PROBERB 28:5 - Khasi CL Bible (BSI)

⁵ Ki briew kiba sniew kim sngewthuh kaei ka jinglehhok, hynrei kito kiba mane ïa U Trai ki sngewthuh bha ïa ka.

KA BAIBL

⁵ Ki briew ki basniew kim sngewthuh ïa ka jingbishar: hynrei, kita kiba wad ïa U Trai ki sngewthuh ïa kiei kiei baroh.

PROBERB 28:5 ပူးပေါင်းရင်းမြစ်များ

SALM 119:100

Nga don ka jingstad kaba kham khraw ban ïa ki riewtymmen, namar nga kohnguh ïa ki hukum jong me.

SALM 119:98

Ka hukum jong me ka don bad nga ha ka por baroh bad ka pynlong ïa nga uba kham stad ban ïa ki nongshun jong nga.

SALM 25:14

U Trai u long u paralok jong kito kiba kohnguh ïa u bad u pynskhem ïa la ka jutang bad ki.

SALM 92:6

Kane ka dei kaei kaei kaba uba bieit um lah ban tip; u briew uba mutlop um lah ban sngewthuh:

PROBERB 15:24

Ki briew kiba stad ki ïaid ha ka lynti kaba ïalam artet sha ka jingim, ym ïa ka lynti kaba ïalam arsut sha ka jingïap.

PROBERB 2:9

Lada phi shahshkor ïa nga, phin sa tip kaei kaba dei, kaba hok, bad kaba ïaid beit. Phin sa tip ïa kaei kaba phi dei ban leh.

PROBERB 24:7

Ki jingkren kiba stad ki long kiba jylliew katta katta ïa u briew uba bieit ban sngewthuh. Um don ei ei ban kren haba ïa ki kam badonkam la ïatainia.

ISAÏAH 1:3

Ki jingri ki tip mano ba long trai ïa ki, bad ki kada ki tip hangno u kynrad jong ki u bsa ïa ki. Hynrei kata ka kham bun ban ïa kaba ki briew jong nga ki Israel ki tip. Kim shemphang ei ei.”

ISAÏAH 44:18

Kum kita ki briew ki long kiba bieit eh ban tip ïa kaei kaba ki leh. Ki khapbrip ïa la ki khmat bad ïa la ki jingmut na ka jingshisha.

ISAÏAH 6:9

Kumta u ong ïa nga ban leit bad ai ha ki briew ïa kane ka khubor: “Kam pher haduh katno phi shahshkor, phin ym sngewthuh. Kam pher haduh katno phi khmih, phin ym tip kaei kaba jia.”

JEREMAÏAH 4:22

U Trai u ong, “Ki briew jong nga ki long kiba mutlop; kim ithuh ïa nga. Ki long kiba bieit kum ki khynnah; kim don kano kano ka jingshemphang. Ki long kiba tbit ha kaba leh ïa kaba sniew, hynrei ki bym lah ban leh ïa kaba bha.”

AMOS 3:10

U Trai u ong, “Kine ki briew ki pyndap ïa la ki ïing paki dulan da kiei kiei kiba la shim da ki kam runar bad ki kam lehbor. Kim tip satia wat kumno ban lehhok.

ÏOANNIS 7:17

Uno uno uba mon ban leh ïa kaei kaba U Blei u kwah, un tip la kaei kaba nga hikai ka wan na U Blei ne la nga kren ha ka bor jong nga hi.

JAKOB 1:5

Hynrei lada uno uno na phi u duna ïa ka jingstad, u dei ban duwai ha U Blei, u ban ai ïa ka ha u; namar U Blei u ai kylluid bad ai ei ïa baroh.

1 ÏOANNIS 2:20

Hynrei ma phi, phi la lah don ïa U Mynsiem Bakhuid ba la theh ha phi da U Khrist, bad kumta phi baroh phi tip ïa ka jingshisha.

1 ÏOANNIS 2:27

Hynrei na ka bynta jong phi, U Khrist u la theh noh ïa la U Mynsiem ha phi. Katba U Mynsiem jong u, u dang ïaisah ha phi, phim donkam ïano ïano ban hikai ïa phi. Naba U Mynsiem jong u, un hikai ïa phi shaphang kiei kiei baroh, bad kaei kaba u hikai ka long kaba shisha, ym kaba lamler. Namarkata, to kohnguh ïa ki jinghikai U Mynsiem bad ïaisah ha U Khrist.