PROBERB 3:16 - Khasi CL Bible (BSI)

¹⁶ Ka jingstad ka pynjlan ïa ka rta jong phi kumjuh ruh ka pynïoh ïa ka spah bad ka burom.

KA BAIBL

¹⁶ Ka jingslem ki sngi ka don ha ka kti kamon jong ka; ha ka kti kadiang jong ka ki don ki spah bad ka burom.

PROBERB 3:16 ပူးပေါင်းရင်းမြစ်များ

1 SYIEM 3:13

Ngan ai ruh ha me ïa kaei kaba mem shym la pan: baroh shi rta ka jingim jong me, men don ka spah bad ka burom, kham bun ban ïa kata ka jong uno uno uwei pat u syiem.

Ka Kitab U Job 39:12

Hato me khmih lynti ïa u ba un wanrah ïa ka jingot jong me, bad ban lum ïa u kew na ka jaka shoh kew jong me?

SALM 112:3

Ka longïing jong u kan long kaba don ba em bad kaba riewspah; bad un roi kyrhai junom.

SALM 21:4

U pan ïa ka jingim bad me ai ïa ka, ka jingim kaba jlan bad kaba neh.

SALM 71:9

Wat kyntait ïa nga mynta ba nga la tymmen; wat iehnoh ïa nga mynta ba nga la tlot.

PROBERB 22:4

To kohnguh ïa U Trai, da kaba pynrit, bad phin ïoh ïa ka spah, ka burom, bad ka jingim kaba jlan.

PROBERB 3:2

Ka jinghikai jong nga kan ai ïa phi ka jingim kaba jlan bad kaba manbha.

PROBERB 9:11

Ka jingstad kan nang pynjrong ïa ki snem ka jingim jong phi.

MARKOS 10:30

Un ïohpdiang shispah shah shuh shuh ki ïing, ki hynmen ki para shynrang ne kynthei, ki kmie, ki khun bad ki lyngkha — bad ki jingshah pynshitom beiñ ruh kumjuh; bad ha ka pateng ka ban sa wan un ïoh ka jingim bymjukut.

2 KORINTH 6:10

Wat haba la pynshitom, ym shym la pynïap; wat haba la pynsngewsih, ngi long borabor kiba kmen; ngi paw kum kiba duk, hynrei ngi pynriewspah ïa ki briew kiba bun; ngi paw kum ki bym don ei ei, pynban ngi don lut ïa kiei kiei baroh.

1 TIMOTHI 4:8

Ka jingpynmlien ïa ka met ka ai katto katne ka jingbha, hynrei ka jingpynmlien ba kynja mynsiem ka pynmyntoi ha ki liang baroh, namar ka kular ïa ka jingim ha ka mynta bad ha ka lawei.