PROBERB 29:1 - Khasi CL Bible (BSI)

¹ Lada phi ïai mutlop man la ka por ba phi shah pynbeit, ha kawei ka sngi phin sa shah pynlwet bad phin ym lah khie shuh.

KA BAIBL

¹ Uta haba la sneng ïa u bunsien u pyneh ïa la ka ryndang yn pynlwet kyndit ïa u, bad kata bymdon jingshna shuh.

PROBERB 29:1 ပူးပေါင်းရင်းမြစ်များ

1 SYIEM 17:1

U nongïathuhlypa uba kyrteng u Elijah, uba na Tishbe kaba ha Gilead, u la ong ha u Syiem Ahab, “Ha ka kyrteng U Trai, U Blei uba im jong ki Israel, ïa uba nga shakri, nga ong ha phi ba ha ki ar ne lai snem kiba bud yn ym don ka umjer lane u slap tad haduh ba ngan ong kumta.”

1 SYIEM 18:18

“Ngam dei u nongthaw jingkulmar,” u Elijah u la jubab. “Dei ma phi — ma phi bad u kpa jong phi. Phim shym la kohnguh ïa ki hukum U Trai bad phi mane ïa ki bleithaw u Baal.

1 SYIEM 20:42

Nangta u nongïathuhlypa u ong ha u syiem, “Kane ka dei ka ktien U Trai: ‘Namar ba me la shah ïa u briew ban lait phet ïa uba nga la hukum ban pynïap, men hap ban siew da la ka jingim, bad ïa ka kynhun shipai jong me yn pynjot namar ba la pyllait ïa ka kynhun shipai jong u ban lait phet.’ ”

1 SYIEM 22:28

“Lada me wan phai da kaba suk,” u Mikaïah u pyrta, “te U Trai um shym la kren keiñ da nga!” bad u la bynrap, “Shahshkor, uwei pa uwei ïa kaei kaba nga la kren!”

2 KHRONIKL 25:16

“Naduh mynno,” u Amasaïah u kynrup ktien, “ba ngi la pynlong ïa me u nongai jingmut ïa u syiem? Sangeh ban kren, ïoh ngan pynïap ïa me!” U nongïathuhlypa u la sngap, hynrei ym shuwa ba un ong, “Mynta nga tip ba U Blei u la thmu ban pynjot ïa me namar ba me la leh ïa kane baroh bad ba mem shym sngap ïa ka jingai jingmut jong nga.”

2 KHRONIKL 33:10

Wat la U Trai u la maham ïa u Manasseh bad ïa ki briew jong u, ki kyntait ban shahshkor.

2 KHRONIKL 36:13

U Sedekaïah u ïaleh pyrshah ïa u Syiem Nebukhadnessar, uba pynbor ïa u bad smai ha ka kyrteng U Blei ba un ïaineh ha u. Da kaba leh mutlop u kyntait ban kylla-kaba-mut bad ban phai pat sha U Trai, U Blei ki Israel.

NEHEMAÏAH 9:29

Me maham ïa ki ban kohnguh ïa ki jinghikai jong me, hynrei ha ka jingsarong ki kyntait ïa ki hukum jong me, wat la kaba sumar ïa ka Hukum ka long ka lynti sha ka jingim. Kiba mutlop bad kiba ehrang, ki kyntait ban kohnguh.

Ka Kitab U Job 9:4

U Blei u long uba stad bad uba donbor katta katta; ym don u briew uba lah ban ïeng pyrshah ïa u.

EKSODOS 9:7

U Pharaoh u phah kylli ïa kaei kaba la jia bad la ïathuh ba na ki jingri jong ki Israel ym don satia kaba ïap. Hynrei u dang mutlop hi bad um shah ïa u paidbah ban leit.

PROBERB 28:14

Kohnguh borabor ïa U Trai bad phin long kiba suk. Lada phi long kiba eh dohnud, phin hap ha ka jingjot.

PROBERB 28:18

Long uba hok bad phin long shngain. Lada phi long bymhok phin kyllon kynsan.

PROBERB 28:28

Ki briew kin buhrieh ïa lade haba ki briew kiba sniew ki wan ha ka bor. Hynrei ynda ki hap na ka bor, kiba hok kin synshar biang.

