Ka Shithi U Paul Sha Ki Nong Rom 1:26 - Khasi CL Bible (BSI)

²⁶ Namar ba ki leh ïa kane, U Blei u la ai noh ïa ki sha ki jingkwah brai bakhlemrain. Wat ki kynthei ki la pynbakla noh ïa ka jingpyndonkam kaba dei kat kum ka rukom ha ka jingshongkurim da ki jingleh ki bym dei kat kum ka rukom.

KA BAIBL

²⁶ Namar kane keiñ, U Blei u la iehnoh ïa ki ha ki jingsngewbrai bakhlem rain: namar wat ki kynthei jong ki, ki la ïa-pynkylla ïa kata ka rukom bakynja tynrai jong ki hi sha kata kaba da kumwei na ka jinglong tynrai.

Ka Shithi U Paul Sha Ki Nong Rom 1:26 ပူးပေါင်းရင်းမြစ်များ

JENESIS 19:5

Ki pyrta ïa u Lot bad kylli ïa u, “Hangno kito ki rangbah kiba wan sah bad me ha kane ka miet? Pynmih ïa ki shabar!” Ki shynrang jong ka Sodom ki kwah ban ïathiah shongkha bad ki.

SALM 81:12

Kumta nga la shah ïa ki ban ïaid mutlop ha ki lynti jong ki bad ban leh kat kaba ki mon.

Ka Shithi U Paul Sha Ki Nong Rom 1:24

Bad kumta U Blei u la ai noh ïa kita ki briew sha ka ban leh ïa kiei kiei kiba jakhlia kiba ki dohnud jong ki, ki kwah, bad ki leh ïa kiei kiei kiba khlemrain para ma ki.

Ka Shithi U Paul Sha Ki Nong Rom 1:28

Namar ba kita ki briew ki la kyntait ban bat ha ka jingmut ïa ka jingtip bashisha shaphang U Blei, u la ai noh ïa ki sha ki jingmut bajakhlia, ba kumta ki leh ïa kiei kiei kiba kim dei ban leh.

1 KORINTH 6:9

Shisha phi tip ba ki bymman kin ym ïohkynti ïa ka Hima U Blei. To wat shukor ïa lade; ki briew kiba awria lane kiba mane ïa ki bleithaw lane kiba klim lane kiba leh khyllah para shynrang

EPHESOS 4:19

Ki la duh noh ïa baroh ki jingsngew jong ka jinglehrain; ki pynlapmiet ïa lade ha ki kam thala bad ki leh ïa baroh ki jait kam sniew khlem salia.

EPHESOS 5:12

(Ka long da shisha kaba lehrain eh wat ban ïakren ïa kita kiei kiei ïa kiba ki leh ha kaba rieh).

1 THESSALONI 4:5

ym ha ka jingkwah brai thala, kum kiba mane blei thala ki bymtip ïa U Blei.

JUDAH 1:10

Hynrei, kine ki briew, ki tur ïaleh da kaba krenbeiñ da kiei kiei kiba kim sngewthuh; bad kito kiei kiei kiba ki tip da ka bor tipthuh kum ki mradkhlaw, ki long kita hi kiei kiei kiba pynjot ïa ki.

JUDAH 1:7

To kynmaw ïa ka Sodom bad Gomorrah, bad ki shnong ba-marjan, ha kaba ki briew ki leh kumba la leh kito ki angel bad ki kyrsum ha ki jingleh nuti bad bajakhlia: Ki shah ïa ka jingpynshitom ha ka ding bymjukut kum ka jingmaham ïa baroh.

NONGBISHAR 19:22

Katba ki dang pynsngewbha ïa lade kumta, kynsan kynsan la don ki riewthala na kata ka shnong ki kerkut ïa kata ka ïing, ki da tied tyngeh ïa ka jingkhang. Ki ong ha uta u tymmen, “Sei shabar ïa uto u briew uba rung ha ïing jong phi! Ngin ïathiah shongkha bad u!”