PROBERB 6:23 - Khasi CL Bible (BSI)

²³ Ki jingbthah jong ki, ki long kum ka jingshai ba-thaba; ki jingsneng jong ki, ki hikai ïa phi kumno ban im.

KA BAIBL

²³ Namar kata ka hukum ka long ka sharak; bad kata ka aiñ ka long ka jingshai; bad ki jingsneng ka jinghikai ki long ka lynti ka jingim:

PROBERB 6:23 ပူးပေါင်းရင်းမြစ်များ

JENESIS 39:8

U la kyrngah bad u ong ha ka, “Ha khmih, u kynrad jong nga um donkam ban pynkhuslai shuh shaphang ïa lade bad kano kano ka kam hapoh ïing, namar nga don hangne.

SALM 119:105

Ka ktien jong me ka long ka sharak ban ïalam ïa nga bad ka jingshai ïa ka lynti ïaid jong nga.

SALM 119:130

Ka jingbatai jong ki jinghikai jong me ka ai jingshai bad ka wallam jingstad ïa ki bymtip ei ei.

SALM 141:5

U briew uba bha u lah ban pynshitom ïa nga bad sneng ïa nga ha ka jingsbun, hynrei ngan ym lah ban pdiang ïa ka burom na ki briew kiba sniew. Namar nga ju duwai borabor pyrshah ïa ki kam basniew jong ki.

SALM 19:8

Ki aiñ ki jong U Trai ki long kiba dei, bad kito kiba kohnguh ïa ki, ki kmen. Ki hukum jong U Trai ki long kiba hok bad ki ai jingshemphang ïa ka jingmut.

PROBERB 10:17

Ki briew kiba shahshkor haba ki shah pynbeit kin ïoh im, hynrei kito ki bym pdiang ba ki bakla ki don ha ka jingma.

PROBERB 15:24

Ki briew kiba stad ki ïaid ha ka lynti kaba ïalam artet sha ka jingim, ym ïa ka lynti kaba ïalam arsut sha ka jingïap.

PROBERB 15:31

Lada phi shahshkor haba phi shah pynbeit, phi long kiba stad.

PROBERB 29:15

Ka jingsneng bad ka jingpynbeit ki long kiba bha ïa ki khynnah. Lada u khynnah u ïoh leh katba u mon, u pynlehrain ïa la ka kmie.

PROBERB 3:18

Kito kiba stad ki suk mynsiem; ka jingstad kan ai ha ki ïa ka jingim.

PROBERB 4:13

Kynmaw borabor ïa kaei kaba phi la nang. Ka jingnang jingtip jong phi ka dei ka jingim jong phi — ri kyndong ïa ka.

PROBERB 4:4

I ju ong, “Kynmaw bha ïa kaba nga ong bad wat klet ïa ka lano lano ruh. Leh kumba nga ong ïa phi, bad phin im.

PROBERB 5:12

“Balei keiñ ba ngam peiphang? Balei keiñ ba ngam shah ba kiwei kin pynbeit ïa nga?

EKLESIASTIS 7:26

Nga la shem ïa kaei kaei kaba kham kthang ban ïa ka jingïap — ka kynthei kaba long kum ka jingriam. Ka jingieit ba ka ai ïa phi kan kem ïa phi kum ka jar, bad ki kti jong ka sawdong jong phi kin bat ïa phi kum u kynjri. U briew uba pynsngewbha ïa U Blei u lah ban lait, hynrei kan kem ïa u nongpop.

EKLESIASTIS 7:5

Ka kham bha ban don ki briew kiba stad kiba sneng ïa phi ban ïa kaba don ki briew kiba tasngeng kiba rwai ki jingïaroh ïa phi.

ISAÏAH 8:20

Me dei ban jubab ïa ki, “To shahshkor ïa kaei kaba U Trai u hikai ïa phi! Wat shahshkor ïa ki nongkren byrtong — kaei kaba ki ong ïa phi kan ym weng ïa ka jingjynjar.”

JEREMAÏAH 21:8

Te U Trai u la ïathuh ha nga ban ong ha u paidbah, “To shahshkor! Ma nga, U Trai, nga ai ha phi ka jingjied hapdeng ka lynti ka ban lam sha ka jingim bad ka lynti ka ban lam sha ka jingïap.

ESEKIEL 20:11

Nga la ai ha ki ïa ki hukum jong nga bad nga la hikai ha ki ïa ki aiñ jong nga, kiba wallam ka jingim ïa uno uno uba kohnguh ïa ki.

LEBITIKOS 19:17

“Wat buhnud ïano ïano, hynrei ïapynbeit ïa ka jingïapher jingmut hapdeng jong phi, khnang ba yn ym pynleh pop ïa phi namar jong u.

2 PETROS 1:19

Kumta ngi la nang sngewskhem shuh shuh ha ka khubor ba la pynbna da ki nongïathuhlypa. Kan bha ba phi shahshkor ïa ka, namar ka long kum ka sharak kaba shai ha ka jaka ba-dum haduh ba kata ka Sngi ka wan bad ka jingshai jong u 'lurstep ka tyngshaiñ ha ki dohnud jong phi.

JINGPYNPAW 2:5

Pyrkhat katno jngai pha la hap! Phai noh na ki pop jong pha bad leh ïa kaei kaba pha la leh ha kaba mynnyngkong. Lada pham phai noh na ki pop jong pha, ngan wan sha pha bad ngan shim noh ïa u diengpynïeng sharak na ka jaka jong u.