Ka Shithi U Paul Sha Ki Nong Rom 1:21 - Khasi CL Bible (BSI)

²¹ Ki tip ïa U Blei, hynrei kim ai ïa u ka burom kaba dei ka jong u, lymne kim shym sngewnguh ïa u. Pynban, ki jingpyrkhat jong ki, ki la long ki bym don jingmut ei ei, bad ïa ki jingmut ba-thylli jong ki la pyndap da ka jingdum.

KA BAIBL

²¹ Namar haba ki la tip ïa U Blei, kim shym la pyndonburom ïa u kum U Blei, lymne kim shym la ainguh: hynrei, ki la man thala noh ha ki jingpyrkhat jong ki, kumta la pynsynñia tiaw ïa ka dohnud bieit jong ki.

Ka Shithi U Paul Sha Ki Nong Rom 1:21 ပူးပေါင်းရင်းမြစ်များ

JENESIS 6:5

Haba U Trai u la ïohi haduh katno ka jingsniew jong uwei pa uwei u briew ha ka pyrthei bad katno ki jingmut jingpyrkhat bymman jong ki ha ki por baroh,

JENESIS 8:21

Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

1 SYIEM 20:23

Ki rangbah synshar jong u syiem Benhadad ki ong ha u, “Ki blei jong ki Israel ki dei ki blei lum, bad dei na kata ka daw ba ki Israel ki jop ïa ngi. Hynrei ngin sa jop khlem pep ïa ki lada ngi ïaleh ïa ki ha ki jaka madan.

2 SYIEM 17:15

Ki kyntait ban kohnguh ïa ki jingbthah jong u, kim shym sumar ïa ka jutang kaba u la pynlong bad ki kpa tymmen jong ki, bad kim suidñiew ïa ki jingmaham jong u. Ki la mane ïa ki bleithaw bym shongdor bad ïa lade ki long ki bymdondor, bad ki bud ïa ki rukom jong ki hima ba don sawdong, khlem kohnguh ïa ki hukum U Trai ban pyrthuh bud ïa ki.

SALM 50:23

Kaba ai ïa ka jingsngewnguh ka long ka jingkñia kaba pyndonburom ïa nga, bad da shisha ngan pynim ïa baroh kiba kohnguh ïa nga.”

SALM 81:12

Kumta nga la shah ïa ki ban ïaid mutlop ha ki lynti jong ki bad ban leh kat kaba ki mon.

SALM 86:9

Baroh ki jaitbynriew ba me la thaw kin wan bad dem ngon ha khmat jong me, kin ïaroh ïa ka jingkhraw jong me.

EKLESIASTIS 7:29

Kane ka long baroh kaba nga la tip: U Blei u la thaw ïa ngi kiba synlar, hynrei ngi la pynjyrthiaw shibun eh ïa lade.

ISAÏAH 60:2

Ïa kiwei pat ki ri yn tap da ka jingdum, hynrei ha phi ka jingshai U Trai ka tyngshaiñ; ka jingphyrnai ka jingdon ryngkat jong u kan long bad phi.

JEREMAÏAH 16:19

A Trai, me long uta uba ïada ïa nga bad uba ai ha nga ka jingkhlaiñ; me ïarap ïa nga ha ki por jingjynjar. Ki jaitbynriew kin wan sha me na kiba kut jong ka pyrthei bad ong, “Ki kpa tymmen jong ngi kim shym la don ei ei hynrei tang ki blei thala, ym don ei ei hynrei tang ki bleithaw bymmyntoi.

JEREMAÏAH 17:9

“Mano ba lah ban shemphang ïa ka dohnud briew? Ym don kano kano kawei pat kaba shukor katta katta; ka pang jur eh ban ïa kaba ïoh jingkoit.

JEREMAÏAH 2:5

U Trai u ong, “Kaei ka jingkynnoh ba ki kpa tymmen jong phi ki la wanrah pyrshah ïa nga? Kaei kaba pynlong ïa ki ban phai noh na nga? Ki la ïamane ïa ki bleithaw bymdondor ei ei bad ki hi ki la kylla long ki bymdondor.

JEREMAÏAH 9:14

Pynban, ki la long kiba mutlop bad ki la mane ïa ki bleithaw u Baal kumba ki kpa jong ki, ki la hikai ïa ki ban leh.

