PROBERB 28:4 - Khasi CL Bible (BSI)

⁴ Kito kiba lyndet ïa ka hukum ki ïaroh ïa ki bymman; hynrei kito kiba bat ïa ka ki ïaleh pyrshah ïa ki.

KA BAIBL

⁴ Kita kiba iehnoh noh ïa ka hukum ki ïaroh ïa ki bymman: hynrei, kat kiba sumar ïa ka hukum, ki ïaleh ïa ki.

PROBERB 28:4 ပူးပေါင်းရင်းမြစ်များ

1 SYIEM 18:18

“Ngam dei u nongthaw jingkulmar,” u Elijah u la jubab. “Dei ma phi — ma phi bad u kpa jong phi. Phim shym la kohnguh ïa ki hukum U Trai bad phi mane ïa ki bleithaw u Baal.

1 SYIEM 18:21

U Elijah u leit sha u paidbah bad ong, “Sa katno slem ba phin pynbeit ïa ki jingmut jong phi? Lada U Trai u dei U Blei, mane ïa u; hynrei lada u Baal u dei U Blei, mane ïa u!” Hynrei u paidbah u la shu sngap jar.

NEHEMAÏAH 13:15

Ha kata ka por, nga ïohi ba ki briew ha Judah ki khñiot umsoh na ki sohwaiñ ha ka sngi Sabbaton. Kiwei pat ki dang kyntiew halor ki kada jong ki ïa u kew, ka waiñ, sohwaiñ, soh Khajur, bad kiwei kiei kiei bad leit rah ïa ki sha Jerusalem; nga la maham ïa ki ban ym die ei ei ha ka sngi Sabbaton.

NEHEMAÏAH 13:28

U Joïada u dei u khun jong u Eliashib u Rangbah Lyngdoh, hynrei uwei na ki khun jong u Joïada u la shongkurim ïa ka khun jong u Sanballat na ka shnong Beth Horon, kumta nga la pynlong ba u Joïada un mihnoh na Jerusalem.

SALM 10:3

U riewbymman u sngewsarong ha la ki jong ki jingkwah basniew; u riewlalot u tim bad kyntait ïa U Trai.

SALM 49:18

Wat lada u briew u sngewhun bad kane ka jingim bad ba la ïaroh ïa u ba u long uba jop,

JEREMAÏAH 5:30

Kaba sngewshyrkhei bad kaba sngewkyndit ka la jia ha kane ka ri:

MATHAÏOS 14:4

Naba katto katne por u Ïoannis u Nongpynbaptis u la ong ïa u Herod, “Ka long ka bym dei ïa me ban shongkurim ïa ka Herodias!”

MATHAÏOS 3:15

Hynrei U Jisu u la jubab ïa u, “Ai ba kan long kumta ïa mynta. Naba kumne keiñ ngin pyndep ïa kata baroh kaba U Blei u dawa.” Kumta u Ïoannis u la mynjur.

MATHAÏOS 3:7

Haba u Ïoannis u la ïohi ïa shibun ki Pharisi bad ki Saddusi kiba la wan sha u ban shah pynbaptis, u la ong ha ki, “Phi ki bseiñ — uei uba la ïathuh ha phi ba phi lah ban lait na ka jingpynshitom kaba U Blei un sa phah?

KI KAM 12:22

“Ym dei u briew uba kren, hynrei u blei!” ki la pyrta.

KI KAM 15:2

U Paul bad u Barnabas ki la poi sha ka jingïasaid nia kaba jur bad ki shaphang kane, kumta la ïakut ba u Paul bad u Barnabas bad katto katne ngut kiwei pat ha Antiokh ki dei ban leit sha Jerusalem bad ïakynduh ïa ki apostol bad ki nongsharai balang shaphang kane ka kam.

KI KAM 19:9

Hynrei katto katne ngut na ki, ki long kiba mynthi bad kim ngeit, bad ha khmat ka kynhun baroh kawei ki la kren ïa kiei kiei kiba sniew shaphang ka Lynti jong U Trai. Kumta u Paul u la iehnoh ïa ki bad u la ïalam bad u ïa kiba ngeit bad man la ka sngi u la pynlong ki jingïaphylliew jingmut ha ka kamra hikai u Tyrannus.

Ka Shithi U Paul Sha Ki Nong Rom 1:32

Ki tip ba ka Hukum U Blei ka ong ba ki briew kiba im ha kane ka rukom ki dei hok ban ïap. Pynban, ym tang ba ki ïai leh ïa kine hi kiei kiei, hynrei ki mynjur wat ïa kiwei kiba leh ïa ki.

EPHESOS 5:11

Phim dei ban ïadon bynta ei ei bad ki kam bym don jingmyntoi kiba ki briew ki leh, kiba long ki kam ka jingdum. Pynban wallam ïa ki sha ka jingshai.

1 THESSALONI 2:2

Phi tip kumno ba ngi la shah lehbeiñ bad shah krenbeiñ ha Philippi shuwa ba ngin wan sha phi ha Thessaloni. Bad wat la ka la don ka jingpyrshah kaba jur, U Blei jong ngi u la ai ha ngi ka jingshlur ban ïathuh ha phi ïa ka Khubor Babha kaba wan na u.

1 ÏOANNIS 4:5

Kito ki nongïathuhlypa balamler, ki kren shaphang kiei kiei ki jong ka pyrthei, bad ka pyrthei ka shahshkor ïa ki, namar ki long ki jong ka pyrthei.

JUDAH 1:3

Ko ki paralok ba-ieit jong nga, nga la leh ïa kaba bha tam ban thoh sha phi shaphang ka jingpynim kaba ngi ïoh lang, haba nga la shem ïa ka jingdonkam ban thoh shisyndon ban pynshlur ïa phi, ban ïaleh na ka bynta ka jingngeit kaba U Blei u la ai shisien ai ha ki briew jong u.