PROBERB 4:5 - Khasi CL Bible (BSI)

⁵ A to ïoh ïa ka jingstad bad ka jingshemphang! Wat klet lane leh bymsuidñiew ïa ki ktien jong nga.

KA BAIBL

⁵ to pynïoh ïa ka jingstad, to pynïoh ïa ka jingshemphang; wat klet ïa ka, lymne wat phai noh na ki ktien ka shyntur jong nga:

PROBERB 4:5 ပူးပေါင်းရင်းမြစ်များ

2 KHRONIKL 34:2

U la leh ïa kaei kaba pynsngewbha ïa U Trai; u bud ïa ka nuksa u syiem Dabid u kpa tymmen jong u, da kaba bud thik ïa ki hukum U Blei baroh.

Ka Kitab U Job 23:11

Nga bud beit ïa ka lynti ba u jied, bad ngam ju sakma sha kadiang ne kamon.

SALM 119:157

Nga don shibun ki nongshun bad ki nongbanbeiñ, hynrei ngam shym bakla ban kohnguh ïa ki aiñ jong me.

SALM 119:51

Kiba sarong ki krenbeiñ borabor ïa nga, hynrei ngam shym phai noh na ka aiñ jong me.

SALM 44:18

Ngim shym la long ki bymïaineh ha me; ngim shym la long ki bymkohnguh ïa ki hukum jong me.

PROBERB 16:16

Ka kham bha — nang kham bha — ban don ka jingstad bad ka jingtip ban ïa ka ksiar bad ka rupa.

PROBERB 17:16

Kam wanrah ei ei kaba bha lada pynlut pisa ha ka jingpynnang pynstad ïa uba bieit, namar um don jingshemphang satia.

PROBERB 18:1

Ki briew ki bym ïadei bad kiwei ki pyrkhat tang ïa lade; kin ym ïahap bad kaei kaba baroh ki tip ba ka long kaba dei.

PROBERB 19:8

Lehbha ïa lade bad wad jinghikai kat kaba phi lah; nangta kynmaw ïa kaei kaba phi ïoh jinghikai bad phin manbha.

PROBERB 23:23

Ka jingshisha, ka jingstad, ka jingtip bad ka jingshemphang — kine ki long kiba kordor ba phin siew, hynrei kiba shongdor rem ïa phi ban die.

PROBERB 3:1

Ko khun jong nga, wat klet ïa kaei kaba nga hikai ïa phi, kynmaw borabor ïa kaei kaba nga ïathuh ïa phi ban leh.

PROBERB 4:7

Kaba ïoh ïa ka jingstad ka long kaei kaei kaba donkam tam ba phi dei ban leh. Nalor kaei kaei baroh kaba phi ïoh, to ïoh ruh ïa ka jingshemphang.

PROBERB 8:5

Hato phi dang long kiba lung jingmut? Hikai ban long kiba rangbah jingmut. Hato phi long kiba dang bieit? Hikai ban long kiba shemphang.

JAKOB 1:5

Hynrei lada uno uno na phi u duna ïa ka jingstad, u dei ban duwai ha U Blei, u ban ai ïa ka ha u; namar U Blei u ai kylluid bad ai ei ïa baroh.