Ka Shithi U Paul Sha Ki Nong Rom 1:28 - Khasi CL Bible (BSI)

²⁸ Namar ba kita ki briew ki la kyntait ban bat ha ka jingmut ïa ka jingtip bashisha shaphang U Blei, u la ai noh ïa ki sha ki jingmut bajakhlia, ba kumta ki leh ïa kiei kiei kiba kim dei ban leh.

KA BAIBL

²⁸ Te kat kumba kim shym la treh ban bat ïa U Blei ha ka jingtip jong ki, kumta, U Blei u la iehnoh ïa ki ha ka jingmut bymsuidñiew, ban ïai-leh ïa kita kiei kiei ruh ki bymbit;

Ka Shithi U Paul Sha Ki Nong Rom 1:28 ပူးပေါင်းရင်းမြစ်များ

JENESIS 6:5

Haba U Trai u la ïohi haduh katno ka jingsniew jong uwei pa uwei u briew ha ka pyrthei bad katno ki jingmut jingpyrkhat bymman jong ki ha ki por baroh,

2 SAMUEL 22:27

Me long uba khuid ha kito kiba khuid, hynrei uba pyrshah ha kito kiba sniew.

SALM 69:27

To buh jingthoh ïa ki pop jong ki baroh; wat shah ïa ki ba kin don kano kano ka bynta ha ka jingpynim jong me.

PROBERB 1:22

“A, phi ki briew kiba bieit! Slem katno keiñ phi dang kwah ban sah bieit? Sa katno keiñ phin dang kmen ha kaba krenbeiñ ïa ka jingtip? Hato phim kwah ban ïoh jinghikai?

PROBERB 1:29

Phim ju sngew donkam ïa ka jingtip bad borabor phi kyntait ban kohnguh ïa U Trai.

PROBERB 1:7

Ban ïoh ïa ka jingtip, nyngkong phi dei ban don ka jingtiengburom ïa U Trai. Ki briew kiba mutlop kim don ka jingñiewkor ïa ka jingstad bad ki kyntait ban shah hikai.

PROBERB 17:16

Kam wanrah ei ei kaba bha lada pynlut pisa ha ka jingpynnang pynstad ïa uba bieit, namar um don jingshemphang satia.

JEREMAÏAH 4:22

U Trai u ong, “Ki briew jong nga ki long kiba mutlop; kim ithuh ïa nga. Ki long kiba bieit kum ki khynnah; kim don kano kano ka jingshemphang. Ki long kiba tbit ha kaba leh ïa kaba sniew, hynrei ki bym lah ban leh ïa kaba bha.”

JEREMAÏAH 6:30

Yn khot ïa ki, ka eitnar bymdondor, namar ma nga, U Trai, nga la kyntait ïa ki.”

ESEKIEL 14:5

Kito ki bleithaw baroh ki la pynphai noh ïa ki Israel na nga, hynrei da ka jubab jong nga, nga kyrmen ban ïoh pat ïa ka jingshaniah jong ki.

ESEKIEL 20:25

“Nangta nga la ai ha ki ïa ki aiñ ki bym long kiba bha, bad ïa ki hukum ki bym lah ban wanrah jingim.

HOSIA 4:6

Ki briew jong nga ki shu jot ei namar kim pdiang ïa nga. Phi ki lyngdoh phim suidñiew ban pdiang ïa nga bad phi la kyntait ïa ka jinghikai jong nga, bad kumta nga la kyntait noh ïa phi bad ngan ym pdiang ïa ki khun jong phi kum ki lyngdoh jong nga.

KI KAM 17:23

Naba katba nga dang ïaid lyngba ka nongbah jong phi bad khmih ïa ki jaka ha kiba phi mane, nga la lap ïa ka duwan ha kaba la thoh, ‘Ha U Blei uba ngim tip.’ Te ïa uta ïa uba phi mane, wat haba phim tip ïa u, ïa une keiñ nga pynbna mynta ha phi.

