PROBERB 28:11 - Khasi CL Bible (BSI)

¹¹ Ki briew kiba riewspah ki ju pyrkhat borabor ba ki long kiba stad, hynrei u briew uba duk, uba don ka jingsngewthuh shaphang ka jinglongbriew u tip kham bha.

KA BAIBL

¹¹ U briew u bariewspah u long stad ha la ka jong ka jingñiew; hynrei, u baduk uba don jingshemphang u khmih thew ïa u.

PROBERB 28:11 ပူးပေါင်းရင်းမြစ်များ

Ka Kitab U Job 32:9

Kam dei ka rta kaba pynstad ïa ngi lane kaba ïarap ïa ngi ban tip kaei kaba dei.

PROBERB 18:11

Ki briew kiba riewspah, pynban, ki mutdur ba ka spah jong ki ka ïada ïa ki kum ki kynroh bajrong bakhlaiñ sawdong ïa ka nongbah.

PROBERB 18:17

U briew uba nyngkong ban kren ha ka ïingbishar borabor u sngewdei tad haduh ba uba ïaleh pyrshah u sdang ban buh jingkylli ïa u.

PROBERB 19:1

Ka kham bha ban long uba duk hynrei uba beit ban ïa kaba long u bieit uba shukor.

PROBERB 23:4

To long uba stad bha ym ban ym pyrshang ban pynpaw ïa lade ban ïoh spah.

PROBERB 26:12

U briew uba bieit mutlop tam u kham bha ban ïa uno uno uba pyrkhat ba u long uba stad haba um long kumta.

PROBERB 26:16

U briew uba alhia u pyrkhat ba u kham stad ban ïa hynñiew ngut ki briew kiba lah ban ai ki nia kiba bha na ka bynta ka jingmut jong ki.

PROBERB 26:5

Ai ka jubab bieit ïa ka jingkylli bieit, bad uta uba kylli ïa ka un sngewthuh ba um long uba stad kumba u pyrkhat.

PROBERB 3:7

Wat buh ka jingpyrkhat ha lade ba phi kham stad ban ïa kaba phi long; shu kohnguh beit ïa U Trai, bad kiar ban leh ïa kaba sniew.

ISAÏAH 5:21

Phi long ba la tim! Phi pyrkhat phi long uba stad, kumta kiba shalak shibun.

Ka Shithi U Paul Sha Ki Nong Rom 11:25

Ka don ka jingshisha barieh, ko ki parabangeit jong nga, kaba nga kwah ïa phi ban tip, naba kan pynlong ïa phi ban ym pyrkhat katno uba stad phi long. Kata ka long ba ka jingmutlop jong ki paid Israel kam neh sah, hynrei kan neh tang haduh kata ka por ba baroh ki Jentil kin wan sha U Blei.

Ka Shithi U Paul Sha Ki Nong Rom 12:16

To don ïa kajuh ka jingsngewkhia ïa baroh. To wat long kiba sarong, hynrei to pdiang ïa ki kam kiba kham hapoh. To wat pyrkhat ïa lade kum kiba stad.

1 TIMOTHI 6:17

To hukum ïa kita kiba riewspah ha kiei kiei jong kane ka jingim ba kin ym sngewsarong, hynrei ban buh ïa ka jingkyrmen jong ki, ym ha kata kaei kaei ka bym thikna kum ka spah, hynrei ha U Blei, uba ai kyrhai ïa kiei kiei baroh na ka bynta ka jingsngewbha jong ngi.