PROBERB 8:15 - Khasi CL Bible (BSI)

¹⁵ Nga ïarap ïa ki syiem ban synshar, bad ki nongsynshar ban thaw ki aiñ kiba bha.

KA BAIBL

¹⁵ Da nga ki syiem ki synshar, bad ki myntri ki ïabishar ïa ka hok.

PROBERB 8:15 ပူးပေါင်းရင်းမြစ်များ

1 SYIEM 10:9

Ïaroh ïa U Trai U Blei jong phi! Uba la pynpaw katno u sngewbha eh ïa phi bad pynlong ïa phi u syiem ki Israel. Namar ba U Trai u ieit ïa ki Israel junom, u la pynlong ïa phi u syiem jong ki khnang ban synshar bha bad bishar hok.”

1 SYIEM 3:28

Haba ki paid Israel ki la ïohsngew ïa ka jingrai jong u Solomon, ki la dap da ka jingñiewburom bakhraw ïa u, namar ki tip hangta ba U Blei u la ai ha u ka jingstad ban pynbeit ïa ki jingïakajia ha ka hok.

1 SYIEM 3:9

Kumta to ai ha nga ka jingstad kaba nga donkam ban synshar ïa ki briew jong me ha ka jinglehhok bad ban ithuh ka jingïapher hapdeng kaba bha bad kaba sniew. Lym kumta, kumno ngan lah ban synshar ïa u paidlang jong me uba khraw katne katne?”

1 SYIEM 5:7

U Hiram u la kmen shaba palat haba u ïohpdiang ïa ka khubor na u Solomon, bad u ong, “Ïaroh ïa U Trai ha kane ka sngi ba u la ai ha u Dabid ïa u khun uba stad kum une ban long u syiem hadien jong u ïa kata ka jaitbynriew bakhraw!”

1 KHRONIKL 28:5

U la ai ïa nga shibun ki khun shynrang bad napdeng jong ki baroh u la jied ïa u Solomon ban synshar halor ka Israel, ka hima ka jong U Trai.

2 KHRONIKL 1:10

Lym kumta, kumno ngan lah ban synshar ïa une u paidlang uba khraw jong me?”

2 KHRONIKL 1:11

U Blei u jubab ïa u Solomon, “Me la jied ïa kaba dei. Ha ka jaka ka jingpan ïa ka spah lane ka jingkynshew lane ka nam lane ka jingïap jong ki nongshun jong me lane wat ka jingjlan jong ka jingim jong me, me la pan ïa ka jingstad bad ka jingtip khnang ba me lah ban synshar ïa ki briew jong nga, kiba halor jong ki nga la thung syiem ïa me.

SALM 2:10

Mynta to shahshkor ïa kane ka jingmaham, ma phi ki syiem; to ïoh jinghikai na kane, phi ki nongsynshar jong ka pyrthei.

SALM 99:4

Ko Syiem bakhlaiñbor, me ieit ïa kaei kaba dei; me la pynskhem ïa ka jingbishar hok ha Israel; me la wanrah ïa ka hok bad ka jinglehhok.

PROBERB 29:4

Haba u syiem u pyrkhat khia ïa ka jingbishar hok, ka ri kan long kaba khlaiñ, hynrei haba u pyrkhat khia tang ïa ka pisa, un pynjot ïa ka ri jong u.

PROBERB 8:16

Man la u nongsynshar ha pyrthei u synshar da ka jingïarap jong nga, ki nongsaiñ hima bad ki riewdonburom kumjuh.

ISAÏAH 1:26

Ngan ai ha pha ki nongsynshar jong pha bad ki nongai jingmut kum kito kiba pha ju don slem bah mynshuwa. Nangta ïa ka Jerusalem yn khot ka nongbah bahok, baïaineh.”

JEREMAÏAH 33:15

Ha kata ka por ngan jied kum u syiem ïa u nonghiarpateng uba hok na u Dabid. Uta u syiem un leh ïa kaei kaba dei bad kaba hok ha ka ri baroh kawei.

DANIEL 2:21

U bat synshar ïa ki por bad ki aïom; u pynlong bad u weng ïa ki syiem; long ma u, uba ai ka jingstad bad ka jingshemphang.

DANIEL 4:25

Yn beh noh ïa phi na ka imlang ka sahlang u bynriew bad phin shong phin sah bad ki mradkhlaw. Hynñiew snem phin bam phlang kum u masi dab, bad thiah ha bym don jingkah ei ei, ha kaba ka umjer kan hap halor jong phi. Te phin pdiang ba U Blei Bahakhlieh Tam Eh u bat synshar ïa baroh ki hima ki briew, bad ba u lah ban ai ïa ki ha uno uno uba u jied.

DANIEL 4:32

Ïa me yn beh noh na ka imlang ka sahlang u bynriew, men shong men sah bad ki mradkhlaw, bad bam phlang kum u masi dab haduh hynñiew snem. Nangta men pdiang ba U Blei Bahakhlieh Tam Eh u don ka bor halor baroh ki hima ki briew bad ba u lah ban ai ïa ki ha uno uno uba u jied.”

MATHAÏOS 28:18

U Jisu u la wan hajan bad u la ong ha ki, “La ai ha nga baroh ka bor ha bneng bad ha khyndew.

Ka Shithi U Paul Sha Ki Nong Rom 13:1

Uwei pa uwei u dei ban kohnguh ïa ki bor synshar, namar ym don ka bor khlem ka jingaibor jong U Blei, bad ïa ki bor synshar kiba don mynta la buh hangta da U Blei.

JINGPYNPAW 19:11

Nangta nga la ïohi ïa ka bneng ba plie, bad la don u kulai uba lieh. Ïa u nongshong ha u la khot Uba Ïaineh bad Uba Shisha; ka long da ka jinglehhok ba u bishar bad u ïaleh ïa ki jingïaleh thma jong u.

JINGPYNPAW 19:16

Ha ka jaiñkup jong u bad ha ka lbong jong u la thoh ïa ka kyrteng: “U Syiem jong ki syiem bad U Trai jong ki trai.”

1 SAMUEL 16:1

U Trai u ong ha u Samuel, “Sa katno slem men dang ïai sngewsih ïa u Saul? Nga la kyntait ïa u kum u syiem ki Israel. Hynrei mynta pynïoh katto katne ka umphniang Olib bad leit sha Bethlehem, sha u briew uba kyrteng u Jesse, namar nga la jied ïa uwei na ki khun shynrang jong u ban long syiem.”

1 SAMUEL 9:17

Haba u Samuel u ïohi ïa u Saul, U Trai u ong ha u, “Une u dei uta u briew ïa uba nga la ïathuh ha me. Un synshar ïa ki briew jong nga.”