PROBERB 6:12 - Khasi CL Bible (BSI)

¹² Ki briew ki bymlarkam, kiba sniew ki shang kylleng ban ïathuh lamler.

KA BAIBL

¹² U briew uba thala, u briew ka jingbymhok; u ïaid bad ka shyntur kaba mutlop;

PROBERB 6:12 ပူးပေါင်းရင်းမြစ်များ

SALM 10:3

U riewbymman u sngewsarong ha la ki jong ki jingkwah basniew; u riewlalot u tim bad kyntait ïa U Trai.

SALM 10:7

Ka jingkren jong u, ka dap da ki jingtim, ki jinglamler, bad ki jingbyrngem; u kloi ban kren ki kyntien kiba dap da ka jingisih bad ka jingsniew.

SALM 101:3

bad lano lano ruh ngan ym shah ïa kaba sniew. Nga isih ïa ki kam jong kito kiba phai noh na U Blei; ngan ym ïadon bynta ei ei bad ki.

SALM 36:3

Ka jingkren jong u ka long kaba thala bad kaba dap da ka jingshukor; um shym leh shuh ïa kaba dei bad kaba bha.

SALM 59:7

To shahshkor ïa ki jingkrenbeiñ bad ki jingbyrngem jong ki. Ki thylliej jong ki, ki long kum ki waitlam ha ki shyntur jong ki, pynban ki pyrkhat ba ym don ba ïohsngew ïa ki.

PROBERB 10:32

Ki briew kiba hok ki tip ïa kaei kaba ki dei ban kren, hynrei kiba bymman borabor ki kren ïa kiei kiei kiba pynmong.

PROBERB 11:6

Ka hok ka pyllait ïa kito kiba lehhok, hynrei kito ïa kiba ym lah ban shaniah ki shah riam ha la ka jong ka jingkwah brai hi.

PROBERB 16:27

Ki briew kiba sniew ki wad ïa ki lynti ban pynmynsaw ïa kiwei; wat ki ktien jong ki, ki long kiba thang da ka jingsniew.

PROBERB 16:30

Husiar na ki briew kiba shri bad khapbrip khmat ïa phi; ki don ka jingpyrkhat kaba sniew.

PROBERB 17:4

Ki briew kiba sniew ki sngap ïa ki jingmut kiba sniew, bad ki nongshukor ki sngap ïa ki jingshukor.

PROBERB 2:12

bad khang ïa phi na kaba leh ïa ka bymdei. Kin sumar ïa phi na ki briew kiba pynkhih jingkulmar da kaei kaba ki kren —

PROBERB 3:32

namar U Trai u isih ïa ki briew kiba leh bymman, hynrei ïa ki briew kiba hok u ïarap ïa ki.

PROBERB 4:24

Wat ju kren ïa kano kano ka bymshisha. Kiar na kaba kren lamler bad na ki ktien kiba ïalam bakla.

PROBERB 6:14

Baroh shi katta ki ïai pyrkhat sniew ha la ka jingmut bakynriang, ki pynkhih jingkulmar kat shaba ki leit.

PROBERB 8:13

Ban pyndonburom ïa U Blei ka long ban isih ïa kaba sniew; nga isih ïa ka jingsarong bad ka jingsngewmeng, ïa ki lynti bymman bad ki ktien lamler.

JEREMAÏAH 24:2

Ka shang kaba nyngkong ka don ki soh Dumbur kiba bha, kito kiba ih kham kloi; kawei pat ka don ki soh Dumbur kiba pyut, ki bym long bam shuh.

MATHAÏOS 12:34

Phi ki bseiñ — kumno phi lah ban ong ïa kiei kiei kiba bha haba phi long kiba sniew? Namar ka shyntur ka kren ïa kaei kaba la shlei ha ka dohnud.

KI KAM 20:30

Ka por kan wan ha kaba katto katne ngut ki briew na ka kynhun jong phi kin ïathuh ki jinglamler ban ïalam noh ïa ki parabangeit ban bud ïa ki.

1 TIMOTHI 5:13

Ki nang ruh ban pynlehnoh-ei ïa la ka por ha kaba kyntiap na kawei ka ïing sha kawei pat; hynrei kaba kham sniew, ki nang ban ïa-lorni bad pynsyrwa ei ïa ka por, da kaba ki kren ïa kiei kiei kiba kim dei ban kren.

JAKOB 1:21

Kumta to kiar noh na ki jingmlien bajakhlia baroh bad na ki jinglong bymman baroh. To pyndem ha U Blei bad pdiang ïa ka ktien kaba u la thung ha ki dohnud jong phi, kaba lah ban pynim ïa phi.

JAKOB 3:6

Bad u thylliej u long kum ka ding. U long ka pyrthei jong ka jingsniew, uba shim ïa ka jaka ha ki met jong ngi bad uba pynphriang ïa kaba sniew ha ka met baroh kawei. U wiang ding ïa ka jingïaid lynti jong ka jingim da ka ding kaba wan sha u na ka dujok hi.

1 SAMUEL 17:28

U Eliab, u hynmen rangbah u Dabid, u ïohsngew ba u Dabid u ïakren bad kita ki rangbah. U la bitar ïa u Dabid bad u ong, “Me leh aïu hangne? Mano ba sumar ïa kito ki langbrot ki jong me kiba don ha ka ri khlaw? Ma me, me uba sngewstad! Me wan tang ban peit kai ïa ka jingïaleh thma!”