PROBERB 28:8 - Khasi CL Bible (BSI)

⁸ Lada phi ïoh spah da kaba kheiñ sut bad shim kabu ïa ki briew, ka spah jong phi kan leit sha uwei pat uba lehsbun ïa kiba duk.

KA BAIBL

⁸ Uta uba pynkhraw ïa la ka spah da kaba shim sut than bad ka jingpynroi, u lum ïa ka ha uta uba leh isynei ïa ki baduk.

PROBERB 28:8 ပူးပေါင်းရင်းမြစ်များ

2 SAMUEL 12:6

Namar ka jingleh ïa kaba kum kane ka jingleh barunar, u dei ban buria saw shah ïa kaba u la shim.”

SALM 72:13

U don jingisynei ïa kiba tlot bad kiba duk; u pynim ïa ka jingim jong kito kiba kyrduh.

EKSODOS 22:25

“Haba phi ai pisa kylliang ha uba duk na ki briew jong nga, wat leh kum u nongai ram ban dawa bai sut na u.

PROBERB 13:22

Ki briew kiba bha kin don ka spah ban ieh pateng ha ki ksiew jong ki, hynrei ka spah jong ki nongpop kan leit sha kiba hok.

PROBERB 14:21

Lada phi kwah ban long kiba kmen, to lehsbun ïa kiba duk; ka long ka pop ban ñiewbeiñ ïano ïano.

PROBERB 14:31

Lada phi banbeiñ ïa ki briew kiba duk, phi ñiewbeiñ ïa U Blei uba la thaw ïa ki; hynrei ka jingpyn-i ïa ka jinglehsbun ïa kiba duk ka long ka kam jong ka jingmane.

PROBERB 19:7

Wat ki hynmen ki para jong u briew uba duk kim long jingmyntoi ïa u; kam pher ba um don paralok. Kam pher katno u pyrshang tyngeh, um lah ban ïoh paralok.

EKLESIASTIS 2:26

U Blei u ai ka jingstad, ka jingtip bad ka jingkmen ha kito kiba pynsngewbha ïa u, hynrei u pynlong ïa ki nongpop ban trei, ban kamai bad ban kynshew, ba kumta kaei kaba ki ïoh lah ban ai ha kito kiba pynsngewbha ïa u. Baroh ka long ka bymmyntoi. Ka long kum ka jingbeh ïa ka lyer.

ESEKIEL 18:13

bad u ai kylliang pisa na ka bynta ban ïohnong. Hato un im? Em, un ym im. U la leh ïa kine kiei kiei baroh kiba ijli, bad kumta un ïap. Un long uba la shah kynnoh na ka bynta ka jingïap jong u hi.

ESEKIEL 18:17

U kyntait ban leh ïa kaba sniew bad um ju ai pisa kylliang ban ïohnong. U sumar ïa ki aiñ jong nga bad kohnguh ïa ki hukum jong nga. Un ym ïap na ka bynta ki pop jong u kpa jong u, hynrei un im da shisha.

ESEKIEL 18:8

Um ju ai pisa kylliang na ka bynta ban ïohnong. U kyntait ban leh ïa kaba sniew bad u ai ka jingrai kaba beit ha kano kano ka jingïakajia.

LEBITIKOS 25:36

Wat shim sut ei ei na u, hynrei kohnguh ïa U Blei, bad shah ïa uta u para Israel jong phi ban shong marjan bad phi.