PROBERB 8:14 - Khasi CL Bible (BSI)

¹⁴ Nga don ki jingthmu bad nga pyntreikam ïa ki; nga don ka jingshemphang, bad nga don ka bor.

KA BAIBL

¹⁴ Ka jingpyrkhat ka jong nga, bad ka jingtip kaba shisha: nga long ka jingshemphang; nga, nga don ka bor.

PROBERB 8:14 ပူးပေါင်းရင်းမြစ်များ

PROBERB 1:25

Phi la ñiewbeiñ ïa ka jingai jingmut jong nga baroh, bad phim mon ba ngan pynbeit ïa phi.

PROBERB 18:1

Ki briew ki bym ïadei bad kiwei ki pyrkhat tang ïa lade; kin ym ïahap bad kaei kaba baroh ki tip ba ka long kaba dei.

PROBERB 19:20

Lada phi shahshkor ïa ka jingai jingmut bad phi kloi ban shah hikai, ha kawei ka sngi phin long uba stad.

PROBERB 24:5

Ban long stad ka kham bha ban ïa kaba long khlaiñ; ho-oid, ka jingtip ka kham donkam ban ïa ka jingkhlaiñ.

PROBERB 3:21

Ko khun jong nga, batskhem ïa la ka jingstad bad ka jingsngewthuh. Wat shah lano lano ba kin lait noh na phi.

EKLESIASTIS 7:19

Ka jingstad ka lehbha bun shah ïa u briew ban ïa kaba ki shiphew ngut ki nongsynshar ki lah ban leh ïa ka nongbah.

ISAÏAH 28:29

Kane baroh ka jingstad ka wan na U Trai Badonbor Baroh. Ki jingthmu U Blei ki long kiba stad bad ki long borabor kiba wallam jingjop!

ISAÏAH 40:14

Badno ba U Blei un ïasyllok khnang ban tip bad sngewthuh bad ban hikai kumno ba ïa kiei kiei dei ban leh?

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JEREMAÏAH 32:19

Me thaw ïa ki jingthmu bastad bad me leh ïa kiei kiei kiba khrawbor; me ïohi ïa kiei kiei baroh kiba ki briew ki leh, bad me ainong ïa ki kat kum ki jingleh jong ki.

ÏOANNIS 1:9

Kane ka la long ka jingshai kaba shisha — ka jingshai kaba wan sha ka pyrthei bad pynshai ha u bynriew baroh.

Ka Shithi U Paul Sha Ki Nong Rom 1:22

Ki ong ba ki long kiba stad, hynrei ki long kiba bieit;

1 KORINTH 1:30

Hynrei U Blei u la wallam ïa phi ha U Khrist Jisu, bad U Blei u la pynlong ïa U Khrist ban long ka jingstad jong ngi. Da u, la pynïasuk ïa ngi bad U Blei; ngi long ki briew bakhuid jong U Blei bad la pyllaitluid ïa ngi.

KOLOSSAI 2:3

U long u shabi uba plie ïa baroh ki jingkynshew ba la buhrieh jong ka jingstad bad ka jingtip U Blei.