PROBERB 31:26 - Khasi CL Bible (BSI)

²⁶ Ka kren da ka jingstad kaba jai jai.

KA BAIBL

²⁶ Ka ang ïa la ka shyntur ha ka jingstad; bad ka aiñ ka jinglehsbun ka ha u thylliej jong ka.

PROBERB 31:26 ပူးပေါင်းရင်းမြစ်များ

ESTHER 4:4

Haba ki shakri kynthei jong ka Esther bad ki ïunukh ki ïathuh ha ka ïa kaei kaba u Mordekai u leh, ka la shitom jingmut haduh katta katta. Ka phah sha u Mordekai katto katne ki jaiñ ban phong ha ka jaka ki jaiñ khain, hynrei um shym pdiang ïa ki.

ESTHER 5:8

“Lada ma phi ko syiem phi lehsbun ban ai ïa ka jingkyrpad jong nga, nga kwah ba ma phi bad u Haman phin long ki nongshahkhot sngewbha ha kawei pat ka jingkhawai la shai ka sngi ba ngan pynkhreh na ka bynta jong phi. Ha kata ka por ngan sa ong ïa phi ïa kaei kaba nga kwah.”

PROBERB 10:31

Ki briew kiba hok ki kren ïa ka jingstad, hynrei ïa u thylliej uba kren sniew yn pynsangeh.

PROBERB 12:18

Ki ktien ba khlem da pyrkhat ki lah ban pynmong jylliew kum kano kano ka waitlam, hynrei ki ktien ba kren ha ka jingstad ki lah ban pynkhiah.

PROBERB 16:24

Ki ktien sbun ki long kum ka ngap — kaba thiang ïa ka jingmad bad kaba bha ïa ka jingkoit jingkhiah.

PROBERB 19:14

U briew u lah ban ïohpateng ïa ka ïing bad ka spah na la ki kmie ki kpa, hynrei tang U Trai uba lah ban ai ha u ïa ka tnga kaba shemphang.

PROBERB 25:15

Ka jingïaishah ba pynkohnguh ka lah ban pynpra ïa ka jingïaleh pyrshah bakhlaiñ tam bad ka lah ban pynngeit wat ïa ki nongsynshar.

PROBERB 31:27

Ka long borabor kaba smat kaba sting bad ka khmih ïa ki jingdonkam ha ka longïing jong ka.

JINGRWAI SOLOMON 2:14

Phi long kum ka lyngdkhur kaba rieh ha ki khap jong u mawsiang. Ai ngan ïohi ïa ka durkhmat ba-bhabriew jong phi bad ïohsngew ïa ka sur bakhring jong phi.

JINGRWAI SOLOMON 4:11

Ka jingmad ka ngap ka don ha ki rmiang shyntur jong phi, ko ba-ieit jong nga; u thylliej jong phi u long ka dud bad ka ngap ïa nga. Ka jaiñ jong phi ka don baroh ki jingiwbih ka Lebanon.

MALAKHI 2:6

Ki la hikai ïa kaei kaba dei, ym ïa kaei ka bym dei. Ki la im ha ka jingïadei basngewtynnat bad nga; ki la leh ïa kaei kaba dei ym tang ha lade, hynrei ki la ïarap ruh ïa kiba bun ban sangeh na kaba leh ïa kaba sniew.

LOUKAS 1:38

“Nga long ka shakri jong U Trai,” ka Mari ka la ong, “ai kan long ha nga kumba me la ong.” Bad u angel u la leit noh na ka.

KI KAM 18:26

U la sdang ban kren shlur ha ka synagog. Haba ka Priskila bad u Akwila ki la ïohsngew ïa u, ki la ïalam ïa u sha la ïing bad ki la batai ha u kham bniah ïa ka Lynti jong U Blei.

KI KAM 6:15

Kita baroh kiba shong ha ka Dorbar ki la khmih shlip ha u Stephan bad ki la ïohi ba ka durkhmat jong u ka la long kum ka durkhmat jong u angel.

EPHESOS 4:29

Wat kren ïa ki ktien pynmong, hynrei, tang ki ktien kiba long ka jingïarap, kita keiñ kiba tei bad kiba ïadei tang ïa kata kaba donkam, khnang ba kaei kaba phi kren kan long kaba bha ïa kita kiba shahshkor ïa phi.

KOLOSSAI 4:5

To long kiba stad ha ka rukom kaba phi leh ïa kiwei ki bym pat ngeit, da kaba pyndonkam ha ka rukom kaba dei ïa kawei pa kawei ka kabu kaba phi ïoh.

1 PETROS 3:1

Ha kajuh ka rukom, phi ki kynthei, to da pynkohnguh ïa lade ha la ki tnga, khnang ba lada don uno uno napdeng jong ki, ki bymngeit ïa ka ktien U Blei, ka jinglong jingim jong phi kan jop ïa ki ban ngeit.

NONGBISHAR 13:23

Hynrei ka tnga jong u ka jubab, “Lada U Trai u la thmu ban pynïap ïa ngi, un ym jin da la pdiang ïa ka jingainguh jong ngi; un ym jin da la pyn-i ha ngi ïa kine baroh lane ïathuh ha ngi ïa kita kiei kiei mynta.”