Ka Shithi U Paul Sha Ki Nong Rom 1:20 - Khasi CL Bible (BSI)

²⁰ Naduh ba U Blei u la thaw ïa ka pyrthei, ki jinglong bym lah ban ïohi jong u, ka bor bymjukut bad ka jinglong ba kynja Blei jong u, la ïohi shai kdar; la ïohi ïa ki ha kiei kiei kiba U Blei u la thaw. Kumta kito ki briew kin ym lait satia!

KA BAIBL

²⁰ namar ïa kita kiei kiei ruh ki bym lah ïohi ki jong u naduh ka jingpynlong ïa ka pyrthei la ïohi shynna, ba la shemphang ïa ki na kita kiei kiei ruh ba la thaw, kiba long, ka bor bymjukut ruh bad ka jinglong Blei jong u, khnang ba kin long khlem jingkrendong shuh.

Ka Shithi U Paul Sha Ki Nong Rom 1:20 ပူးပေါင်းရင်းမြစ်များ

JENESIS 1:1

Ha kaba mynnyngkong, haba U Blei u la thaw ïa ka pyrthei, ka pyrthei ka long kaba khlem dur bad kaba suda.

JENESIS 21:33

Te U Abraham u la thung uwei u dieng Tamarisk ha Beersheba bad u la mane ïa U Trai, U Blei Bymjukut.

Ka Kitab U Job 12:7

Wat ki sim bad ki mrad ki don shibun ban hikai ïa me;

SALM 104:31

To ka burom jong U Trai kan neh junom! To U Trai un kmen ïa kaei kaba u la thaw!

SALM 104:5

Me la buh ïa ka pyrthei ha ki nongrim baskhem, bad yn ym pynkhih shuh ïa ka.

SALM 119:90

Ka jingïaineh jong me ka ïaisah sha ki pateng bynriew baroh; me la buh pynskhem ïa ka pyrthei, bad ka neh.

SALM 139:13

Me la thaw ïa ki dkhot met jong nga baroh; me buh lang ïa nga ha ka kpoh ka kmie jong nga.

SALM 8:3

Haba nga khmih ïa ka sahit bneng kaba me la thaw, ïa u bnai bad ki khlur, kiba me la buh ha ki jaka jong ki —

SALM 90:2

Shuwa ba men pynlong ïa ki lum, lane pynwan ïa ka pyrthei kumba ka long, naduh bymjukut haduh bymjukut me, me long U Blei, bad men ïailong U Blei junom.

ISAÏAH 26:4

To ngin shaniah ha U Trai junom; un ïada ïa ngi borabor.

ISAÏAH 40:26

A to khmied sha ka sahit bneng! Mano ba thaw ïa ki khlur ba phi ïohi? Uta uba ïalam ïa ki shabar kum ka kynhun shipai, u tip katno ki don bad u khot ïa uwei uwei da ka kyrteng! Ka bor jong u ka khraw katta katta — Ym don uwei na ki u ban jah noh.

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JEREMAÏAH 5:21

To pynshahshkor, phi ki briew kiba bieit bad ba-mutlop, kiba don ki khmat, hynrei ki bym lah ïohi, bad kiba don ki shkor, hynrei ki bym lah ïohsngew.

JEREMAÏAH 51:15

U Trai u la thaw ïa ka khyndew da ka bor jong u; da la ka jingstad u la thaw ïa ka pyrthei bad pynïar ïa ki bneng.

MATHAÏOS 5:45

khnang ba phi lah ban long ki khun jong U Kpa jong phi uba ha bneng. Namar u pynlong ïa ka sngi kaba u la thaw ban tyngshaiñ ha ki briew kiba sniew bad kiba bha kumjuh, bad u ai slap ha kito kiba leh ïa kaba bha bad ha kito kiba leh ïa kaba sniew.

MARKOS 10:6

Hynrei ha kaba nyngkong, ha ka por ka jingpynlong, ‘U Blei u la thaw ïa ki, shynrang bad kynthei,’ kumba ka Jingthoh Bakhuid ka ong.

ÏOANNIS 1:18

Ym don mano mano ruh uba la ïohi ïa U Blei. U Khun ba marwei jong u, uba long kumjuh kum U Blei bad uba don ha syndah jong U Kpa, u la pynpaw shynna ïa u.

ÏOANNIS 15:22

Kin ym da la sngewrem ïa la ka pop lada ngam shym la wan bad ngam shym la kren ha ki; kumba ka long, kim don nia ei ei shuh na ka bynta la ka pop.

