PROBERB 5:22 - Khasi CL Bible (BSI)

²² Ki pop u riewbymman ki long ka jingriam. U ngat ha ka jingriam jong ki pop jong u hi.

KA BAIBL

²² Ki jingleh bymhok jong u hi kin pynngat ïa u bymman, bad yn bat ïa u da ki tyllai ka pop jong u.

PROBERB 5:22 ပူးပေါင်းရင်းမြစ်များ

1 SYIEM 18:18

“Ngam dei u nongthaw jingkulmar,” u Elijah u la jubab. “Dei ma phi — ma phi bad u kpa jong phi. Phim shym la kohnguh ïa ki hukum U Trai bad phi mane ïa ki bleithaw u Baal.

ESTHER 9:25

Hynrei ka Esther ka la leit sha u syiem bad u syiem u la pynmih ki hukum da ka jingthoh, kaba ka jingmih ka long ba u Haman u la shah ïa ka kupar kaba u la thmu na ka bynta ki Jiw — ma u bad ki khun shynrang jong u ki la shah sdien ha u diengphasi.

Ka Kitab U Job 18:8

U ïaid sha ka jar, bad ki kjat jong u ki ngat hangta;

SALM 40:12

Ïa nga la ker sawdong da shibun ki jingjynjar — Shibun eh ban ñiew! ki pop jong nga ki la lap ïa nga, bad ngam lah shuh ban ïohi; ki kham bun ban ïa u shñiuh ha ka khlieh jong nga; bad nga la duh ka jingshlur jong nga.

SALM 9:15

Kiba mane blei thala ki la tih ïa ka thliew bad ki la hap hapoh jong ka; ki la ngat ha la ki jingriam jong ki hi.

SALM 9:17

Ka jingïap ka dei ka jingkut jong ki bymman baroh, jong kito baroh kiba kyntait ïa U Blei.

PROBERB 1:18

hynrei ki briew kiba kum kita ki riam ïa lade hi, ka jingriam ka ban pynïap ïa ki hi.

PROBERB 11:3

Lada phi long kiba beit, la ïalam ïa phi da ka jinglonghok. Ïa ki briew kiba ym lah ban shaniah la pynjot da ka jingbymhok jong ki hi.

PROBERB 11:5

Ka jingbeit ka pynsuk ïa ka jingim u briew uba bha, hynrei u bymman u kyllon da la ki jong ki kam bymman.

PROBERB 11:6

Ka hok ka pyllait ïa kito kiba lehhok, hynrei kito ïa kiba ym lah ban shaniah ki shah riam ha la ka jong ka jingkwah brai hi.

PROBERB 12:14

Ka bainong jong phi ka shong ha kaei kaba phi ong bad kaei kaba phi leh; phin ïoh ïa kaei kaba phi dei hok.

PROBERB 14:32

Ki briew kiba sniew ki wallam ïa la ka jong ka jingkyllon noh da ki kam basniew jong ki, hynrei ïa ki briew kiba bha la ïada da ka jinglonghok jong ki.

PROBERB 18:7

Haba uba bieit u kren, u pynjot ïa lade; u ngat ha ka jingriam jong ki ktien jong u hi.

PROBERB 24:12

Phi lah ban ong ba kam dei ka kam jong phi, hynrei U Blei u tip bad u bishar ïa ki jingthmu jong phi. U ïai ap khmih ïa phi; u tip. Un ainong ïa phi kat kum kaei kaba phi leh.

PROBERB 26:27

Ki briew kiba thaw jingriam ïa kiwei pat kin ngat ïa lade. Ki briew kiba sdang pynhap khyndew ki shah ban ïa lade.

EKLESIASTIS 7:26

Nga la shem ïa kaei kaei kaba kham kthang ban ïa ka jingïap — ka kynthei kaba long kum ka jingriam. Ka jingieit ba ka ai ïa phi kan kem ïa phi kum ka jar, bad ki kti jong ka sawdong jong phi kin bat ïa phi kum u kynjri. U briew uba pynsngewbha ïa U Blei u lah ban lait, hynrei kan kem ïa u nongpop.

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

SNGEWSYNEI 1:14

“U la kynmaw ïa ki pop jong nga baroh bad u la teh lang ïa ki baroh; u la sdien ïa ki ha u ryndang jong nga, bad nga la sdang tlot hapoh ka jingbankhia. U Trai u la ai ïa nga ha ki nongshun jong nga, bad ngam lah leh ei ei pyrshah ïa ki.

OBADAÏAH 1:15

“Ka sngi ka la jan ha kaba ma nga, U Trai, “ngan bishar ïa ki jaitbynriew baroh. Ko Edom, ïa kaei kaba pha la leh yn sa leh ha pha. Phan sa ïoh pat ïa kaei kaba pha la ai.

JINGKHEIÑ 32:23

Hynrei lada phim bat ïa la ka kular, nga maham ïa phi ba phi leh pop pyrshah ïa U Trai. Wat bakla ïa kane; phin shah pynshitom namar ka pop jong phi.

HEBRU 13:4

Ïa ka jingshongkurim dei ban ri burom da baroh, bad kiba long shi tnga ki dei ban shaniah iwei ïa iwei pat. U Blei un sa bishar ïa kito kiba awria bad ïa kito kiba klim.

NONGBISHAR 20:41

Nangta ki Israel ki phai kylla, bad ki Benjamin ki la kulmar hi thlim namar ki sngewthuh ba kin sa shah pynjot.

NONGBISHAR 9:57

U Blei u la pynlong ruh ïa ki rangbah ka Shekhem ban shitom namar ka jingbymman jong ki, kumba u Jotham, u khun jong u Gideon, u ong ïa ki ba kin long kumta haba u la tim ïa ki.