PROBERB 6:15

Namar kane, ka jingjynjar kan ngat kyndit ha ki khlem jingmaham, bad kin mynsaw jur khlem khie khlieh shuh.

ISAÏAH 28:22

Wat rkhiebeiñ ïa ka jingmaham ba nga ai ïa phi! Lada phi leh kumta, kan long kaba kham eh ïa phi ban lait im. Nga la ïohsngew ïa ka jingrai jong U Trai Badonbor Baroh ban pynjot ïa ka ri baroh kawei.

ISAÏAH 48:4

Nga la tip ba phin pynshisha ba phi long kiba mutlop, kiba pyneh kum ka nar bad ka rnong bym lah ban pynkdor.

JEREMAÏAH 14:19

A Trai, hato me la kyntait ïa ka Judah nadong shadong? Hato me isih ïa ki briew jong ka Seïon? Balei ba me la pynmong jur ïa ngi ba ngim lah ban koit? Ngi la wad ïa ka jingsuk, hynrei ym don kano kano jingbha kaba la jia, ngi la kyrmen ïa ka jingpynkhiah, hynrei ka wan pynban ka jingshyrkhei.

JEREMAÏAH 17:23

Ki kpa tymmen jong ki kim shym la shahshkor ïa nga lane pynleit jingmut ei ei. Pynban ki la kylla long kiba mutlop; kin ym kohnguh ïa nga lane ïoh jinghikai na nga.

JEREMAÏAH 36:31

Ngan pynshitom ïa me, ïa ki khun ki ksiew jong me, bad ïa ki rangbah synshar jong me namar ki pop kiba ma phi baroh phi la leh. Ma me lymne ki briew ka Jerusalem bad Judah ki la sngap ïa ki jingmaham jong nga, bad kumta ngan wallam halor baroh ïa ka jingpynjot ïa kaba nga la dep kren pyrshah.”

HABAKKUK 2:7

Hynrei ha shuwa ba phin tip ïa ka, phi kiba la jop ïa kiwei phin don ha ka ram ïa lade bad shah pynbor ban siew ïa ka sut. Ki nongshun kin wan bad pynkyiuh ïa phi. Kin thombor ïa phi!

ÏOANNIS 13:18

“Ngam shym kren shaphang jong phi baroh; nga tip ïa kito kiba nga la jied. Hynrei ka Jingthoh Bakhuid ka dei ban urlong shisha, kaba ong, ‘U briew uba la ïabam lang ïa ka jingbam jong nga u phai pyrshah ïa nga.’

ÏOANNIS 13:26

U Jisu u la jubab, “Ngan wieh katto katne u kpu ha ka sos bad ngan ai ha u, uta ha uba nga ai; u dei uta u briew.” Kumta u la shim shi lyngkhot u kpu, u la wieh ha ka, bad u la ai ha u Judas, u khun jong u Simon Iskariot.

KI KAM 1:18

(Da ka pisa kaba u Judas u la ïoh na ka bynta ka kam sniew jong u, u la thied ïa ka lyngkha, ha kaba u la noh ïap ïa lade; u la pait bad ki snier jong u baroh ki la mih shabar.

KI KAM 1:25

ban shakri kum u apostol ha ka jaka jong u Judas, uba la iehnoh ban leit sha ka jaka kaba u dei ban leit.”

1 THESSALONI 5:3

Haba ki briew ki ong, “Kaei kaei baroh ka jar jar bad ka shngain,” te kynsan ka jingpynjot kan lynshop ïa ki! Kan wan kyndit kum ki jingpang kiba wan ha ka briew kaba suh kha, bad ki briew kin ym lait phet.

1 SAMUEL 2:25

Lada u briew u leh pop pyrshah ïa la u parabriew, U Blei u lah ban ïasaid na ka bynta jong u; hynrei mano ba lah ban ïasaid na ka bynta u briew uba leh pop pyrshah ïa U Trai?” Hynrei kim shym sngap ïa la u kpa, naba U Trai u la thmu ban pynïap ïa ki.

1 SAMUEL 2:34

Haba ki ar ngut ki khun shynrang jong me, u Hophni bad u Phinehas kin ïap ha kajuh ka sngi, kane kan pyn-i ïa me ba baroh kaba nga la kren kan urlong.