PROBERB 3:3 - Khasi CL Bible (BSI)

³ Wat ai ba ka jinglong bashaniah bad baïaineh kin iehnoh ïa phi. Teh ïa ki sawdong ka ryndang jong phi; thoh ïa ki ha ka dohnud jong phi.

KA BAIBL

³ Wat ai ba ka jingisynei bad ka jingshisha kin iehnoh noh ïa me: to teh ïa ki ha ka ryndang jong me; to thoh ïa ki ha u maw lyngkniap ka dohnud jong me:

PROBERB 3:3 ပူးပေါင်းရင်းမြစ်များ

2 SAMUEL 15:20

Phi la sah hangne tang khyndiat por, kumta balei ngan pynlong ïa phi ban ïaid sakma kylleng bad nga? Ngam tip shano ngan leit. Khie leit phai noh bad ïalam bad phi ïa la ki jong ki briew — bad to U Trai un lehsbun bad ïaineh bad phi.”

SALM 119:11

Nga ri khop ïa ka hukum jong me ha la ka dohnud, khnang ba ngan ym leh pop pyrshah ïa me.

SALM 25:10

Da ka jingïaineh bad ka jingieit u ïalam ïa baroh kiba sumar ïa ka jutang jong u bad kohnguh ïa ki hukum jong u.

SALM 85:10

Ka jingieit bad ka jingïaineh kin ïashem; ka hok bad ka jingsuk kin ïakdup.

EKSODOS 13:9

Kane ka jingrakhe kan long ka jingpynkynmaw, kum kaei kaei kaba la teh ha ka kti jong phi ne ha ka shyllangmat jong phi; kan pynkynmaw ïa phi ban ïai kren bad ïai puson ïa ka Aiñ U Trai, namar U Trai u la ïalam noh ïa phi na ka ri Ijipt da ka borbah jong u.

EKSODOS 34:6

U Trai u ïaid na khmat jong u, bad u pynbna, “Ma nga, U Trai, nga long U Blei uba dap da ka jinglehsbun bad jinglehisynei, uba suki ban bitar bad uba pyn-i ïa ka jingieit bakhraw bad ïa ka jingïaineh skhem.

PROBERB 1:9

Ki jinghikai jong ki kin pynbha ïa ka jinglong jong phi kum ka jaiñspong kaba ishongkhia ha ka khlieh jong phi, lane kum u jingdeng uba pyniphuh ïa ka dur jong phi.

PROBERB 14:22

Phin ïoh ïa ka jingshaniah bad jingñiewkor na kiwei lada phi trei na ka bynta kaba bha; lada phi trei na ka bynta kaba sniew, phi leh ïa kaba bakla.

PROBERB 16:6

Long kiba kohnguh bad kiba ïaineh, bad U Blei un map ïa ka pop jong phi. To kohnguh ïa U Trai bad kaba sniew kan ym jia ha phi.

PROBERB 20:28

U syiem un ïai don ha ka bor katba ka jingsynshar jong u ka dang long kaba khuid, kaba hok, bad kaba biang.

PROBERB 6:21

Sumar borabor ïa ki ktien jong ki, da buh jingkynmaw ïa ki ha ka dohnud jong phi.

PROBERB 7:3

sumar ïa ki jinghikai jong nga ha ki por baroh; thoh ïa ka ha ka dohnud jong phi.

JEREMAÏAH 17:1

U Trai u ong, “Ko ki briew jong ka Judah, ïa ka pop jong phi la thoh da u khulom nar; la pruid jylliew halor ki dohnud jong phi da u diamond banep bad la ohdur halor ki dong jong ki duwan jong phi.

HOSIA 4:1

U Trai u don ka jingkynnoh pyrshah ïa ki briew kiba shong ha ka ri. To sngap, ko Israel, ïa kaei kaba u ong: “Ym don jingïaineh ne ka jingieit ha ka ri, Bad ki briew kim pdiang ïa nga kum U Blei.

MALAKHI 2:6

Ki la hikai ïa kaei kaba dei, ym ïa kaei ka bym dei. Ki la im ha ka jingïadei basngewtynnat bad nga; ki la leh ïa kaei kaba dei ym tang ha lade, hynrei ki la ïarap ruh ïa kiba bun ban sangeh na kaba leh ïa kaba sniew.

MATHAÏOS 23:23

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi ai sha U Blei ïa kaba shiphew wat jong ki jhur pynbang jingbam, kum u pudina, u dill, bad u kumin, hynrei phim suidñiew ban kohnguh ïa ki jinghikai badonkam shisha jong ka Hukum, kum ka jinglehhok bad ka jingisynei bad ka jingbeit. Ïa kine phi dei ban leh, khlem da klet ïa kiwei pat.

2 KORINTH 3:3

Ka long kaba shai ba U Khrist da lade hi u la thoh ïa kane ka shithi bad u la phah ïa ka da ngi. Naba la thoh, ym da ka sia hynrei da U Mynsiem jong U Blei uba im, bad ym ha ki mawlyngkniap hynrei ha ki dohnud briew keiñ.

EPHESOS 5:9

naba ka dei ka jingshai kaba pynmih ïa ka jingot kaba kyrhai ha baroh ki jinglong babha, bahok, bad bashisha.

DEUTERONOMI 6:8

Kum ka dak ka jingpynkynmaw, teh ïa ki ha ki ksang'ti jong phi bad deng ïa ki ha ki shyllangmat jong phi.

HEBRU 10:16

“Kane ka long ka jutang ïa kaba ngan pynlong bad ki, ha ki sngi ki ban sa wan, ong U Trai: Ngan buh ïa ki hukum jong nga hapoh ki dohnud jong ki bad thoh ïa ki ha ki jingmut jingpyrkhat jong ki.”