PROBERB 29:26 - Khasi CL Bible (BSI)

²⁶ Uwei pa uwei u kwah ïa ka jingsngewtynnat na u nongsynshar; hynrei tang na U Trai phi lah ban ïoh ïa ka jingbishar hok.

KA BAIBL

²⁶ Shibun kiba wad ïa ka jingsngewbha u nongsynshar: hynrei, ka jingbishar u briew ka wan na U Trai.

PROBERB 29:26 ပူးပေါင်းရင်းမြစ်များ

JENESIS 43:14

To U Blei Badonbor Baroh un pynlong ïa uta u briew ba un isynei ïa phi, khnang ba un pynphai sha phi ïa u hynmen u para jong phi, bad ïa u Benjamin de. Ïa nga shimet te, lada nga dei ban duh ïa la ki khun, ieh ngan mat duh ïa ki.”

2 SAMUEL 14:1

U Joab u tip ba u Syiem Dabid u kynmaw ieit haduh katta katta ïa u Absalom,

NEHEMAÏAH 1:11

To shahshkor mynta ïa ka jingduwai jong nga bad ïa ki jingduwai jong baroh kiwei pat ki shakri jong me kiba kwah ban ai ïa me ka burom. Ai ïa ka jingjop mynta ka sngi bad pynlong ba u patsha un leh-isynei ïa nga.” Ha kita ki sngi nga la long u nongrah waiñ jong u patsha.

ESTHER 4:16

“To khie leit bad ïalumlang ïa baroh ki Jiw ha Susa; pynlong ka jingshah jingit bad duwai na ka bynta jong nga. Wat bam lane dih ei ei na ka bynta lai sngi bad lai miet. Ki shakri kynthei jong nga bad ma nga, ngin leh kumjuh. Hadien kata, ngan leit sha u syiem, wat la ka long pyrshah ïa ka aiñ. Lada ka dei ïa nga ban ïap na ka bynta kata, ai ngan ïap.”

SALM 20:9

To ai ka jingjop ïa u syiem, ko Trai; to jubab ïa ngi haba ngi khot kyrpad.

SALM 62:12

bad ba ka jingieit jong u ka long kaba neh. Ma me hi, A Trai, me ainong ha uwei pa uwei kat kum ki jingleh jong u.

PROBERB 16:14

U briew uba stad un pyrshang ban ïai pynkmen ïa u syiem; lada u syiem u bitar, don uba lah ban ïap.

PROBERB 16:15

Ka jingshem sngewbha u syiem ka long kum ki lyoh kiba wanrah slap ha ka por pyrem — don ka jingim hangta.

PROBERB 16:33

Ki briew ki ïakynting sbai ban tip ïa ka mon U Blei, hynrei U Blei da lade hi u ai ïa ka jubab.

PROBERB 16:7

Haba phi pynsngewbha ïa U Trai, phi lah ban pynkylla paralok ïa ki nongshun jong phi.

PROBERB 19:21

Ki briew ki lah ban thmu shibun kiei kiei, hynrei ïa ka mon U Trai yn hap ban pyndep.

PROBERB 19:6

Baroh ki pyrshang ban shem sngewbha bad ki briew kiba khraw; baroh ki kob ïa ka jingïadei paralok bad kito kiba lah ban pynsngewbha.

PROBERB 21:1

U Trai u pynïaid ïa ka jingmut jong u syiem kham suk kumba u pynïaid ïa ka lynti ka wahduid.

ISAÏAH 49:4

Nga la ong, “Nga la trei, hynrei katno ka long kaba duh jingkyrmen! Nga la pyndonkam ïa la ka jingkhlaiñ, hynrei ym lah ban pyndep ei ei.” Pynban nga lah ban shaniah ha U Trai ban kyrshan na ka bynta jong nga; un ai bainong ïa nga ïa kaei kaba nga leh.

DANIEL 4:35

U la khmih halor ki briew jong ka pyrthei kum bym long ei ei; ki angel ha bneng bad ki briew ha ka pyrthei ki don hapoh ka jingsynshar jong u. Ym don mano mano ba lah ban pyrshah ïa ka mon jong u lane kylli jingkylli ïa kaei kaba u leh.

1 KORINTH 4:4

Ka jingïatiplem jong nga ka shai, hynrei kata kam pynshisha ba nga long da shisha uba lui lui. U Trai u dei uta uba bishar ïa nga.