ESEKIEL 14:5

Kito ki bleithaw baroh ki la pynphai noh ïa ki Israel na nga, hynrei da ka jubab jong nga, nga kyrmen ban ïoh pat ïa ka jingshaniah jong ki.

ESEKIEL 20:25

“Nangta nga la ai ha ki ïa ki aiñ ki bym long kiba bha, bad ïa ki hukum ki bym lah ban wanrah jingim.

HOSIA 2:8

Kan ym tip ba dei ma nga uba la ai ïa ka u kew, ka waiñ, ka umphniang Olib, bad baroh ka rupa bad ka ksiar ba ka ju pyndonkam ha kaba mane ïa u Baal.

ÏOANNIS 3:19

Kane ka long kumno ka jingbishar ka trei: Ka jingshai ka la wan sha ka pyrthei, hynrei ki briew ki ieit ïa ka jingdum ban ïa ka jingshai, namar ba ki kam jong ki, ki long kiba sniew.

KI KAM 26:18

Me dei ban pynpeit ïa ki khmat jong ki bad pynphai ïa ki na ka jingdum sha ka jingshai, bad na ka bor jong u Soitan sha U Blei, khnang ba da ka jingngeit jong ki ha nga kin ïoh ka jingmap noh ïa ki pop jong ki bad ïohpdiang ïa la ka jaka hapdeng ki briew kiba la jied jong U Blei.’

Ka Shithi U Paul Sha Ki Nong Rom 1:19

U Blei u pynshitom ïa ki, namar ïa kaei kaba lah ban tip shaphang U Blei ka long kaba shai ha ki, naba U Blei da lade hi u la pynshai ïa kata.

Ka Shithi U Paul Sha Ki Nong Rom 1:28

Namar ba kita ki briew ki la kyntait ban bat ha ka jingmut ïa ka jingtip bashisha shaphang U Blei, u la ai noh ïa ki sha ki jingmut bajakhlia, ba kumta ki leh ïa kiei kiei kiba kim dei ban leh.

Ka Shithi U Paul Sha Ki Nong Rom 11:10

Ai ba ki khmat jong ki kin matlah khnang ba kin ym ïohi; bad ai ba kin dem hapoh ki jingjynjar jong ki ha ki por baroh.”

Ka Shithi U Paul Sha Ki Nong Rom 15:9

bad ban pynlah wat ïa ki Jentil ban ïaroh ïa U Blei na ka bynta ka jingisynei jong u. Kumba ka Jingthoh Bakhuid ka ong, “Bad kumta ngin ïaroh ïa me hapdeng ki Jentil; ngan rwai ki jingïaroh ïa me.”

DEUTERONOMI 28:29

Phin shu tare ruma mynsngi kum u matlah, bad phin ym lap lynti. Kat kaba phi leh kan pulom. Phin shah lehbeiñ bad shah lute man ka por, bad yn ym don ba ïarap ïa phi.

2 TIMOTHI 3:2

Ki briew kin long kiba khwan myntoi, kiba lalot, kiba leh sarong, bad kiba kyr-eit; kin krenbeiñ, kin ym kohnguh ïa la ki kmie ki kpa, ki bymsngewnguh, bad ki bymriewblei;

1 PETROS 1:18

Naba phi tip ïa kaei kaba la siew ban pyllaitluid ïa phi na ka rukom im bymmyntoi kaba la ïohpateng na ki kpa tymmen jong phi. Kam shym long kaei kaei ïa kaba lah ban pynjot, kum ka rupa ne ka ksiar;

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

JINGPYNPAW 14:7

U la kren ha ka sur kaba jam, “To pyndonburom ïa U Blei bad to ïaroh ïa ka jingkhraw jong u! Naba ka por ka la poi ïa u ba un bishar ïa u khunbynriew. To mane ïa uta uba la thaw ïa ka bneng, ïa ka khyndew, ïa ka duriaw bad ïa ki umpohliew!”

JINGPYNPAW 15:4

Uei u ban ym ïeng ha ka jingtiengburom ïa me, A Trai? Uei u ban kyntait ban pynbna ïa ka jingkhraw jong me? Tang ma me hi uba khuid. Baroh ki jaitbynriew kin wan bad mane ïa me, namar ïa ki jingleh bahok jong me la ïohi da baroh.”