PROBERB 3:33 - Khasi CL Bible (BSI)

³³ U Trai u buh ka jingtim ha ki longïing jong ki riewbymman, hynrei u kyrkhu ïa ki longïing jong kiba hok.

KA BAIBL

³³ Ka jingtim U Trai ka don ha ka ïing u bymman; hynrei, u kyrkhu ïa ka jaka shong jong u bahok.

PROBERB 3:33 ပူးပေါင်းရင်းမြစ်များ

2 SAMUEL 6:11

Ka la don hangta lai bnai, bad U Trai u kyrkhu ïa u Obed Edom bad ïa ka longïing jong u.

Ka Kitab U Job 24:18

Ïa u briew uba sniew la rong noh ha ka jingshlei, bad ka jaka kaba u long trai ka don hapoh ka jingtim U Blei; um leit shuh ban trei ha la ki bri sohwaiñ.

Ka Kitab U Job 31:12

Kan long kum ka jingpynjot, ka ding bashyrkhei, ka ban bam duh ïa kiei kiei baroh kiba nga don.

SALM 1:3

Ki long kum ki dieng kiba mih harud ka wahduid, kiba seisoh ha ka por kaba dei, bad kiba ki sla jong ki kim tyrkhong. Ki jop ha kiei kiei baroh kiba ki leh.

SALM 37:22

Kito kiba la kyrkhu da U Trai kin ïohkynti ïa ka ri, hynrei kito kiba la tim da u kin shah beh noh.

SALM 91:10

bad kumta ka jingpynjot kan ym shoh ïa me, ka jingleh jubor kan ym wan hajan ka ïing jong me.

PROBERB 10:6

U briew uba bha un ïoh jingkyrkhu. Ki ktien u riewbymman ki buhrieh ïa ka jinglong ba leh jubor.

PROBERB 14:11

Ka ïing jong u briew uba bha kan dang ïeng hi hadien ba la pynjot ïa ka ïing jong u nongleh ïa kaba sniew.

PROBERB 15:6

Ki briew kiba hok ki sumar ïa ka spah jong ki, hynrei ki bymman ki duh ei ïa la ka jong haba ki por kiba eh ki wan poi.

PROBERB 21:12

U Blei, uta uba hok, u tip ïa kaei kaba jia ha ki longïing ki riewbymman, bad un wallam ïa ki bymman sha ka jingjot jingpra.

MALAKHI 2:2

Phi dei ban burom ïa nga da kaei ba phi leh. Lada phim shahshkor ïa kaei kaba nga ong, te ngan wallam ka jingtim ha phi. Ngan buh ïa ka jingtim ha kiei kiei kiba phi ïohpdiang na ka bynta ka jingkyrshan ïa phi. Ha ka jingshisha, nga la dep buh lypa ka jingtim ha ki, namar phim shym pdiang sngewkhia ïa ka hukum jong nga.

DEUTERONOMI 11:28

hynrei ïa ka jingtim, lada phi leh lyndet ïa kine ki hukum bad phai noh ban mane ïa kiwei pat ki blei ïa kiba phim pat ju tip mynno mynno.

DEUTERONOMI 7:26

Wat rah ïa kano kano ka bleithaw sha la ïing ïoh ba kajuh ka jingtim kan ngat sa ha phi ruh. Phi dei ban isih bad ibeiñ ïa kine ki bleithaw, namar ki long kiba la tim da U Trai.

JOSHUA 6:18

Hynrei phim dei ban rah ïa kano kano kaba dei ïa ka ban pynjot; lada phi leh kumta, phin wanrah ka jingjynjar bad ka jingpynjot ïa ka jaka shong dara ki Israel.

JOSHUA 7:13

Ïeng joit! Pynkhuid ïa u paidbah bad pynkhreh ban wan ha khmat jong nga. Bthah ïa ki ban long kiba la kloi lashai ka sngi, namar ma nga, U Trai U Blei ki Israel nga don kane ban ong: ‘Israel, phi don ha ki jingdon jingem jong phi katto katne kiba nga la hukum ïa phi ban pynjot! Phim lah ban ïeng pyrshah ïa ki nongshun jong phi tad haduh ba phin da lait na kine kiei kiei!’