PROBERB 29:4 - Khasi CL Bible (BSI)

⁴ Haba u syiem u pyrkhat khia ïa ka jingbishar hok, ka ri kan long kaba khlaiñ, hynrei haba u pyrkhat khia tang ïa ka pisa, un pynjot ïa ka ri jong u.

KA BAIBL

⁴ U syiem da ka jingbishar u pynskhem ïa ka ri: hynrei, uta uba shim ïa ki jingai u pynkyllon ïa ka.

PROBERB 29:4 ပူးပေါင်းရင်းမြစ်များ

2 SAMUEL 8:15

U Dabid u la synshar halor ka ri Israel baroh, bad u da pynthikna ba ki briew jong u kin ïohmad ïa ka jinglehhok bad ka jingbymshah shiliang.

1 SYIEM 2:12

U Solomon u la kiew khet kum u syiem hadien u Dabid, u kpa jong u, bad ïa ka bor ba kynja syiem jong u la pynskhem bha.

2 KHRONIKL 9:8

Ïaroh ïa U Trai U Blei jong phi! U la pynpaw kaba katno u sngewbha ïa phi da kaba pynlong ïa phi u syiem u ban synshar ha ka kyrteng jong u. Namar ba u ieit ïa ki briew jong u, ki Israel, bad u kwah ban pynneh ïa ki junom, u la pynlong ïa phi u syiem jong ki khnang ban pynneh ïa ka hukum bad ka jingbishar hok.”

Ka Kitab U Job 11:6

Un ïathuh ïa me ba don ki jingmaïan ka jingstad; ki don kiei kiei kiba palat ïa ka jingshemphang u bynriew. U Blei u pynshitom kham duna ïa me ban ïa kaba me dei hok.

SALM 89:14

Ïa ka hima jong me la seng nongrim ha ka hok bad ka jingbishar hok; ka jingieit bad ka jingïaineh ki paw ha ki kam jong me baroh.

SALM 99:4

Ko Syiem bakhlaiñbor, me ieit ïa kaei kaba dei; me la pynskhem ïa ka jingbishar hok ha Israel; me la wanrah ïa ka hok bad ka jinglehhok.

PROBERB 14:34

Ka hok ka kyntiew ïa ka jaitbynriew; ka pop ka long ka jingjahburom jong kano kano ka jaitbynriew.

PROBERB 16:10

U syiem u kren da ka iktiar blei; ki rai jong u borabor ki long kiba dei.

PROBERB 16:12

Ki syiem kim lah shah ïa ka jingsniew, namar ka jingbishar hok ka dei kaba pynlong ïa ka jingsynshar kaba khlaiñ.

PROBERB 20:8

U syiem u shong ban bishar bad u tip ïa kaba sniew haba u ïohi ïa ka.

PROBERB 29:14

Lada u syiem u ïada ïa ki hok jong kiba duk, un synshar slem.

PROBERB 8:15

Nga ïarap ïa ki syiem ban synshar, bad ki nongsynshar ban thaw ki aiñ kiba bha.

ISAÏAH 49:8

U Trai u ong ha la ki briew, “Haba ka por ban pyllait im ïa phi ka la poi, ngan pynpaw ïa ka jingsngewbha jong nga ïa phi bad ban sngap ïa ki jingkhot kyrpad jingïarap. Ngan ri bad ïada ïa phi bad lyngba jong phi ngan pynlong ka jutang bad ki briew baroh. Ngan shah ba phi shongduh sa shisien ha la ka ri kaba mynta ka la shu sah shrah.

ISAÏAH 9:7

Ka bor ba kynja syiem jong u kan nang san; ka hima jong u kan ïailong borabor ha ka jingsuk. Un synshar kum u nongmih bujli ïa u Syiem Dabid, da kaba pynshong nongrim ïa ka bor jong u ha ka hok bad ka jingbishar hok, naduh mynta haduh kaba kut ka por. U Trai Badonbor Baroh u la kut jingmut ban leh ïa kane baroh.

DANIEL 11:20

“Yn bud ïa u da uwei pat u syiem, u ban phah ïa u rangbah pynïaidkam ban banbeiñ ïa ki briew da ki khajna na ka bynta ban pynroi ïa ka spah jong ka hima jong u. Tang khyndiat por ïa uta u syiem yn pynïap, hynrei ym ha kaba paw bad ym ha ka thma.”

MIKAH 7:3

Ki long kiba tbit baroh ha kaba leh ïa kaba sniew. Ki rangbah synshar bad ki nongbishar ki bamsap. U briew uba lah u ong ha ki ïa kaei kaba u kwah, bad kumta ki ïasylla lang.

1 SAMUEL 13:13

“Kata ka la dei ka jingleh bieit,” u Samuel u jubab. “Phim shym la kohnguh ïa ka hukum kaba U Trai U Blei jong phi u la ai ha phi. Lada phi la kohnguh, un jin da la shah ïa phi bad ïa ki khun ki ksiew jong phi ban synshar ïa ki Israel junom.