PROBERB 3:6 - Khasi CL Bible (BSI)

⁶ Kynmaw ïa U Trai ha kaei kaei kaba phi leh, bad un pyn-i ha phi ïa ki lynti kaba dei.

KA BAIBL

⁶ Ha la ki lynti baroh to phla ïa u, te un pynbeit ïa ki lynti ïaid jong me.

PROBERB 3:6 ပူးပေါင်းရင်းမြစ်များ

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

ESRA 7:27

U Esra u ong, “Ïaroh ïa U Trai, U Blei jong ki kpa tymmen jong ngi! U la pynlong ïa u patsha da ka mon sngewbha ban burom ha kane ka rukom ïa ka Templ jong U Trai ha Jerusalem.

NEHEMAÏAH 1:11

To shahshkor mynta ïa ka jingduwai jong nga bad ïa ki jingduwai jong baroh kiwei pat ki shakri jong me kiba kwah ban ai ïa me ka burom. Ai ïa ka jingjop mynta ka sngi bad pynlong ba u patsha un leh-isynei ïa nga.” Ha kita ki sngi nga la long u nongrah waiñ jong u patsha.

NEHEMAÏAH 2:4

U patsha u kylli, “Kaei kaba me kwah?”

NEHEMAÏAH 7:5

U Blei u la pynkhih ïa ka mynsiem jong nga ban ïalum ïa ki briew bad ki nongïalam jong ki bad ki rangbah synshar bad ban khmih ïa ki jingbuh jingkynmaw ha ki ïing ki sem jong ki. Nga shem ïa ki jingbuh jingkynmaw ïa kito kiba la wan phai nyngkong na ka jinglongmraw, bad kane ka dei ka jingtip ba nga la ïoh:

SALM 32:8

U Trai u ong, “Ngan hikai ïa me ïa ka lynti ha kaba me dei ban leit; ngan hikai ïa me bad ai jingmut ïa me.

PROBERB 11:5

Ka jingbeit ka pynsuk ïa ka jingim u briew uba bha, hynrei u bymman u kyllon da la ki jong ki kam bymman.

PROBERB 16:3

Kyrpad na U Trai ban kyrkhu ïa ki jingthmu jong phi, bad phin ïoh jingjop ha kaba pyntreikam ïa ki.

PROBERB 16:9

Phi lah ban don la ki jingthmu, hynrei dei U Blei uba ïalam ïa ki jingpyntreikam jong phi.

PROBERB 23:17

Wat sngewbishni ïa ki briew kiba leh pop, ai ba ka jingtiengburom ïa U Trai kan long ha khmat ka jingim jong phi.

ISAÏAH 26:7

A Trai, me pynlong ka lynti kaba beit na ka bynta ki briew kiba bha; ka surok kaba ki ïaid ka long kaba madan.

ISAÏAH 30:21

Lada phi sakma noh na ka lynti sha kamon ne sha kadiang, phin ïohsngew ïa ka sur jong u hadien jong phi kaba ong, “Kane ka dei ka lynti. Bud ïa ka.”

ISAÏAH 45:13

Nga da lade hi nga la pynkhih ïa u Syros ban leh ban pyndep ïa ka jingthmu jong nga bad buh beit ïa kiei kiei. Ngan pynbeit ïa ka lynti baroh ba u leit. Un tei biang ïa ka nongbah jong nga, ka Jerusalem, bad un pyllait ïa ki briew ba shah set byndi jong nga. Ym don ba la shim wai ïa u ne ba la pynbam klop ïa u ban leh ïa kane.” U Trai Badonbor Baroh u la kren.

ISAÏAH 48:17

U Blei Bakhuid jong ki Israel, U Trai uba pynim ïa phi, u ong: “Nga long U Trai U Blei jong phi, uta uba kwah ban hikai ïa phi na ka bynta ka jingbha jong phi hi bad uba kdew ïa phi ïa ka lynti ba phi dei ban leit.

JEREMAÏAH 10:23

A Trai, nga tip ba ym don uno uno uba long u kynrad ïa la ka lawei jong u hi; ym don uno uno u briew uba bat synshar ïa ka jingim jong u hi.

JEREMAÏAH 42:3

To duwai ba U Trai U Blei jong ngi un pyn-i ha ngi ïa ka lynti kaba ngi dei ban leit bad kaei kaba ngi dei ban leh.”

JINGKHEIÑ 9:20

Teng teng, uta u lyoh u neh halor ka Ïingjaiñ tang khyndiat sngi; la kumno kumno ruh, kat kum ka hukum U Trai, ki sah ha kajuh ka jaka ne ki kynriah noh shawei.

1 KORINTH 10:31

Kumta, ha kaei kaei kaba phi leh, ha kaba bam ne ha kaba dih, to leh phi ïa kiei kiei baroh na ka bynta ka burom U Blei.

2 KORINTH 8:16

Katno ngi ainguh ïa U Blei ba u la pynlong ïa u Titos ban thrang kum ma ngi ban ïarap ïa phi.

PHILIPPI 4:6

Wat khuslai shaphang kaei kaei, hynrei ha ki jingduwai jong phi baroh, to pan na U Blei ïa kaei kaba phi donkam, da pan borabor na u da ka dohnud kaba sngewnguh.

KOLOSSAI 3:17

Nangta, ïa kaei kaei baroh kaba phi leh ne phi ong, dei ban leh ha ka kyrteng jong U Trai Jisu, ha kaba phi ainguh da u ïa U Blei uba U Kpa.

KOLOSSAI 3:23

Ïa kaei kaei kaba phi leh, trei ïa ka naduh mynsiem, kumba phi trei na ka bynta U Trai bad ym na ka bynta ki briew.

JAKOB 1:5

Hynrei lada uno uno na phi u duna ïa ka jingstad, u dei ban duwai ha U Blei, u ban ai ïa ka ha u; namar U Blei u ai kylluid bad ai ei ïa baroh.

1 SAMUEL 30:8

U Dabid u kylli na U Trai, “Ngan leit beh ne em ïa kine ki nonglute? Ngan lap ne em ïa ki?” U jubab, “Khie leit beh ïa ki; men lap ïa ki, bad men pyllait ïa kiba la shah ringmraw.”