KI KAM 17:29

Namar ba ngi long ki khun U Blei, ngim dei ban tharai ba ka jinglong jong u ka long kaei kaei kaba kum ka dur da ka ksiar lane rupa lane maw, ba la pynwandur da ka jingstad bad ka buit briew.

KI KAM 22:1

“Ko ki para nong Israel jong nga, to shahshkor ïa nga katba nga dang pynlong ka jingïasaid na ka bynta ïa lade ha khmat jong phi!”

Ka Shithi U Paul Sha Ki Nong Rom 1:19

U Blei u pynshitom ïa ki, namar ïa kaei kaba lah ban tip shaphang U Blei ka long kaba shai ha ki, naba U Blei da lade hi u la pynshai ïa kata.

Ka Shithi U Paul Sha Ki Nong Rom 16:26

Mynta pat, ïa kata ka jingshisha la pynmih ha kaba paw lyngba ki jingthoh jong ki nongïathuhlypa; bad da ka hukum jong U Blei bymjukut, ïa ka la pyntip sha baroh ki jaitbynriew, khnang ba baroh ki lah ban ngeit bad kohnguh.

Ka Shithi U Paul Sha Ki Nong Rom 2:1

Hato, ko paralok jong nga, phi bishar ïa kiwei pat? Phim lah lait satia, lada phi long uei uei ruh. Namar haba phi bishar ïa kiwei bad nangta phi leh ïa kijuh kiei kiei kiba ki leh, phi pynrem ïa lade.

Ka Shithi U Paul Sha Ki Nong Rom 2:15

Ka jingleh jong ki ka pyn-i ba ïa kaei kaba ka Hukum ka dawa, la thoh ha ki dohnud jong ki. Ki jingïatiplem jong ki ruh ki pyn-i ba kane ka long kaba shisha, namar ki jingpyrkhat jong ki teng teng ki pynrem ïa ki bad teng teng ki kyrshan ïa ki.

1 KORINTH 1:20

Kumta te, hangno kata ka buh ïa kiba stad? lane ki riewshemphang? lane ki nongïatainia batbit jong kane ka pyrthei? U Blei u la pyn-i ba ka jingstad jong kane ka pyrthei ka long ka jingibieit!

DEUTERONOMI 33:27

U Blei u ïailong ka jingïada jong phi; Ki ksang'ti uba na bymjukut ki kyrshan ïa phi. U beh ïa ki nongshun jong phi katba phi nang ïaid sha khmat, Bad u ong ïa phi ban pynjot thiaw ïa ki baroh.

DEUTERONOMI 4:19

Sumar ban ym shah pynshoi kat haduh ban da mane bad shakri ïa kaei kaba phi ïohi ha sahit bneng — la ka long ka sngi, u bnai, lane ki khlur, ïa kiba U Trai U Blei jong phi u la ai ha kiwei pat ki briew baroh ha ka pyrthei ba kin ïoh mane.

KOLOSSAI 1:15

U Khrist u long ka dur bapaw jong U Blei u bym lah ban ïohi. U long U Khun ba la kha nyngkong, uba hakhlieh duh jong kiei kiei baroh kiba la thaw.

KOLOSSAI 2:9

Naba ka jingdap pura jong ka jinglong Blei ka shong tylli ha U Khrist, ha ka jinglongbriew jong u, bad la ai ha phi ïa ka jingim ba-dap pura ha u.

1 TIMOTHI 1:17

Ha u Syiem bymjukut, u bymïap shuh bad u bym lah ban ïohi, uba tang ma u hi U Blei — ha u to long ka jingpyndonburom bad ka burom junom la junom! Amen.

1 TIMOTHI 6:16

Dei tang ma u marwei u bymïap shuh; u shong ha ka jingshai ha kaba ym don uba lah ban leit sha jan jong u. Ym don uno uno uba la ju ïohi ïa u; ym don uno uno uba lah ban ïohi ïa u. Ha u, to long ka burom bad ka borbah bymjukut! Amen.

HEBRU 11:27

Dei ka jingngeit kaba la pynlong ïa u Moses ban mihnoh na ka ri Ijipt khlem da sheptieng ïa ka jingbitar u Pharaoh. Ka la long kumba u la ïohi ïa U Blei u bym lah ban ïohi, u la kyntait ban phai dien.

HEBRU 9:14

Namar ba kane ka long kaba shisha, kaba katno tam lah ban pyndep da ka snam U Khrist! Lyngba U Mynsiem bymjukut u la aiti ïa lade kum ka jingkñia kaba janai ha U Blei. Ka snam jong u kan pynkhuid ïa ka jingïatiplem jong ngi na ki niam ki rukom ki bymmyntoi, khnang ba ngi lah ban shakri ïa U Blei uba im.