PROBERB 9:7 - Khasi CL Bible (BSI)

⁷ Lada phi pynbeit ïa u briew uba hangamei, phin shu shah krenbeiñ. Lada phi mai ïa u riewbymman, phin shah pynmynsaw.

KA BAIBL

⁷ Uta uba sneng ïa u nongkrenbeiñ u ïoh ka jinglehrain ha lade: uta uba sneng pynrem ïa u bymman u ïoh kaba kynthoh ha lade.

PROBERB 9:7 ပူးပေါင်းရင်းမြစ်များ

1 SYIEM 18:17

Haba u Ahab u ïohi ïa u, u ong, “Me la wan — u nongthaw jingkulmar basniew tam ha Israel!”

1 SYIEM 21:20

Haba u Ahab u ïohi ïa u Elijah, u ong “Me u nongshun jong nga, me la lap mo ïa nga?” “Ho-oid, nga la lap,” u Elijah u jubab, “Me la aiti lut ïa lade ban leh ïa kaei ka bymdei ha khmat U Trai.

1 SYIEM 22:24

Nangta u Sedekaïah u nongïathuhlypa u leit kiew sha u Mikaïah, u thab ïa u na ka ngab jong u, bad kylli, “Naduh mynno u mynsiem jong U Trai u iehnoh ïa nga bad u kren ha me?”

1 SYIEM 22:27

Ong ïa ki ban thep byndi ïa u, bad ban ai kpu bad ka um ïa u haduh ba ngan da wan phai suk.”

2 KHRONIKL 36:16

Hynrei ki rkhiebeiñ ïa ki nonglamktien jong U Blei, kim suidñiew ïa ki ktien jong u bad ki rkhiebeiñ ïa ki nongïathuhlypa, ha kaba kut ka jingbitar U Trai pyrshah ïa la ki briew ka long kaba jur katta katta kat ban ym don lad shuh ban lait na ka.

Ka Kitab U Job 5:17

Suk uta u briew ïa uba U Blei u pynbeit! Wat ïeng pyrshah haba u sneng ïa me.

PROBERB 13:1

Ki khun kiba stad ki shahshkor haba ki kmie ki kpa ki pynbeit ïa ki, hynrei ki briew kiba sarong da lei lei kin ym phla ba ki la bakla.

PROBERB 15:12

Ki briew kiba meng kim sngewtynnat ban shah sneng; kim ju pan ïa ki jingai jingmut na kito kiba kham stad.

PROBERB 23:9

Wat pyrshang ban kren tipbriew ha uba bieit; um lah ban ïaroh ïa ka.

ISAÏAH 36:21

Ki briew ki sngap jar, kumba u syiem Hesekaïah u la lah ong ha ki; kim shym la ong shikyntien ruh.