Ka Shithi U Paul Sha Ki Nong Rom 1:11 - Khasi CL Bible (BSI)

¹¹ Naba nga kwah haduh katta katta ban ïohi ïa phi, khnang ban ïasam ïa ka jingkyrkhu ba kynja mynsiem bad phi bad ban pynkhlaiñ ïa phi.

KA BAIBL

¹¹ Namar nga kwah hir hir ban ïohi ïa phi, ba ngan ïoh ïasam ha phi ïa kaei kaei ka jingai ba dei mynsiem, khnang ïa ka ban pynskhem ïa phi;

Ka Shithi U Paul Sha Ki Nong Rom 1:11 ပူးပေါင်းရင်းမြစ်များ

JENESIS 31:30

Nga tip ba me mihnoh namar ba me kynmaw ïing eh, hynrei balei pat me tuh ïa ki blei ïing jong nga?”

2 SAMUEL 13:39

hynrei haba u la sangeh ban pyrkhat ïa ka jingïap u Amnon, u la shlei da ka jingkynmaw ieit ïa u Absalom u khun jong u.

2 SAMUEL 23:15

U Dabid u la kynmaw ïing, bad u ong, “A ban da don uno uno uba wanrah umdih ïa nga na ka pukri kaba harud ka khyrdop Bethlehem!”

2 KHRONIKL 20:20

Dang step eh, ha ka sngi kaba bud, u paidbah u mih ban leit sha ka ri khlaw hajan Tekoa. Katba ki dang sdang leit, u Jehoshaphat u kren ïa ki da kine ki ktien: “Ko ki briew ka Judah bad Jerusalem! Buh ïa ka jingngeit jong phi ha U Trai U Blei jong phi, bad phin long skhem. Ngeit ïa kaei kaba ki nongïathuhlypa ki ong ïa phi bad phin jop.”

KI KAM 16:5

Kumta ïa ki balang la nang pynkhlaiñ ha ka jingngeit bad ki la nang roi ha ka jingbun briew man ka sngi.

KI KAM 19:21

Hadien ba kine kiei kiei ki la jia, u Paul u la kut jingmut ban leit lyngba ka Makedonia bad ka Akhaïa bad ban nang leit sha Jerusalem. “Hadien ba nga leit shata,” u la ong, “nga dei ban ïohi ruh ïa ka Rom.”

KI KAM 19:6

U Paul u la buh ïa la ki kti halor jong ki, bad U Mynsiem Bakhuid u la wan ha ki; ki la kren ha ki thylliej kiba pher bad ki la pynbna ruh ïa ka khubor jong U Blei.

Ka Shithi U Paul Sha Ki Nong Rom 1:12

Kaei kaba nga mut ka long ba ma phi bad ma nga ngin ïoh ka jingïarap ha kajuh ka por, ma phi da ka jingngeit jong nga bad ma nga da ka jong phi.

Ka Shithi U Paul Sha Ki Nong Rom 15:23

Hynrei mynta ba nga la pyndep ïa ka jingtrei ha kine ki thain bad namar ba nga la ju kwah la bun snem ban wan khmih ïa phi, nga kyrmen ban leh kumta mynta.

Ka Shithi U Paul Sha Ki Nong Rom 15:29

Haba ngan wan sha phi, nga tip ba ngan wan ryngkat bad ka jingkyrkhu ba-dap jong U Khrist.

Ka Shithi U Paul Sha Ki Nong Rom 15:32

Bad kumta ngan wan sha phi da ka jingkmen kaba dap, lada ka long ka mon jong U Blei, bad ngan dap da ka jinghun ba pynpyngngad haba ngan wan khmih ïa phi.

Ka Shithi U Paul Sha Ki Nong Rom 16:25

To ngin ai ka burom ïa U Blei! U long uba lah ban pynlong ïa phi kiba ïeng skhem ha ka jingngeit jong phi, kat kum ka Khubor Babha kaba nga ïalap shaphang U Jisu Khrist bad kat kum ka jingpynpaw ïa ka jingshisha barieh, ïa kaba la buhrieh la slem bah mynshuwa.

2 KORINTH 1:15

Nga la sngewthikna bha shaphang kane baroh kumta nga la buh ki jingthmu nyngkong eh ban wan jngoh ïa phi, khnang ba phin ïoh jingkyrkhu ar shah.

