PROBERB 29:23 - Khasi CL Bible (BSI)

²³ Ka jingsngewmeng kan wanrah ïa ka jinghap jong phi, hynrei lada phi long kiba sngewrit, yn burom ïa phi.

KA BAIBL

²³ Ka jingsarong u briew ka pynpoh ïa u: hynrei uta uba rit ha ka mynsiem un ïoh ka burom.

PROBERB 29:23 ပူးပေါင်းရင်းမြစ်များ

Ka Kitab U Job 22:29

U Blei u pynhiar ïa kiba sarong bad u pyllait im ïa uba sngewrit.

Ka Kitab U Job 40:12

Ho-oid, to khmih ïa ki bad to pynhiar ïa ki; pynlwet ïa ki bymman ha ka jaka kaba ki ïeng.

PROBERB 11:2

Ki briew kiba sarong kin shah pynjahburom. Ka long kaba kham stad ban long kiba sngewrit.

PROBERB 15:33

Ka jingtiengburom ïa U Trai ka long ka jinghikai na ka hi. Phi dei ban long kiba sngewrit ha shuwa ba phin ïoh ïa ki jingkyntiew burom.

PROBERB 16:18

Ka jingsarong ka ïalam sha ka jingjot, bad ka jingsngewmeng sha ka jingkyllon noh.

PROBERB 16:19

Ka kham bha ban long uba sngewrit bad sah duk ban ïa kaba long uba meng bad ïoh bynta na ka jinglute jong ki.

PROBERB 17:19

Ban sngewtynnat ïa ka pop ka long ban sngewtynnat ban thaw jingkulmar. Lada phi kob man ka por, phi pan kwah ïa ka jingjynjar.

PROBERB 18:12

Ym don uno uno uba ïoh burom lymda u long uba sngewrit; ki briew kiba meng ki don ha ka lynti sha ka jingjot.

PROBERB 22:4

To kohnguh ïa U Trai, da kaba pynrit, bad phin ïoh ïa ka spah, ka burom, bad ka jingim kaba jlan.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

OBADAÏAH 1:3

Ka jingsarong jong pha ka la shukor ïa pha. Ka nongbah jong pha ka long ka kut mawsiang baskhem; ka ïing jong pha ka don ha kliar ki lumbah, bad kumta phi ong ha lade, ‘Uei uba lah ban pynhiar ïa nga sha tbian?’

MATHAÏOS 18:4

Uba khraw tam hapoh ka Hima ki bneng u long uta uba pynrit ïa lade bad uba long kum une u khynnah.

MATHAÏOS 23:12

Ïa uno uno uba pynkhraw ïa lade yn pynrit, bad ïa uno uno uba pynrit ïa lade yn pynkhraw.”

MATHAÏOS 5:3

“Suk kito kiba tip ba ki long kiba duk ha kaba kynja mynsiem; ka Hima ki bneng ka long ka jong ki!

LOUKAS 14:11

Naba ïa uno uno uba pynkhraw ïa lade, yn pynrit; bad ïa uno uno uba pynrit ïa lade, yn pynkhraw.”

LOUKAS 18:14

Nga ong ha phi,” U Jisu u la ong, “u nonglum khajna, bad ym u Pharisi, uba don ha ka liang kaba dei bad U Blei haba u leit noh sha ïing. Naba ïa uno uno uba pynkhraw ïa lade yn pynrit, bad ïa uno uno uba pynrit yn pynkhraw.”

KI KAM 12:23

Mar kumta hi u angel jong U Trai u la tied ïa u Herod, namar ba um shym ai burom ïa U Blei. La bam ïa u da ki ksaiñ, bad u la ïap.

DEUTERONOMI 8:16

Ha kata ka ri shyiap u la ai ha phi ïa ka manna ban bam, ka jingbam kaba ki kpa tymmen jong phi kim ju ïoh mynno mynno. U la pyndem bad tynjuh ïa phi, khnang ba ha kaba kut un pynmanbha ïa phi da kiei kiei kiba bha.

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”