PROBERB 30:17 - Khasi CL Bible (BSI)

¹⁷ Uno uno uba leh biria ïa la u kpa lane uba ñiewbeiñ ïa la ka kmie ha ka jinglong tymmen jong ka u dei ban shah bam ha ki pukni ne shah khlaw ki khmat ha ki tyngab khlaw.

KA BAIBL

¹⁷ Ka khmat kaba rkhiebeiñ ïa la u kpa, bad kaba ñiewbeiñ ban kohnguh ïa la ka kmie, ïa kata, ki tyngab ka ri them kin khlaw noh, bad ki khun pukni kin bam ïa ka.

PROBERB 30:17 ပူးပေါင်းရင်းမြစ်များ

2 SAMUEL 21:10

Nangta ka Rispah, ka khun jong u Aïah, ka tnga kliar jong u Saul, ka la pyndonkam da ka jaiñ khain ban thaw jingda ïa lade halor u mawsiang ha kaba don ki metïap, bad ka la sah hangta naduh kaba sdang ka aïom ot haduh ban da hap u slap synrai. Ha ka por mynsngi ka ju beh ïa ki sim na ki metïap, bad ha ka por mynmiet ka ju ïada ïa ki na ki mradkhlaw.

PROBERB 15:20

Ki khun kiba stad ki pynlong ïa ki kpa jong ki ban kmen. Tang kiba bieit ki ñiewbeiñ ïa la ki kmie.

PROBERB 20:20

Lada phi tim ïa la ki kmie ki kpa, ka jingim jong phi kan kut kum ka sharak kaba lip noh ha kaba dum.

PROBERB 23:22

To shahshkor ïa la u kpa; khlem ma u phin ym ïoh jingim. Haba ka kmie ka la tymmen, pyn-i ha ka ïa ka jingïaroh jong phi.

PROBERB 30:11

Don ki briew kiba tim ïa la ki kpa bad ki bym ju pyn-i ïa la ka jingïaroh ïa la ki kmie.

PROBERB 30:18

Don saw tylli kiei kiei kiba phylla eh ïa nga ba ngan shemphang:

LEBITIKOS 20:9

U Trai u la ai ïa kine harum ki jingbuhbeit ryntih. “Uno uno uba tim ïa la u kpa ne ïa la ka kmie un shah pynïap; u la kwah hi ïa ka jingïap.

MALAKHI 1:6

U Trai Badonbor Baroh u ong ha ki lyngdoh, “U khun u burom ïa la u kpa, bad u shakri u burom ïa la u kynrad. Nga long u kpa jong phi — balei phim burom ïa nga? Nga long u kynrad jong phi — balei phim ñiewkor ïa nga? Phi ñiewbeiñ ïa nga, bad pynban phi kylli, ‘Da kumno ngi ñiewbeiñ ïa me?’

DEUTERONOMI 28:26

Ynda phi ïap, ki sim bad ki mrad kin bam ïa ki metïap jong phi, bad yn ym don ba leit beh ïa ki.

1 SAMUEL 17:44

“Wan shane,” u kob ïa u Dabid, “bad ngan ai ïa ka met jong me ha ki sim bad ha ki mrad ba kin bam.”