PROBERB 28:25 - Khasi CL Bible (BSI)

²⁵ Ka jingkhapnap ka pynmih tang ka jingjynjar. Phi long kham bha ban shaniah ha U Trai.

KA BAIBL

²⁵ Uta uba don ka mynsiem bakhwan u pynkynroi ïa ka jingïaleh: hynrei, uba shaniah ha U Trai ïa uta yn pynsngaid.

PROBERB 28:25 ပူးပေါင်းရင်းမြစ်များ

SALM 84:12

A Trai Badonbor Baroh, katno suk kito kiba shaniah ha me!

PROBERB 10:12

Ka jingshun ka pynmih ïa ki jingïakajia, hynrei ka jingieit ka klet noh ïa ki kam palat baroh.

PROBERB 10:3

U Trai um shah ïa ki briew kiba bha ban shahthngan, hynrei u khang ïa ki bymman ban ïoh ïa kaei kaba ki kwah.

PROBERB 11:25

Long kiba sbun, bad phin manbha. Ïarap ïa kiwei, bad yn ïarap ïa phi.

PROBERB 13:10

Kiba leh meng kim leh ei ei hynrei tang ban pynmih jingkulmar. Ka long kaba kham stad ban da pan ïa ka jingai jingmut.

PROBERB 13:4

Kam pher katno u briew uba jaipdeh u thrang ban ïoh ïa kaei kaei, da lei lei un ym ïoh ïa ka. Uba trei shitom un ïoh ïa baroh kiei kiei kiba u kwah.

PROBERB 15:18

Kaba shit khlieh ka thaw ki jingïania, hynrei ka jingïaishah ka wallam ïa ka jingsuk.

PROBERB 15:27

Kaba pyrshang ban ïohnong da ka bymhok, ka pynngat ïa la ka longïing ha ka jingjynjar. Wat bamsap bad phin ïoh im slem.

PROBERB 15:30

Ki khmat kiba phuh samrkhie ki pynlong ïa phi ban kmen, bad ki khubor ki babha ki pynsngewtynnat shuh shuh.

PROBERB 21:24

Pyni ha nga ïa u briew uba sarong bad ngan pyn-i ha phi ïa u briew uba hangamei, uba sarong bad u bym ju kheiñ briew.

PROBERB 22:10

Phet noh na u briew uba shukor, bad nangta yn ym don shuh ki jingïakajia, ka jingïamai lane ka jingsin kyrteng.

PROBERB 29:22

Ki briew kiba kloi ban bitar ki pynlong shibun ki jingïakajia bad ki jingkulmar.

PROBERB 29:25

Ka long kaba ma ban sngewkhia ïa kaei kaba kiwei ki pyrkhat shaphang jong phi, hynrei lada phi shaniah ha U Trai, phi long shngain.

ISAÏAH 58:11

Bad ngan ïalam ïa phi borabor, bad pynkdang ïa phi da kiei kiei kiba bha. Ngan pynlong ïa phi kiba khlaiñ bad khiah krat. Phin long kum ka kper kaba pahuh um, kum ka umpohliew ka bym ju rngad.

1 TIMOTHI 6:6

Shisha, ka niam kam pynriewspah palat ïa u briew, lada u sngewhun bad kaei kaba u don.