PROBERB 29:16 - Khasi CL Bible (BSI)

¹⁶ Haba ki briew basniew ki don ha ka bor synshar, ka kam sniew ka nang roi. Hynrei kiba hok kin im ban ïohi ïa ka jingkyllon jong kiba kum kita ki briew.

KA BAIBL

¹⁶ Haba ïa ki bymman la nang pynbun, ka jingpalat ka nang roi: hynrei, ki bahok kin ïoh khmih ïa ka jingkyllon jong ki.

PROBERB 29:16 ပူးပေါင်းရင်းမြစ်များ

SALM 112:8

Um khuslai lane sheptieng; u thikna ban ïohi ba ki nongshun jong u ki shahjop.

SALM 37:34

Buh ïa ka jingkyrmen jong phi ha U Trai, bad kohnguh ïa ki hukum jong u, un pyndonburom ïa phi da kaba ai kynti ha phi ïa ka ri, bad phin ïohi ïa u bymman ba la beh noh.

SALM 37:36

Hynrei hadien nga ïaid lynti nangta, um don shuh; nga wad ïa u, hynrei ngam shem shuh.

SALM 58:10

Kiba hok kin shadkmen haba ki ïohi ba pynshitom ïa ki nongpop; kin ïaid lyngba ka snam jong ki bymman.

SALM 91:8

Men shu peit bad men ïohi kumno ki bymman ki shah pynshitom.

SALM 92:11

Nga la ïohi ïa ka jingshahjop ki nongshun jong nga bad nga la ïohsngew ïa ka jinglynñiar ki bymman.

SALM 92:9

Ngi tip ba ki nongshun jong me kin ïap, bad ki bymman baroh kin shahjop.

PROBERB 21:12

U Blei, uta uba hok, u tip ïa kaei kaba jia ha ki longïing ki riewbymman, bad un wallam ïa ki bymman sha ka jingjot jingpra.

PROBERB 29:2

To pyn-i ha nga ïa u nongsynshar uba hok bad ngan pyn-i ha phi ïa ki briew kiba suk. To pyn-i ha nga ïa u nongsynshar basniew bad ngan pyn-i ha phi ïa ki briew kiba shah lanot.

JINGPYNPAW 15:4

Uei u ban ym ïeng ha ka jingtiengburom ïa me, A Trai? Uei u ban kyntait ban pynbna ïa ka jingkhraw jong me? Tang ma me hi uba khuid. Baroh ki jaitbynriew kin wan bad mane ïa me, namar ïa ki jingleh bahok jong me la ïohi da baroh.”

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!