkhat ïa ki paid Israel; kito kiba bam ïa kaei kaba la kñia ki ïoh bynta ha ka jingshakri ha ka duwan sha U Blei.

GALATIA 4:4

Hynrei haba ka ïa kaba biang ka la poi, U Blei u la phah ïa la U Khun.

1 THESSALONI 1:10

bad ban ap ïa U Khun jong u ban wan na bneng — U Jisu, U Khun jong u, ïa uba u la pynmihpat na ka jingïap bad uba pyllait im ïa ngi na ka jingbitar jong U Blei ka ban sa wan.

1 TIMOTHI 2:5

Naba don tang uwei U Blei, bad don uwei uba pynwan lang ïa U Blei bad ïa u khunbynriew, U Khrist Jisu uba long ruh u briew, uba la aiti ïa lade ban siewspah ïa ki briew baroh.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

2 TIMOTHI 2:8

To kynmaw ïa U Jisu Khrist, uba la mihpat na ka jingïap, uba la hiarpateng na u Dabid, kumba la hikai ha ka Khubor Babha kaba nga ïalap.

1 ÏOANNIS 1:3

Ïa kaei kaba ngi la ïohi bad la ïohsngew ngi pynbna ha phi ruh, khnang ba phin ïasnoh bad ngi ha ka jingïasyllok kaba ngi don bad U Kpa lem bad U Jisu Khrist U Khun jong u.

1 ÏOANNIS 3:23

Kaei kaba u hukum ka long ba ngi ngeit ha U Jisu Khrist, U Khun jong u bad ngi ïa-ieit iwei ïa iwei, kumba U Khrist u la hukum ïa ngi.

1 ÏOANNIS 3:8

Uno uno uba ïai leh ïa ka pop, u long jong u Soitan, namar u Soitan u la leh pop naduh kaba mynnyngkong eh. U Khun U Blei u la paw na ka bynta kane hi ka daw, ban pynjot noh ïa kaei kaba la leh da u Soitan.

1 ÏOANNIS 4:15

Lada uno uno u pynbna ba U Jisu u long U Khun U Blei, u im ha U Blei bad U Blei u im hapoh jong u.

1 ÏOANNIS 5:1

Uno uno uba ngeit ba U Jisu u long U Messaïah, u long u khun U Blei; bad uno uno uba ieit ïa u kpa, u ieit ïa u khun jong u ruh.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

1 ÏOANNIS 5:5

Uei uba lah ban jop ïa ka pyrthei? Tang u briew uba ngeit ba U Jisu u long U Khun U Blei.

2 ÏOANNIS 1:7

Kiba bun ki nongshukor ki la leit sha ka pyrthei baroh, ki briew ki bym pdiang ba U Jisu Khrist u la wan kum u briew. Kum uta u briew, u long u nongshukor bad u Nongshun jong U Khrist.

JINGPYNPAW 2:18

“Thoh ha u angel jong ka balang ha Thiatira: “Kane ka long ka khubor na U Khun U Blei, kiba ki khmat jong u ki klang kum ka ding, kiba ki kjat jong u ki phyrnai kum ka rnong ba la shut pynphyrnai.