PROBERB 28:15 - Khasi CL Bible (BSI)

¹⁵ Ki briew kiba duk ki long khlem jingïarap ha khmat u nongsynshar uba sniew; u long uba shyrkhei kum u sing uba kyrhuh ne ka dngiem kaba tur.

KA BAIBL

¹⁵ Kum u sing u bakyrhuh, bad ka dngiem ba ïaidwir; kumta long u nongsynshar bymman halor ki briew ki baduk.

PROBERB 28:15 ပူးပေါင်းရင်းမြစ်များ

2 SYIEM 15:16

Katba u Menahem u dang don ha lynti na Tirsah, u pynjot thiaw ïa ka nongbah Tappuah, ki nongshong shnong jong ka, bad ki ri ba-marjan, namar ka nongbah kam shym pyndem wait ha u. U patar wat ïa ki kpoh jong ki kynthei ba-armet baroh.

2 SYIEM 2:24

U Elisha u phai dien, u la khmih da ka jingbitar ïa ki, bad u la tim ïa ki ha ka kyrteng jong U Trai. Nangta ar tylli ki dngiem kynthei ki la wan mih na khlaw bad ki la patar lyngkhot lyngkhai ïa ki sawphew ar ngut ki khynnah shynrang.

2 SYIEM 21:16

U Manasseh u la pynïap bun ki briew balui lui, haduh ba ki surok bah ka Jerusalem ki la tuid da ka snam; u la leh ïa kane nalor ba u ïalam ïa ki briew ka Judah sha ka jingmane bleithaw da kaba pynlong ïa ki ban leh pop pyrshah ïa U Trai.

EKSODOS 1:13

Te ki nong Ijipt ki la sdang ban sheptieng ïa ki Israel, bad kumta ki pynsaja sat ïa ki da kaba pynlong mraw jubor ïa ki ban trei ha ki kam dewbyrtha bad shna maw-it, bad ha ki lyngkha jong ki, bad kim don jingisynei ïa ki.

EKSODOS 1:22

Khatduh eh, uta u syiem u hukum ïa ki briew jong u baroh, “Shim ïa u khunlung Hebru baroh uba dang shu lah kha bad bret ïa u sha wah Nile, hynrei ai ba ki khun kynthei kin im.”

PROBERB 17:12

Ka kham bha ban ïakynduh ïa ka dngiem kaba la duh noh ïa la ki khun ban ïa kaba ïakynduh ïa uno uno uba bieit uba bunkam ha ka kam mutlop.

PROBERB 19:12

Ka jingbitar u syiem ka long kum ka jingkyrhuh u sing, hynrei ka jingsngewbha jong u ka long kum u slap ba pdiang hun.

PROBERB 20:2

To sheptieng ïa u syiem uba bitar kumba phi leh ïa u sing bakyrhuh; kaba pynbitar ïa u ka long kaba pynïap ïa lade.

PROBERB 29:2

To pyn-i ha nga ïa u nongsynshar uba hok bad ngan pyn-i ha phi ïa ki briew kiba suk. To pyn-i ha nga ïa u nongsynshar basniew bad ngan pyn-i ha phi ïa ki briew kiba shah lanot.

ISAÏAH 14:5

U Trai u la pynkut ïa ka bor jong ki nongsynshar basniew kiba banbeiñ da ka jingbitar ïa ki briew bad ki bym ju sangeh ban pynshitom beiñ ïa ki jaitbynriew kiba ki la jop.

HOSIA 13:8

Ngan tur ïaleh ïa phi kum ka dngiem kaba la duh ïa la ki khun, bad ngan tar arliang ïa phi. Kum u sing ngan bam ïa phi hangta hi, bad ngan tar ïa phi lyngkhot lyngkhai kum u mradkhlaw.

HOSIA 5:11

Ki Israel kin shah ka jingshah banbeiñ; ka la duh noh ïa ka khyndew kaba dei hok jong ka, namar ka ïai kwah ban wad jingïarap na kito ki bym don ei ei ban ai.

SEPHANAÏAH 3:3

Ki rangbah pynïaidkam jong ka ki long kum ki sing bakyrhuh; ki nongbishar jong ka ki long kum ki suri bathngan, kiba lalot eh kat ban pynsah sa tang ka shyieng haduh mynstep.

MATHAÏOS 2:16

Haba u Herod u la sngewthuh ba ki nongwan jngoh na mihngi ki la shukor ïa u, u la bitar lep. U la ai hukum ban pynïap ïa ki khynnah shynrang baroh ha Bethlehem bad ha ki shnong ba-marjan kiba la dap ar snem bad kiba kham rit — ïa kane la leh kat kum kaei kaba u la tip na ki nongwan jngoh shaphang ka por mynba u khlur u la lah mihpaw.

1 PETROS 5:8

To leh adkar, to sharai! U nongshun jong phi, u Ksuid, u shang kylleng kum u sing bakyrhuh, da kaba wad ïa uno uno ba un nguid tylli.