PROBERB 5:12 - Khasi CL Bible (BSI)

¹² “Balei keiñ ba ngam peiphang? Balei keiñ ba ngam shah ba kiwei kin pynbeit ïa nga?

KA BAIBL

¹² bad ba men ong, “Kumno nga la isih ïa ka jinghikai, bad ba ka dohnud jong nga ka la ñiewbeiñ ïa ka jingsneng;

PROBERB 5:12 ပူးပေါင်းရင်းမြစ်များ

JENESIS 19:9

Hynrei ki ong, “Kynriah sharud, me u nongwei shi sngi! Me dei uei ba men batai ïa ngi kaei ba ngi dei ban leh? Kynriah sharud, ïoh ba ngin pynshitom ïa me kham palat ban ïa ki.” Ki khynñiat shadien ïa u Lot bad ki tur sha khmat ban pynpait ïa ka jingkhang.

2 KHRONIKL 25:16

“Naduh mynno,” u Amasaïah u kynrup ktien, “ba ngi la pynlong ïa me u nongai jingmut ïa u syiem? Sangeh ban kren, ïoh ngan pynïap ïa me!” U nongïathuhlypa u la sngap, hynrei ym shuwa ba un ong, “Mynta nga tip ba U Blei u la thmu ban pynjot ïa me namar ba me la leh ïa kane baroh bad ba mem shym sngap ïa ka jingai jingmut jong nga.”

2 KHRONIKL 36:16

Hynrei ki rkhiebeiñ ïa ki nonglamktien jong U Blei, kim suidñiew ïa ki ktien jong u bad ki rkhiebeiñ ïa ki nongïathuhlypa, ha kaba kut ka jingbitar U Trai pyrshah ïa la ki briew ka long kaba jur katta katta kat ban ym don lad shuh ban lait na ka.

SALM 50:17

Phi la kyntait ba ngan pynbeit ïa phi; phi la kyntait ïa ki hukum jong nga.

SALM 73:22

nga la long uba mutlop kum ka mrad; ngam shym shemphang ïa me.

PROBERB 1:22

“A, phi ki briew kiba bieit! Slem katno keiñ phi dang kwah ban sah bieit? Sa katno keiñ phin dang kmen ha kaba krenbeiñ ïa ka jingtip? Hato phim kwah ban ïoh jinghikai?

PROBERB 1:25

Phi la ñiewbeiñ ïa ka jingai jingmut jong nga baroh, bad phim mon ba ngan pynbeit ïa phi.

PROBERB 1:7

Ban ïoh ïa ka jingtip, nyngkong phi dei ban don ka jingtiengburom ïa U Trai. Ki briew kiba mutlop kim don ka jingñiewkor ïa ka jingstad bad ki kyntait ban shah hikai.

PROBERB 10:17

Ki briew kiba shahshkor haba ki shah pynbeit kin ïoh im, hynrei kito ki bym pdiang ba ki bakla ki don ha ka jingma.

PROBERB 12:1

Kino kino kiba ieit ïa ka jingtip ki kwah ban don ba pynong haba ki bakla. Ka long ka jingbieit ban isih haba don ba pynbeit.

PROBERB 13:18

Kino kino ki bym kwah ban shah hikai kin ïailong kiba kyrduh. Hynrei uno uno uba sngap ïa ka jingpynbeit u long ba la ñiewkor.

PROBERB 15:5

Ka long kaba ibieit ban ym suidñiew ïa kaei kaba ki kmie ki kpa jong phi ki hikai; ka long kaba stad ban pdiang ïa ka jingsneng jong ki.

PROBERB 5:11

Phin thiah ryngkat bad ka jingud shuwa ba phin ïap, ka doh bad ki dohksah jong phi kin ringswai, bad phin ong,

PROBERB 6:23

Ki jingbthah jong ki, ki long kum ka jingshai ba-thaba; ki jingsneng jong ki, ki hikai ïa phi kumno ban im.

PROBERB 8:36

U briew u bym shem ïa nga u pynmong ïa lade; kat uba isih ïa nga u ieit ïa ka jingïap.”

JEREMAÏAH 44:4

Nga ïai phah sha phi ïa ki shakri jong nga kiba long ki nongïathuhlypa, kiba la ong ïa phi ban ym leh ïa kane kaei kaei kaba shyrkhei kaba nga isih.