PROBERB 8:21 - Khasi CL Bible (BSI)

²¹ nga pynriewspah ïa kito kiba ieit ïa nga, da kaba pyndap ïa ki ïing jong ki da ki jingkynshew.

KA BAIBL

²¹ ba nga lah ban pynïoh kynti ïa ka jingshisha ha kita kiba ieit ïa nga, bad ba ngan ïoh pyndap ïa ki jingkynshew jong ki.

PROBERB 8:21 ပူးပေါင်းရင်းမြစ်များ

JENESIS 15:14

Hynrei ngan pynshitom ïa ka jaitbynriew kaba teh mraw ïa ki, bad haba kin ïamihnoh na kata ka ri nongwei, kin da kit ruh shibun ka spah.

SALM 16:11

Men pyn-i ha nga ïa ka lynti kaba lam sha ka jingim; ka jingdon ryngkat ka jong me ka pyndap ïa nga da ka jingkmen, bad ka wallam ha nga ka jingsngewbha junom.

PROBERB 1:13

Ngin ïoh kurup ïa ki markordor kiba har rukom bad pyndap ïa la ki ïing da ki mar lute!

PROBERB 10:22

Ka dei ka jingkyrkhu U Trai kaba pynriewspah ïa phi. Ka jingtrei shitom kan ym lah ban kham pynriewspah ïa phi.

PROBERB 15:6

Ki briew kiba hok ki sumar ïa ka spah jong ki, hynrei ki bymman ki duh ei ïa la ka jong haba ki por kiba eh ki wan poi.

PROBERB 21:20

Ki briew kiba stad ki shong ha ka spah bad ka jingim pahuh hynrei ki briew kiba bieit ki pynlut noh ïa ka pisa tang shu ïoh ïa ka.

PROBERB 24:4

Hangno ba ka don ka jingtip, ïa ki kamra la pyndap pynbiang da ki jingbuh jingsat kiba kordor bad kiba itynnat.

PROBERB 6:31

pynban lada u shah kem, u dei ban siew pat hynñiew shah — u dei ban ai lut kat ïa kaba u don.

PROBERB 8:18

Nga don ka spah bad ka burom ban ai, ka jingdap kyrhai bad ka jingjop.

PROBERB 8:20

Nga ïaid ha ka lynti ka hok, nga bud ïa ki lynti ka jinglehhok,

MATHAÏOS 25:46

Te, ïa kine, yn phah noh sha ka jingpynshitom bymjukut, hynrei kiba hok kin leit sha ka jingim bymjukut.”

Ka Shithi U Paul Sha Ki Nong Rom 8:17

Naba ngi long ki khun jong U Blei, ngin ïohkynti ïa ki jingkyrkhu kiba u buh na ka bynta ki briew jong u, bad ngin ïohkynti ruh lem bad U Khrist ïa kaei kaba U Blei u la lah buh na ka bynta jong u; naba lada ngi ïadon bynta lem ha ka jingshah shitom U Khrist, ngin ïoh ruh ban ïadon bynta ha ka burom jong u.

HEBRU 10:34

Phi shahshitom lem bad ki koidi, bad haba ki jingdon jingem jong phi baroh ki la shah kurup, phi la shah ïa la ka jingduh da kaba kmen, namar phi la tip ba phi la ïoh kam kynti shibun kiei kiei kiba kham bha, kiba neh junom.

1 PETROS 1:4

Kane ka pyndap ïa ngi da ka jingkyrmen ba-im, bad kumta ngi peit sha khmat ban ïohpdiang ïa ki jingkyrkhu kyrhai kiba U Blei u la buh na ka bynta ki briew jong u. U buh ïa ki ha bneng na ka bynta jong phi, ha kaba kim lah ban pyut lane duh noh lane sep noh.

JINGPYNPAW 21:7

Uno uno uba ïoh ïa ka jingjop un ïohpdiang ïa kane na nga: Ngan long U Blei jong u, bad un long u khun jong nga.

1 SAMUEL 2:8

U kyntiew ïa kiba duk na ka dewmet, bad u rah ïa kiba kyrduh na ka jingjynjar jong ki. U pynlong ïa ki, ki paralok jong ki khun syiem, bad buh ïa ki, ha ki jaka badonburom. Ki nongrim jong ka khyndew ki dei ki jong U Trai; bad ha ki u la pynshong ïa ka pyrthei.