PROBERB 3:7 - Khasi CL Bible (BSI)

⁷ Wat buh ka jingpyrkhat ha lade ba phi kham stad ban ïa kaba phi long; shu kohnguh beit ïa U Trai, bad kiar ban leh ïa kaba sniew.

KA BAIBL

⁷ Wat long u bastad ha la ka jong ka jingñiew; to sheptieng ïa U Trai, bad to kiar na ka basniew:

PROBERB 3:7 ပူးပေါင်းရင်းမြစ်များ

2 SAMUEL 12:20

Kumta u Dabid u khie joit na madan, u sum u sleh, u sad ïa la u shñiuh, bad u pli ïa la ki jaiñ. Nangta u la leit bad mane ha ka ïing U Trai. Haba u la wan phai sha ka ïingsyiem; u pan jingbam, bad u la bam ïa ka mar ïadep sam.

NEHEMAÏAH 5:15

Uwei pa uwei u lat uba don ha ka kam ha shuwa jong nga, u la long ka jingbankhia ïa ki briew bad ki ju dawa sawphew ki pisa rupa shi sngi na ka bynta ka jingbam bad ka waiñ. Wat ki shakri jong ki, ki ju banbeiñ ïa ki briew. Hynrei ngam shym leh kumta, namar nga burom ïa U Blei.

Ka Kitab U Job 1:1

La don u briew uba kyrteng u Job, uba shong ba sah ha ka ri Us, uba mane ïa U Blei bad uba ïaineh ha u. U long u briew uba bha, uba kiar ban ym leh ïa kano kano kaba sniew.

Ka Kitab U Job 28:28

U Blei u ong ïa ki briew, “Ban long uba stad, phi dei ban don ka jingtiengburom ïa U Trai. Ban shemphang, phi dei ban phai noh na kaba sniew.”

EKSODOS 20:20

U Moses u jubab, “Wat sheptieng, U Blei u la wan tang ban tynjuh ïa phi bad pynlong ïa phi ban ïai kohnguh ïa u, khnang ba phin ym leh pop.”

PROBERB 14:16

Ki briew kiba sngewthuh ki husiar ban kiar na kaba sniew, hynrei ki briew kiba mutlop kim suidñiew bad ki tur ruma kat shaba lap.

PROBERB 14:27

Hato phi kwah ban lait na ka jingïap? Ka jingtiengburom ïa U Trai ka long ka umpohliew ka jingim.

PROBERB 16:6

Long kiba kohnguh bad kiba ïaineh, bad U Blei un map ïa ka pop jong phi. To kohnguh ïa U Trai bad kaba sniew kan ym jia ha phi.

PROBERB 23:4

To long uba stad bha ym ban ym pyrshang ban pynpaw ïa lade ban ïoh spah.

PROBERB 26:12

U briew uba bieit mutlop tam u kham bha ban ïa uno uno uba pyrkhat ba u long uba stad haba um long kumta.

PROBERB 26:5

Ai ka jubab bieit ïa ka jingkylli bieit, bad uta uba kylli ïa ka un sngewthuh ba um long uba stad kumba u pyrkhat.

PROBERB 28:11

Ki briew kiba riewspah ki ju pyrkhat borabor ba ki long kiba stad, hynrei u briew uba duk, uba don ka jingsngewthuh shaphang ka jinglongbriew u tip kham bha.

PROBERB 28:26

Ka long ka jingbieit ban bud ïa la ki jong ki jingsngewthuh. To long shngain, bad bud ïa ki jinghikai jong ki briew kiba kham stad.

PROBERB 8:13

Ban pyndonburom ïa U Blei ka long ban isih ïa kaba sniew; nga isih ïa ka jingsarong bad ka jingsngewmeng, ïa ki lynti bymman bad ki ktien lamler.

EKLESIASTIS 12:13

Hadien kane baroh, don tang kawei ban ong: To tiengburom ïa U Blei, bad kohnguh ïa ki hukum jong u, namar dei ïa kane keiñ ba la thaw ïa u briew.

ISAÏAH 5:21

Phi long ba la tim! Phi pyrkhat phi long uba stad, kumta kiba shalak shibun.

Ka Shithi U Paul Sha Ki Nong Rom 11:25

Ka don ka jingshisha barieh, ko ki parabangeit jong nga, kaba nga kwah ïa phi ban tip, naba kan pynlong ïa phi ban ym pyrkhat katno uba stad phi long. Kata ka long ba ka jingmutlop jong ki paid Israel kam neh sah, hynrei kan neh tang haduh kata ka por ba baroh ki Jentil kin wan sha U Blei.

Ka Shithi U Paul Sha Ki Nong Rom 12:16

To don ïa kajuh ka jingsngewkhia ïa baroh. To wat long kiba sarong, hynrei to pdiang ïa ki kam kiba kham hapoh. To wat pyrkhat ïa lade kum kiba stad.