PROBERB 31:30 - Khasi CL Bible (BSI)

³⁰ Ka jingbhabriew ka long ka jingshukor bad ka jingitynnat ka jah noh, hynrei ka kynthei kaba tiengburom ïa U Trai ka dei ban ïoh ïaroh.

KA BAIBL

³⁰ Ka jingitynnad ka long ka jingshukor, bad ka jingbhabriew ka long kaba thala: hynrei, ka kynthei kaba sheptieng ïa U Trai, kata ka ban ïoh ïaroh.

PROBERB 31:30 ပူးပေါင်းရင်းမြစ်များ

2 SAMUEL 14:25

Ym don mano mano ha Israel uba pawnam ha ka jingbhabriew kat u Absalom; um don kano kano ka jingduna naduh khlieh haduh sla'jat.

SALM 112:1

A to ïaroh ïa U Trai! Suk uta u briew uba pyndonburom ïa U Trai, uba shem sngewbha ha kaba kohnguh ïa ki hukum jong u.

SALM 147:11

hynrei u sngewbha ha kito kiba pyndonburom ïa u, ha kito kiba shaniah ha ka jingieit baneh jong u.

PROBERB 1:7

Ban ïoh ïa ka jingtip, nyngkong phi dei ban don ka jingtiengburom ïa U Trai. Ki briew kiba mutlop kim don ka jingñiewkor ïa ka jingstad bad ki kyntait ban shah hikai.

PROBERB 11:16

Ka briew kaba sbun ka long kaba la ñiewkor, hynrei ka briew khlem ka jinglong babha ka long ka jingjahburom. Ki briew kiba jaipdeh kin ym don pisa satia, hynrei ki briew kiba minot thop kin riewspah.

PROBERB 11:22

Ka jingbhabriew ha ka briew ka bym don ka jingshemphang ka long kum ka sati ksiar ha ka khmut u sniang.

PROBERB 22:4

To kohnguh ïa U Trai, da kaba pynrit, bad phin ïoh ïa ka spah, ka burom, bad ka jingim kaba jlan.

PROBERB 31:29

U da ong, “Shibun ki kynthei ki long ki tnga kiba bha, hynrei phi long kaba bha tam na ki baroh.”

PROBERB 31:31

Ai burom ïa ka ïa baroh kaba ka leh. Ka dei hok ban burom da baroh.

PROBERB 6:25

Wat ai ba phin shah pynshoi ha ka jingbhabriew jong ki, wat shah ba ki khmat jong ki kin pynthame ïa phi.

PROBERB 8:13

Ban pyndonburom ïa U Blei ka long ban isih ïa kaba sniew; nga isih ïa ka jingsarong bad ka jingsngewmeng, ïa ki lynti bymman bad ki ktien lamler.

EKLESIASTIS 12:13

Hadien kane baroh, don tang kawei ban ong: To tiengburom ïa U Blei, bad kohnguh ïa ki hukum jong u, namar dei ïa kane keiñ ba la thaw ïa u briew.

EKLESIASTIS 7:18

Kiar ïa baroh ar tylli ki tduh. Lada phi don ka jingtiengburom ïa U Blei, la kumno kumno phin long kiba jop.

ESEKIEL 16:15

“Hynrei pha shim kabu ïa ka jingbhabriew bad ka nam jong pha, ban ïathiah bad uno uno uba pha ïakynduh.

LOUKAS 1:6

Baroh ar ngut ki im ka jingim kaba bha ha khmat U Blei bad ki la kohnguh lut ïa baroh ki aiñ bad ki hukum jong U Trai.

Ka Shithi U Paul Sha Ki Nong Rom 2:29

Pynban, u Jiw bashisha u dei u briew uba dei u Jiw ha kaba shapoh, kata, uba ïa ka dohnud jong u la otsher, bad kane ka dei ka jingtrei jong U Mynsiem jong U Blei, ym jong ka Hukum ba la thoh. Kum uta u briew u ïoh ïa la ka jingïaroh na U Blei, ym na u briew.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

JAKOB 1:11

Ka sngi ka mih lem bad ka jingshit kyr-ang bad ka thang ïa u jingthung; u syntiew jong u, u hap noh, bad ka jingitynnat jong u ka jah noh. Ha kajuh ka rukom ïa uba riewspah yn pynjot noh katba u dang don ha ka kam jong u ba u trei.

1 PETROS 1:24

Kumba ka Jingthoh Bakhuid ka ong: “Ki briew baroh ki long kum u phlang, bad ka burom jong ki baroh kum ki 'tiewkhlaw. U phlang u ïapstai noh, bad ki syntiew ki tlor noh,

1 PETROS 1:7

Ka jingthmu jong ki ka long ban pynshisha ba ka jingngeit jong phi ka long kaba sngur. Wat ïa ka ksiar, ïa kaba lah ban pynduh, la phrang da ka ding; bad kumta ïa ka jingngeit jong phi, kaba kham kordor shuh shuh ban ïa ka ksiar, dei ruh ban phrang, khnang ba kan lah ban shah. Te phin sa ïohpdiang ïa ka jingïaroh bad ka burom bad ka jingpyndonburom ha ka Sngi haba ïa U Jisu Khrist yn pynpaw.