KI KAM 17:32

Haba ki la ïohsngew ba u Paul u kren shaphang ka jingmihpat na ka jingïap, katto katne na ki, ki la rkhiebeiñ ïa u, hynrei kiwei pat ki la ong, “Ngi kwah ban ïohsngew ba men kren biang ïa kane.”

Ka Shithi U Paul Sha Ki Nong Rom 1:18

Ïa ka jingbitar U Blei la pynpaw na bneng pyrshah ïa baroh ka pop bad ka jingsniew jong ki briew kiba ki lynti basniew jong ki, ki la khang ïa ka jingtip ïa ka jingshisha.

Ka Shithi U Paul Sha Ki Nong Rom 1:21

Ki tip ïa U Blei, hynrei kim ai ïa u ka burom kaba dei ka jong u, lymne kim shym sngewnguh ïa u. Pynban, ki jingpyrkhat jong ki, ki la long ki bym don jingmut ei ei, bad ïa ki jingmut ba-thylli jong ki la pyndap da ka jingdum.

Ka Shithi U Paul Sha Ki Nong Rom 1:24

Bad kumta U Blei u la ai noh ïa kita ki briew sha ka ban leh ïa kiei kiei kiba jakhlia kiba ki dohnud jong ki, ki kwah, bad ki leh ïa kiei kiei kiba khlemrain para ma ki.

Ka Shithi U Paul Sha Ki Nong Rom 1:26

Namar ba ki leh ïa kane, U Blei u la ai noh ïa ki sha ki jingkwah brai bakhlemrain. Wat ki kynthei ki la pynbakla noh ïa ka jingpyndonkam kaba dei kat kum ka rukom ha ka jingshongkurim da ki jingleh ki bym dei kat kum ka rukom.

1 KORINTH 15:34

To wan phai pat sha ka jingtipbriew bad sangeh na ki lynti bapop jong phi. Nga pynbna ba phin lehrain ba don hapdeng jong phi ki bymtip ïa U Blei.

2 KORINTH 10:5

Ngi pynïap nia ïa ki jingïatainia ba-thala; ngi pynduh ïa ka jingpynwit basngewmeng baroh ba la pynïeng pyrshah ïa kata ka jingtip U Blei; ngi shim ïa ka jingpyrkhat baroh bad pynkohnguh ïa ka ha U Khrist.

EPHESOS 5:4

Lymne kam long kaba dei ïa phi ban pyndonkam ïa ka ktien kaba khlem akor, kren thala, ne krensih, pynban, phi dei ban ainguh ïa U Blei.

2 THESSALONI 1:8

lem bad ka ding baklang, ban pynshitom ïa kito kiba kyntait ïa U Blei bad ki bymkohnguh ïa ka Khubor Babha shaphang U Jisu uba U Trai jong ngi.

2 TIMOTHI 3:8

Kumba u Jannes bad u Jambres ki la ïeng ïaleh pyrshah ïa u Moses, kumta ruh kine ki briew ki ïaleh pyrshah ïa ka jingshisha — ki briew kiba ki jingmut jong ki kim treikam bad kiba la shahjop ha ka jingngeit.

TITOS 1:16

Ki kam ba ki tip ïa U Blei, hynrei ki jingleh jong ki, ki len ïa kata. Ki long kiba dap da ka jingisih bad bymkohnguh, ki bym biang ban leh ïa kano kano kaba bha.

PHILEMON 1:8

Kum u hynmen jong me ha U Khrist na ka bynta kane ka daw ba nga lah ban sngew shlur katne, ban hukum ïa me ban leh ïa kaei kaba dei ban leh.

2 PETROS 3:5

Ki da thmu khnang ban leh klet ïa ka jingshisha ba U Blei u la ai ïa ka hukum la slem bah, bad ïa ki bneng bad ka khyndew la pynlong.