PROBERB 30:15 - Khasi CL Bible (BSI)

¹⁵ U thliem u don ar ngut ki khun kynthei, bad baroh ar ki kyrteng “Ai ïa nga!” Don saw tylli kiei kiei ki bym ju kdang:

KA BAIBL

¹⁵ U thliem masi u don ar tylli ki khun kynthei, kiba pyrta, “Ai, ai.” Don lai tylli kiei kiei ki bym ju kdang, shisha, saw tylli ki bym ju ong, “Keiñ noh:”

PROBERB 30:15 ပူးပေါင်းရင်းမြစ်များ

PROBERB 27:20

Ki jingkwah u briew ki long kum ka pyrthei kiba ïap — Ka don borabor ka jingkwah shuh shuh.

PROBERB 30:14

Don ki briew kiba shim kabu-runar ïa kiba duk bad kiba kyrduh; kata ka long ka rukom ba ki kyrshan ïa la ka jingim.

PROBERB 30:16

Ka pyrthei kiba ïap, ka kynthei kaba khlem khun, ka khyndew rkhiang kaba donkam slap, bad ka ding kaba meh bym lah ban tem.

PROBERB 30:21

Don saw tylli kiei kiei ba ka pyrthei da lade kam lah shah:

PROBERB 30:24

Don saw jait ki mrad kiba rit ha ka pyrthei, hynrei kiba sian shikatdei eh:

PROBERB 30:29

Don saw tylli kiei kiei kiba ktah jur ïa ka jingmut haba peit ba ki ïaid:

PROBERB 6:16

Don hynñiew tylli kiei kiei kiba U Trai u isih bad um lah shah: Ka khmat kaba i-meng, u thylliej uba lamler, ki kti kiba pynïap ïa ki briew kiba lui lui, ka jingmut kaba pyrkhat ïa ki jingthmu basniew, ki kjat kiba kloi ban leh sniew, u sakhi uba ïathuh lamler kawei hadien kawei pat, bad u briew uba pynmih jingïakajia hapdeng ki paralok.

ISAÏAH 57:3

Ale hangne ban shah bishar, a phi ki nongpop! Phim long kham bha ban ïa ki nongleh byrtong, kiba klim bad ki nuti.

HOSIA 4:18

Hadien ba ki la dih shibun ka waiñ, ki ïaleh sngewbha ha ki kam nuti jong ki, ki jied ïa ka jingjahburom ban ïa ka burom.

AMOS 1:11

U Trai u ong, “Ki briew ka Edom ki la ïai leh pop, bad na ka bynta kane ngan pynshitom da shisha ïa ki. Ki la beh krad ïa la ki hynmen ki para, ïa ki Israel bad khlem da pyn-i jingisynei ïa ki. Ka jingbitar jong ki kam don pud bad kim shah ba kin ïap.

AMOS 1:13

U Trai u ong, “Ki briew ka Ammon ki la ïai leh pop, bad na ka bynta kane ngan pynshitom da shisha ïa ki. Ha ki thma jong ki ban pynïoh bun ki jaka, ki la puid wat ïa ki kynthei kiba punkhun ha Gilead.

AMOS 1:3

U Trai u ong, “Ki briew jong ka Damaskos ki ïai leh pop, bad na ka bynta kane ngan pynshitom da shisha ïa ki; ki la shohbeiñ ïa ki briew ka Gilead da ka kam runar ba khleh bieit.

AMOS 1:6

U Trai u ong, “Ki briew ka Gasa ki la ïai leh pop, bad na ka bynta kane ngan pynshitom da shisha ïa ki. Ki la ring ïa u paidbah baroh bad die noh ïa ki kum ki mraw ha ki briew ka Edom.

AMOS 1:9

U Trai u ong, “Ki briew ka Tyros ki la ïai leh pop, bad na ka bynta kane ngan pynshitom da shisha ïa ki. Ki la ring ïa u paidbah baroh sha ka jinglongmraw ha ka ri ki Edom, bad kim shym bat ïa ka jutang ka jingïalong paralok ba ki la ïateh.

AMOS 2:1

U Trai u ong, “Ki briew jong ka Moab ki la ïai leh pop, bad na ka bynta kane ngan pynshitom da shisha ïa ki. Kim shym burom ïa ki shyieng u syiem Edom da kaba thang haduh ba kin da kylla dpei.

AMOS 2:4

U Trai u ong, “Ki briew jong ka Judah ki la ïai leh pop, bad na ka bynta kane ngan pynshitom da shisha ïa ki. Ki la ñiewbeiñ ïa ki jinghikai jong nga bad kim shym la sumar ïa ki hukum jong nga. Ki la shah ïalam bakla da kijuh ki blei thala ba ki kpa tymmen jong ki, ki shakri.

MIKAH 7:3

Ki long kiba tbit baroh ha kaba leh ïa kaba sniew. Ki rangbah synshar bad ki nongbishar ki bamsap. U briew uba lah u ong ha ki ïa kaei kaba u kwah, bad kumta ki ïasylla lang.

MATHAÏOS 23:32

To nang ïaid, bad pyndep ïa kaei kaba ki kpa tymmen jong phi ki la sdang!

ÏOANNIS 8:39

Ki la jubab ïa u, “U kpa jong ngi u dei u Abraham.” “Lada shisha phi long ki khun jong u Abraham,” U Jisu u la phai ktien, “phin leh ïa kita kijuh kiba u la leh.

ÏOANNIS 8:44

Phi, phi long ki khun jong u kpa jong phi, u Ksuid, bad phi da kwah ban bud ïa kiba u kpa jong phi u sngewbha. Naduh kaba mynnyngkong u la long u nongpynïap briew bad um ju ïeng ha ka liang jong ka jingshisha, namar ha u kam don ka jingshisha. Haba u ïathuh ïa ka jingshukor, u leh ïa kaei kaba long tynrai ha u, namar u long uba lamler bad u kpa ki jingshukor baroh.

Ka Shithi U Paul Sha Ki Nong Rom 16:18

Naba kito kiba leh kum ïa kita kiei kiei kim shakri ïa U Khrist uba U Trai jong ngi, hynrei ïa ki jingkwah jong ki hi. Da ki ktien jali ja-um bad ka jingkren pynroh, ki shukor ïa ki briew kiba lui lui.

2 PETROS 2:3

Ha ka jinglalot jong ki, kine ki nonghikai balamler kin kamai da kaba ïathuh ïa phi ïa ki jingïathuhkhana ba shu thaw. La kham slem mynta U Nongbishar jong ki u la long uba la kloi, bad u Nongpynjot jong ki u la long u bym ju ïohthiah!