2 KORINTH 1:21

U dei U Blei hi uba pynlong ïa ngi, ryngkat bad phi, ka jingpynthikna ïa ka jingim jong ngi ha U Khrist; u dei U Blei hi da lade uba la pynkyrpang ïa ngi,

2 KORINTH 11:4

Naba phi la ïaishah da kaba kmen ïa uno uno uba wan ha phi bad ïalap ïa uwei pat U Jisu, ym uta uba ngi la ïalap; bad phi pdiang ïa u mynsiem bad ïa ka gospel kaba pher shibun na U Mynsiem bad ka gospel kaba phi la ïohpdiang na ngi!

2 KORINTH 9:14

Bad kumta da ka jingsngewieit bajylliew kin duwai na ka bynta jong phi namar kata ka jingaiei kaba kor tam kaba U Blei u la pyn-i ha phi.

PHILIPPI 1:8

U Blei u long u sakhi jong nga, ba nga ïathuh ïa ka jingshisha, haba nga ong ba ka jingsngew bajylliew na ka bynta jong phi baroh, ka wan na ka dohnud U Khrist Jisu hi.

PHILIPPI 2:26

U kwah eh ban ïohi ïa phi baroh, bad u la sngew pisa shibun namar ba phi la ïohsngew ba u la pang.

PHILIPPI 4:1

Kumta te, ko parabangeit jong nga, haduh katno phi long kiba ieit ïa nga bad haduh katno nga la sngewtmang ïa phi! Haduh katno phi pynkmen ïa nga, bad haduh katno nga sngewsarong namar jong phi! Kane te, ko ki parabangeit ba-ieit, ka long kumno phi dei ban ïeng skhem ha ka jingim jong phi ha U Trai.

1 THESSALONI 3:13

Ha kane ka rukom un pynkhlaiñ ïa phi, bad phin long kiba janai bad kiba khuid ha ka jingdon ryngkat jong U Blei bad U Kpa jong ngi haba U Jisu uba U Trai jong ngi u wan lem bad baroh kiba dei ki jong u.

1 THESSALONI 3:2

bad ngi la phah ïa u Timothi, u parabangeit jong ngi uba ïatrei lem bad ngi na ka bynta U Blei ha kaba ïalap ïa ka Khubor Babha shaphang U Khrist. Ngi la phah ïa u ban pynkhlaiñ ïa phi bad ïarap ïa ka jingngeit jong phi,

2 THESSALONI 2:17

un pynshlur ïa phi bad pynshaitbor ïa phi ban ïai leh bad kren ïa kaei kaba bha.

2 THESSALONI 3:3

Hynrei U Trai u long uba ïaineh, bad un pynshaitbor ïa phi bad ri sumar ïa phi na Uta u Basniew.

HEBRU 13:9

Wat shah ba ki jinghikai bakhyllah baroh kin ïalam bakla ïa phi na ka lynti kaba dei. Ka long kaba bha ban ïohpdiang ïa ka jingkhlaiñ kaba kyrsoi na shapoh da ka jingaiei U Blei, bad ym da kaba kohnguh ïa ki hukum kiba ïadei bad ki jingbam; kito kiba kohnguh ïa kine ki hukum kim shym la ïoh jingïarap ei ei na ki.

1 PETROS 5:10

Hynrei hadien ba phi la shahshitom tang khyndiat por, U Blei jong ka jingaiei baroh, uba la khot ïa phi ban ïoh bynta na ka burom bymjukut jong u ha U Khrist, ma u hi keiñ un pynjanai ïa phi bad un ai ha phi ïa ka jingsngewskhem, ka jingkhlaiñ, bad ka nongrim kaba skhem shisha.

1 PETROS 5:12

Nga thoh ha phi ïa kane ka shithi kaba lyngkot da ka jingïarap u Silas, ïa uba nga ñiew kum u para Khristan baïaineh. Nga kwah ban pynshlur ïa phi bad ban ai ïa ka jingphla jong nga ba kane ka dei ka jingaiei bashisha jong U Blei. To ïeng skhem ha ka.

2 PETROS 1:12

Bad kumta ngan ïai pynkynmaw ïa phi shaphang kine kiei kiei, wat la phi la tip lypa bad phi ïeng skhem ha ka jingshisha kaba phi la ïohpdiang.