PROBERB 28:2 - Khasi CL Bible (BSI)

² Haba ka jaitbynriew ka leh pop, kan ïoh u nongsynshar uwei hadien uwei pat. Hynrei ka jaitbynriew kan long kaba khlaiñ bad kaba ïaineh haba ka don ki nongsynshar kiba stad bad bashemphang.

KA BAIBL

² Namar ki jingpalat ka ri kin long shibun ki nongsynshar jong ka: hynrei, da ki briew ki bashemphang bad kiba tip ïa ka jinglong jong ka, yn pynslem.

PROBERB 28:2 ပူးပေါင်းရင်းမြစ်များ

1 SYIEM 15:25

Ha ka snem kaba ar jong ka jingsynshar u Asa u syiem ka Judah, u Nadab u khun jong u syiem Jeroboam u la long u syiem ka Israel, bad u la synshar ar snem.

1 SYIEM 15:28

Kane ka la jia ha ka snem kaba lai jong ka jingsynshar u Asa u syiem ka Judah. Bad kumta u Baasha u long u syiem ka Israel ha ka jaka u Nadab.

PROBERB 11:11

Ka nongbah ka khraw haba kiba hok ki kyrkhu ïa ka; hynrei ka nongbah ka jot noh da ki ktien jong ki bymman.

EKLESIASTIS 9:15

La don u briew uba duk uba sah hangta, hynrei uba sian katta katta ba u jin da lah ban pyllait im ïa ka shnongrit. Hynrei ym don uwei ruh uba pyrkhat shaphang jong u.

ISAÏAH 58:12

Ki briew jong phi kin tei pat ïa kaei kaba la pra la slem bah, kin tei pat halor ki nongrim ba-mynshuwa. Yn tip ïa phi kum ki briew kiba tei pat ïa ki kynroh, kiba pynbha pat ïa ki ïing ba la pra.”

DANIEL 4:27

Kumta te, ko Syiem Kynrad, to bud ïa ka jingai jingmut jong nga. Sangeh ban leh pop, to leh ïa kaba dei, bad to sngewsynei ïa kiba duk. Te phin ïailong uba manbha.”

HOSIA 13:11

Ha ka jingbitar jong nga, nga la ai ha phi ïa ki syiem, bad ha ka jingbitar shla jong nga, nga la shim noh ïa ki.