PROBERB 3:25 - Khasi CL Bible (BSI)

²⁵ Phin ym donkam ban khuslai ïa ka jingpynjot kaba wan kynsan, kum kaba wan ha ki riewbymman kum ka 'erïong.

KA BAIBL

²⁵ Wat sheptieng ïa ka jingsheptieng kaba kyndit, lymne ïa ka jingpynjot jong ki bymman, haba ka wan lap;

PROBERB 3:25 ပူးပေါင်းရင်းမြစ်များ

SALM 112:7

Um sheptieng haba u ïohpdiang ïa ka khubor kaba sniew; ka jingngeit jong u ka long kaba khlaiñ, bad u shaniah ha U Trai.

SALM 73:19

La pynjot ïa ki ha ka shikhyllipmat, ki la leit hiar sha ka jingkut kaba shyrkhei.

SALM 91:5

Men ym sheptieng na ki jingma mynmiet ne na ki jingtur ïaleh ha ka por mynsngi,

PROBERB 1:27

haba ka wan ha phi kum ka 'erïong, bad ka pynjynjar ïa phi kum ka 'erlangthari, bad haba phi don ha ka jingpang bad ka jinglanot.

ISAÏAH 54:14

Ka jingbishar hok bad ka hok tynrai kin pynkhlaiñ ïa pha. Phan lait na ka jingshah banbeiñ bad ka jingtriem.

MIKAH 4:4

Uwei pa uwei un shongsuk hapdeng ki bri sohwaiñ bad ki dieng Dumbur la ki jong hi, bad yn ym don mano mano ban pynsheptieng ïa u. U Trai Badonbor Baroh u la kular ïa kane.

SEKHARAÏAH 9:8

Ngan ap phira ïa ka ri jong nga bad ngan ym shah ïa ki kynhun shipai ban ïaid lyngba jong ka. Ngan ym shah shuh ïa ki nongbanbor ban banbeiñ ïa ki briew jong nga. Nga la ïohi haduh katno ki briew jong nga ki la shahshitom.”

MATHAÏOS 24:15

“Phin ïohi ïa ‘Ka Jingijli Bashyrkhei’ ïa kaba u Daniel u nongïathuh lypa u la kren. Kan ïeng ha ka jaka bakhuid.” (Ka jingkynthoh ïa u nongpule: Da pynthikna ban shemphang aïu kane ka kit jingmut!)

MATHAÏOS 24:6

Phin sa ïohsngew ïa ki jingsawa ki thma kiba hajan bad ïa ki khubor thma kiba sha jngai; hynrei wat khih khuslai. Kiba kum kine kiei kiei ki dei ban jia, hynrei kim mut ba kaba kut ka la poi.

MARKOS 4:40

Nangta U Jisu u la ong ïa ki synran jong u, “Balei ba phi sheptieng? Hato phim pat don jingngeit satia?”

LOUKAS 21:9

Wat sheptieng haba phi ïohsngew ïa ki thma bad ki jingïakhih pyrshah bor synshar; kiba kum kine ki dei ban jia nyngkong, hynrei kim mut ba kaba kut ka la jan.”

ÏOANNIS 14:1

“Wat sngewkhuslai bad sngewdiaw,” U Jisu u la ong ha ki. “To ngeit ha U Blei bad to ngeit ha nga ruh.

1 PETROS 3:14

Hynrei wat lada phi hap ban shahshitom haba phi leh ïa kaei kaba dei, katno kiba kmen phi long! Wat sheptieng ïano ïano, bad wat khuslai.