Ka Shithi U Paul Sha Ki Nong Rom 1:22 - Khasi CL Bible (BSI)

²² Ki ong ba ki long kiba stad, hynrei ki long kiba bieit;

KA BAIBL

²² Haba ki kren phlan duman ba ki long ki bastad, ki la man bieit noh pynban;

Ka Shithi U Paul Sha Ki Nong Rom 1:22 ပူးပေါင်းရင်းမြစ်များ

PROBERB 25:14

Ki briew kiba kular ïa kiei kiei kiba kim ju lah ban ai satia ki long kum ki lyoh bad ka lyer ki bym ai slap.

PROBERB 26:12

U briew uba bieit mutlop tam u kham bha ban ïa uno uno uba pyrkhat ba u long uba stad haba um long kumta.

ISAÏAH 44:20

Ka long ka jingsngewthuh kumba bam dpei. Ki jingmut ba-bieit jong u ki la ïalam bakla ïa u ha kaba u don sha lyndet ka jingïarap. Un ym pdiang ha lade ba ka bleithaw ba u bat ha ka kti jong u kam long satia ka blei.

ISAÏAH 47:10

“Pha sngewshngain ïa lade ha la ki kam sniew; pha pyrkhat ba ym don mano mano ba ïohi ïa pha. Ka jingstad bad ka jingtip jong pha ki ïalam bakla ïa pha, bad pha ong ha lade, ‘Nga long U Blei — ym don uno uno pat kum ma nga.’

JEREMAÏAH 10:14

Ha ka jingïohi ïa kane, ki rangbah ki sngew mutlop bad kim sngewthuh ei ei; kito kiba shna bleithaw ki shah pynthame, namar ki blei kiba ki shna ki long kiba bakla bad kim don jingim.

JEREMAÏAH 4:22

U Trai u ong, “Ki briew jong nga ki long kiba mutlop; kim ithuh ïa nga. Ki long kiba bieit kum ki khynnah; kim don kano kano ka jingshemphang. Ki long kiba tbit ha kaba leh ïa kaba sniew, hynrei ki bym lah ban leh ïa kaba bha.”

MATHAÏOS 6:23

hynrei lada ki khmat jong phi kim long kiba bha, ka met jong phi kan don ha ka jingdum. Kumta lada ka jingshai hapoh jong phi ka long ka jingdum, katno kan long ka jingdum kaba shyrkhei eh!

Ka Shithi U Paul Sha Ki Nong Rom 11:25

Ka don ka jingshisha barieh, ko ki parabangeit jong nga, kaba nga kwah ïa phi ban tip, naba kan pynlong ïa phi ban ym pyrkhat katno uba stad phi long. Kata ka long ba ka jingmutlop jong ki paid Israel kam neh sah, hynrei kan neh tang haduh kata ka por ba baroh ki Jentil kin wan sha U Blei.