PROBERB 8:13 - Khasi CL Bible (BSI)

¹³ Ban pyndonburom ïa U Blei ka long ban isih ïa kaba sniew; nga isih ïa ka jingsarong bad ka jingsngewmeng, ïa ki lynti bymman bad ki ktien lamler.

KA BAIBL

¹³ Ka jingsheptieng ïa U Trai long ban shun ïa ka basniew: ïa ka jingsarong, bad ka jingsngewmeng, bad ka lynti ka basniew, bad ïa ka shyntur kaba mutlop, nga isih.

PROBERB 8:13 ပူးပေါင်းရင်းမြစ်များ

Ka Kitab U Job 1:1

La don u briew uba kyrteng u Job, uba shong ba sah ha ka ri Us, uba mane ïa U Blei bad uba ïaineh ha u. U long u briew uba bha, uba kiar ban ym leh ïa kano kano kaba sniew.

Ka Kitab U Job 28:28

U Blei u ong ïa ki briew, “Ban long uba stad, phi dei ban don ka jingtiengburom ïa U Trai. Ban shemphang, phi dei ban phai noh na kaba sniew.”

SALM 101:3

bad lano lano ruh ngan ym shah ïa kaba sniew. Nga isih ïa ki kam jong kito kiba phai noh na U Blei; ngan ym ïadon bynta ei ei bad ki.

SALM 119:104

Nga ïoh ka jingstad na ki aiñ jong me, bad kumta nga isih ïa ka jingleh basniew baroh.

SALM 119:128

Bad kumta nga bud ïa ki jingbthah jong me baroh; nga isih ïa ki lynti bymdei baroh.

SALM 138:6

Wat la me long hajrong eh, me sumar ïa kiba rangli, bad kiba sarong kim lah ban rieh na me.

SALM 97:10

U Trai u ieit ïa kito kiba isih ïa kaba sniew; u ïada ïa ka jingim jong ki briew jong u; u pyllait im ïa ki na ka bor jong ki bymman.

EKSODOS 1:17

Hynrei kita ki nongpynkha khun ki dei kiba sheptieng ïa U Blei; kumta kim shym kohnguh ïa u, hynrei ki shah ba ki khun shynrang kin im.

PROBERB 10:31

Ki briew kiba hok ki kren ïa ka jingstad, hynrei ïa u thylliej uba kren sniew yn pynsangeh.

PROBERB 15:9

U Trai u isih ïa ki lynti jong ki briew kiba sniew; hynrei u ieit ïa kito kiba leh ïa kaei kaba dei.

PROBERB 16:18

Ka jingsarong ka ïalam sha ka jingjot, bad ka jingsngewmeng sha ka jingkyllon noh.

PROBERB 16:5

U Trai u isih ïa baroh kiba leh meng; da lei lei un ym shah ba kin lait na ka jingpynshitom.

PROBERB 16:6

Long kiba kohnguh bad kiba ïaineh, bad U Blei un map ïa ka pop jong phi. To kohnguh ïa U Trai bad kaba sniew kan ym jia ha phi.

PROBERB 3:7

Wat buh ka jingpyrkhat ha lade ba phi kham stad ban ïa kaba phi long; shu kohnguh beit ïa U Trai, bad kiar ban leh ïa kaba sniew.

PROBERB 4:24

Wat ju kren ïa kano kano ka bymshisha. Kiar na kaba kren lamler bad na ki ktien kiba ïalam bakla.

PROBERB 6:12

Ki briew ki bymlarkam, kiba sniew ki shang kylleng ban ïathuh lamler.

ISAÏAH 13:11

U Trai u ong, “Ngan wallam ka jingpynjot halor ka pyrthei bad ngan pynshitom ïa ki riewbymman baroh namar ki pop jong ki. Ngan pyndem ïa uno uno uba sarong bad ngan pynshitom ïa uno uno uba sngewmeng bad uba runar.

AMOS 5:15

Isih ïa kaei kaba sniew, ieit ïa kaei kaba bha, bad peit ba ka jingbishar hok ka ïeng ha ki ïingbishar. Lehse U Trai, un isynei ïa ki briew jong kane ka hima kiba dang pynsah ban im.

AMOS 6:8

U Trai Nongsynshar Badonbor Baroh u la ai kane ka jingmaham bakyntang: “Nga isih ïa ka jingsarong ki briew ka Israel; nga ñiewbeiñ ïa ki ïing paki dulan jong ki. Ngan ai ïa ka nongbah bakhraw bad baroh kiba don ha ka, ha u nongshun.”

SEKHARAÏAH 8:17

Wat thmu ïa ki rukom pynmynsaw iwei ïa iwei pat. Wat ai ïa ka jingsakhi lamler ha kaba jingsmai. Nga isih ïa ka jinglamler, ka jingbymlehhok bad ka jinglehbor.”

Ka Shithi U Paul Sha Ki Nong Rom 12:9

Ka jingieit ka dei ban long kaba sngur. To isih ïa kaei kaba sniew, to batskhem ïa kaei kaba bha.

1 THESSALONI 5:22

bad kiar na kano kano kaba sniew.

2 TIMOTHI 2:19

Hynrei ïa ka nongrim baskhem kaba U Blei u la buh ym lah ban pynkhih; bad halor jong ka la thoh ïa kine ki ktien: “U Trai u ithuh ïa kito kiba dei ki jong u” bad “Baroh kiba ong ba ki dei ki jong U Trai ki dei ban phai noh na kaba leh bymdei.”

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”

1 SAMUEL 2:3

Sngap noh na kaba kren kob; sngap jar na kaba kren meng. Naba U Trai u long U Blei uba tip lut, bad u bishar ïa ki jingleh ki briew baroh.