PROBERB 4:18 - Khasi CL Bible (BSI)

¹⁸ Ka lynti kaba kiba hok ki ïaid ka long kum ka jingmih ka sngi; ka nang phyrnai nang phyrnai haduh ba kan da shai bha kum mynsngi.

KA BAIBL

¹⁸ Hynrei, ka lynti jong u bahok ka long kum ka jingshai ka batyngshaiñ, kaba nang tyngshaiñ nang tyngshaiñ haduh kaba janai ka sngi.

PROBERB 4:18 ပူးပေါင်းရင်းမြစ်များ

2 SAMUEL 23:4

u long kum ka sngi kaba shat ha ka step bym don lyoh, ka sngi kaba pynshat phyrnai ïa u phlang hadien u slap.”

Ka Kitab U Job 11:17

Ka jingim jong me kan kham phyrnai ban ïa ka jingshai ka sngi ha ka por shiteng sngi, bad ki kynta ba-dum tam jong ka jingim kin phyrnai kum ka step phyrngab.

Ka Kitab U Job 17:9

Kito kiba dawa ba ki long kiba donburom ki la nang sngewdei shuh shuh ba kim shym la bakla.

Ka Kitab U Job 23:10

Pynban U Blei u tip ïa ka jingjam baroh kaba nga shim; lada u tynjuh ïa nga, un shem ba nga long khuid.

SALM 84:7

Ki nang kham khlaiñ katba ki nang leit; kin sa ïohi ïa U Blei jong ki blei ha Seïon.

SALM 97:11

Ka jingshai ka tyngshaiñ ha kiba hok, bad ka jingkmen ha kiba bha.

PROBERB 13:9

Kiba hok ki long kum ka jingshai kaba tyngshaiñ; ki bymman ki long kum ka sharak ka ban lip noh.

PROBERB 15:24

Ki briew kiba stad ki ïaid ha ka lynti kaba ïalam artet sha ka jingim, ym ïa ka lynti kaba ïalam arsut sha ka jingïap.

PROBERB 2:20

Kumta phi dei ban bud nuksa ïa ki briew kiba bha bad im ka jingim kaba hok.

PROBERB 2:9

Lada phi shahshkor ïa nga, phin sa tip kaei kaba dei, kaba hok, bad kaba ïaid beit. Phin sa tip ïa kaei kaba phi dei ban leh.

ISAÏAH 26:7

A Trai, me pynlong ka lynti kaba beit na ka bynta ki briew kiba bha; ka surok kaba ki ïaid ka long kaba madan.

DANIEL 12:3

Ki nongïalam kiba stad kin tyngshaiñ da ka jingphyrnai baroh jong ka suiñbneng. Bad kito kiba la hikai ïa kiba bun ki briew ban leh ïa kaei kaba dei kin tyngshaiñ kum ki khlur junom.”

HOSIA 6:3

To ngin ïai pyrshang ban tip ïa U Trai. Da shisha un sa wan sha ngi kum ka step phyrngab, shisha kum u slap pyrem uba ai um ïa ka khyndew.”

MATHAÏOS 5:14

“Phi, phi long kum ka jingshai ïa ka pyrthei baroh kawei. Ïa ka nongbah ba la tei halor u lum ym lah ban buhrieh.

MATHAÏOS 5:16

Ha kajuh ka rukom ka jingshai jong phi ka dei ban shai ha khmat ki briew, khnang ba kin ïohi ïa kiei kiei kiba bha kiba phi leh bad ïaroh ïa u Kpa jong phi uba ha bneng.

MATHAÏOS 5:45

khnang ba phi lah ban long ki khun jong U Kpa jong phi uba ha bneng. Namar u pynlong ïa ka sngi kaba u la thaw ban tyngshaiñ ha ki briew kiba sniew bad kiba bha kumjuh, bad u ai slap ha kito kiba leh ïa kaba bha bad ha kito kiba leh ïa kaba sniew.

ÏOANNIS 8:12

U Jisu u la kren biang ha ki Pharisi. “Nga long ka Jingshai jong ka Pyrthei,” u la ong. “Uno uno uba bud ïa nga un ïoh ïa ka jingshai jong ka jingim bad da lei lei un ym ïaid ha ka jingdum.”

2 KORINTH 3:18

Te, baroh na ngi, ngi phalang ïa ka burom jong U Trai da ki durkhmat ba khlem tap; bad kata kajuh ka burom, kaba wan na U Trai, uba long U Mynsiem, ka pynkylla dur ïa ngi sha ka jingïasyriem ïa u ha kata ka kyrdan kaba kham khraw jong ka burom.

PHILIPPI 2:15

khnang ba phi lah ban long kiba lui lui bad kiba khuid kum ki khun kiba janai jong U Blei, kiba im ha ka pyrthei jong ki briew kiba bamsap bad kiba pop. Phi dei ban tyngshaiñ hapdeng jong ki kum ki khlur kiba pynshai ïa ka sahit bneng, kumba phi tyrwa ha ki ïa ka khubor jong ka jingim.

2 PETROS 1:19

Kumta ngi la nang sngewskhem shuh shuh ha ka khubor ba la pynbna da ki nongïathuhlypa. Kan bha ba phi shahshkor ïa ka, namar ka long kum ka sharak kaba shai ha ka jaka ba-dum haduh ba kata ka Sngi ka wan bad ka jingshai jong u 'lurstep ka tyngshaiñ ha ki dohnud jong phi.

2 PETROS 3:18

Hynrei to phin nang roi ha ka jingaiei bad ka jingtip ïa U Jisu Khrist uba U Trai bad U Nongpynim jong ngi. Ha u, to long ka burom, mynta bad shaduh bymjukut! Amen.

JINGPYNPAW 21:23

Ka nongbah kam donkam ïa ka sngi lane ïa u bnai ban tyngshaiñ halor jong ka, namar ba ka burom jong U Trai ka tyngshaiñ halor jong ka, bad U Khunlangbrot u long ka sharak jong ka.

JINGPYNPAW 22:5

Yn ym don shuh kano kano ka miet, bad kin ym donkam ïa ki sharak lane ïa ka jingshai ka sngi, namar U Trai uba U Blei un long ka jingshai jong ki bad kin synshar kum ki syiem junom la junom.

NONGBISHAR 5:31

Ai ba ki nongshun jong me baroh kin ïap kumta, A Trai hynrei ai ba ki paralok jong me kin tyngshaiñ kum ka sngi kaba mih! Bad la don ka jingsuk ha ka ri haduh sawphew snem.