PROBERB 29:22 - Khasi CL Bible (BSI)

²² Ki briew kiba kloi ban bitar ki pynlong shibun ki jingïakajia bad ki jingkulmar.

KA BAIBL

²² U briew uba bitar u pynkynroi ïa ka jingïaleh, bad u briew uba shla u kynrei ka jingpalat.

PROBERB 29:22 ပူးပေါင်းရင်းမြစ်များ

JENESIS 49:7

Long ba la tim ïa ka jingbitar jong ki, Naba ka long kaba ishyrkhei; Bad long ba la tim ïa ka jingbitar shla jong ki, Naba ka long kaba shyrkhei katta katta. Kylleng ka ri Israel ngan pynsakma ïa ki, Bad hapdeng ki briew jong ka ngan pynsakma ïa ki.

PROBERB 10:12

Ka jingshun ka pynmih ïa ki jingïakajia, hynrei ka jingieit ka klet noh ïa ki kam palat baroh.

PROBERB 14:17

Ki briew kiba shit khlieh ki leh ïa ki kam bieit; ki briew kiba stad ki long jai jai.

PROBERB 15:18

Kaba shit khlieh ka thaw ki jingïania, hynrei ka jingïaishah ka wallam ïa ka jingsuk.

PROBERB 17:19

Ban sngewtynnat ïa ka pop ka long ban sngewtynnat ban thaw jingkulmar. Lada phi kob man ka por, phi pan kwah ïa ka jingjynjar.

PROBERB 22:24

Wat ïalong paralok bad ki briew kiba domriang, kiba khong khong.

PROBERB 26:21

U rnga u pynrhem ïa ka ding, ka diengïap ka pynmeh ïa ka, u nongthaw jingkulmar u pynshit ïa ki jingïamai.

PROBERB 27:17

Ki briew ki ïoh jinghikai uwei na uwei pat, kumba u nar u pynnep ïa u nar.

PROBERB 29:21

Lada phi ai ïa la u shakri ïa baroh kat kaba u kwah naduh ba u dang khynnah ter ter, ha kawei ka sngi un sa shimti ïa baroh kaba phi don.

PROBERB 30:33

Lada phi king kynruh ïa ka dud, ka pynmih makhon. Lada phi tied ïa ka khmut jongno jongno, ka pynmih snam. Lada phi pynkhih ïa ka jingbitar, phi ngat ha ka jingjynjar.

JAKOB 3:16

Ha kaba ka don ka jingpihuiñ bad ka jingkhwan myntoi, hangta ka don ruh ka jingbymïaid ryntih bad ki jait jingsniew baroh.