PROBERB 31:22 - Khasi CL Bible (BSI)

²² Ka thain ïa ki jaiñ siang thiah bad ka phong da ki jaiñ linen bani bad basawbthuh.

KA BAIBL

²² Ka thaw ha lade ki syngkhlieh ba la suh syntiew; ki jaiñkup jaiñsem jong ka ki long linen bani bad jaiñ saw bthuh.

PROBERB 31:22 ပူးပေါင်းရင်းမြစ်များ

JENESIS 41:42

U syiem u law noh na ka shynriah'ti jong u ïa ka sati kaba don ka muhor syiem bad u pyndeng ïa ka ha ka shynriah'ti jong u Joseph. U pynkup ruh ïa u da ka jaiñ linen bani, bad u pyndeng ïa u kynjri ksiar ha ka ryndang jong u.

ESTHER 5:1

Ha ka sngi kaba lai jong ka jingshah jingit, ka Esther ka phong ïa ki jingriam syiem jong ka bad ka leit bad ïeng ha ka phyllaw ba kham shapoh ka ïingsyiem, kaba phai khmat sha ka kamra ba don ka khet syiem. U syiem u don hapoh, u shong halor ka khet syiem, da kaba phai khmat sha ka khyrdop.

ESTHER 8:15

U Mordekai u mih na ka ïingsyiem, ha ki jingphong syiem kiba jngum rong bad balieh, ka barandi linen ba sawbthuh bad ka pansngiat ksiar ba-itynnat. Nangta ki lynti bah ka Susa ki sawa da ki jingpyrta ïaroh jong ka jingkmen.

PROBERB 7:16

Nga la siang pynitynnat ïa ka jingthiah jong nga da ka jaiñ linen bun rong na Ijipt.

LOUKAS 16:19

“La don shisien uwei u briew uba riewspah uba la riam ha ki jaiñ kiba remdor eh bad uba im ha ka jingpahuh bakhraw man la ka sngi.

1 PETROS 3:3

Wat ai ba phin pynitynnat ïa lade na kaba shabar, kum kaba kumno ba sad ïa u shñiuh, lane kaba deng ki jingdeng baremdor, lane ki jaiñ ba phi riam.

JINGPYNPAW 19:14

Ki kynhun shipai ka bneng ki la bud ïa u, ki da shong halor ki kulai balieh bad ki la riam da ki jaiñ linen balieh bad bakhuid.

JINGPYNPAW 19:8

La ai ha ka ïa ka jaiñ linen baphyrnai kaba khuid ban phong.” (Ka jaiñ linen ka long ki kam babha jong ki briew jong U Blei.)

NONGBISHAR 8:26

Ki sohshkor ksiar ba u Gideon u ïohpdiang ki khia la jan arphew kilo, bad kane kam shym kynthup ïa ki jingdeng, ki kpieng bad ki jaiñ sawbthuh ba ki syiem Midian ki kup, lymne ki jingdeng kiba don sawdong ki ryndang jong ki ut jong ki.