PROBERB 28:1 - Khasi CL Bible (BSI)

¹ Ki bymman ki phet ha bym don ba beh ïa ki, hynrei u briew uba hok u shlur kum u sing.

KA BAIBL

¹ U bymman u phet ïap ha bymdon ba beh ïa u: hynrei, ki bahok ki shlur kum u sing.

PROBERB 28:1 ပူးပေါင်းရင်းမြစ်များ

1 SYIEM 1:49

Nangta ki nongshahkhot sngewbha jong u Adonijah ki la sheptieng, bad baroh ki la ïeng joit bad leit noh, uwei uwei ha la ka lynti.

2 SYIEM 7:15

Ki rangbah ki leit shaduh Jordan, bad baroh shi lynter lynti ki ïohi ïa ki jaiñkup bad ki tiar ki tar ba ki Syria ki la bret katba ki dang phet ïap. Nangta ki wan phai bad ki leit ïathuh ha u syiem.

NEHEMAÏAH 6:11

Nga jubab, “Ngam dei u briew uba shait phet bad rieh. Hato phi pyrkhat ba ngan pyrshang ban pynim ïa la ka jingim da kaba rieh ha ka Templ? Ngan ym leh kumta.”

Ka Kitab U Job 15:21

Ki jingsawa ba-sngewtriem kin pah ha ki shkor jong ki, bad ki nonglute kin wan kurup ïa ki haba ki dang pyrkhat ba ki shngain.

SALM 112:7

Um sheptieng haba u ïohpdiang ïa ka khubor kaba sniew; ka jingngeit jong u ka long kaba khlaiñ, bad u shaniah ha U Trai.

SALM 53:5

Hynrei pynban kin sngewshyrkhei shikatdei eh, kum bym pat ju long mynshuwa, naba U Blei un pynsaphred ïa ki shyieng jong ki nongshun jong ki briew jong U. U Blei u la kyntait ïa ki, bad kumta ki Israel kin jop thiaw ïa ki.

SALM 53:6

Katno nga duwai ba ka jingjop kan wan ha ki Israel na Seïon. Katno kan long ka jingkmen ki paid Israel haba U Blei u pyndap kyrhai biang ïa ki!

EKSODOS 11:8

U Moses u pynkut da kaba ong, “Ki rangbah synshar jong phi baroh kin sa wan sha nga bad dem khrup ha khmat jong nga, bad kin sa kyrpad ïa nga ban ïalam noh ïa ki briew jong nga baroh bad ban mihnoh. Hadien kata ngan sa leit.” Nangta u Moses u mihnoh na u Pharaoh da ka jingbitar bakhraw.

PROBERB 10:9

Ki briew kiba ïaid hok ki shongshngain bad sngewskhem, hynrei uta u bym lehhok un shah kem.

PROBERB 27:27

Kiba sah na ki blang kin ai ka dud na ka bynta jong phi bad ki ba-ha-ïing jong phi, bad ïa ki shakri kynthei jong phi kumjuh.

ISAÏAH 30:17

Shihajar ngut na phi kin ïaphet krad haba phi ïohi ïa uwei u shipai nongshun, bad san ngut ki shipai ki la biang ban pynlong ïa phi baroh ban phet krad. Yn ym don shuh ka kynhun shipai jong phi ka ban dang sah, lait noh sa tang u dieng lama ba sah marwei ha kliar jong u lum!

ISAÏAH 7:2

Haba ka ktien ka la poi ha u syiem ka Judah ba ki kynhun shipai ka Syria ki la da don hapoh ka ri Israel, ma u bad ki briew jong u baroh ki la sngewshyrkhei shikatdei ha kaba ki la khynñiuh kum ki dieng ba la pynkhih da ka lyer.

JEREMAÏAH 20:4

U Trai da lade hi u la ong, ‘Ngan pynlong ïa me ka jingshyrkhei ïa me hi bad ïa ki paralok jong me, bad men ïohi ïa ki baroh ba ki shah pynïap da ki waitlam jong ki nongshun jong ki. Ngan buh ïa baroh ki briew jong ka Judah hapoh ka bor jong u syiem ka Babilonia; un shim katto katne ngut kum ki koidi sha ka ri jong u bad pynïap ïa kiwei pat.

LEBITIKOS 26:17

Ngan phai pyrshah ïa phi, te phin shahjop ha ki nongshun jong phi, bad kito kiba phi isih kin synshar halor jong phi; phin sngewsheptieng haduh katta katta ba phin phet ïap haba ym don ba beh ïa phi.

LEBITIKOS 26:36

“Ngan pynlong ha kito na phi kiba dang sah ha ka jinglongmraw ka jingsheptieng kaba khraw kat haduh ba ka jingriew ka sla dieng ha ka jingbeh ka lyer kan pynher krad ïa phi. Phin her ïap la kumba shah beh ha madan thma, bad phin kyllon haba u nongshun um pat don hajan.

KI KAM 14:3

Ki apostol ki la sah slem hangta, ki da kren shlur shaphang U Trai, uba la pynshisha ba ka khubor jong ki shaphang ka jingaiei ka long kaba shisha da kaba ai ha ki ka bor ban leh ki kambah bad ki kamphylla.

KI KAM 4:13

Ki dkhot jong ka Dorbar ki la sngewlyngngoh ban ïohi kumno u Petros bad u Ïoannis ki la long kiba shlur bad ban tip ba ki long ki riewpaidbah ki bymnang bymstad. Ki la sngewthuh te ba ki la long ki nongsynran jong U Jisu.

DEUTERONOMI 28:25

“U Trai un shah ba ki nongshun kin jop ïa phi. Phin tur pyrshah ïa ki na kawei ka dong, hynrei phin sa her ïap na kiba bun ki dong, bad ki briew ka pyrthei kin sngewsheptieng haba ki ïohi aïu ka jia ïa phi.

DEUTERONOMI 28:7

“U Trai un pynlong ïa ki nongshun jong phi ba kin shahjop haba ki wan ïaleh pyrshah ïa phi. Kin wan tur na kawei ka dong, hynrei kin sa her ïap na baroh ki dong.

1 THESSALONI 2:2

Phi tip kumno ba ngi la shah lehbeiñ bad shah krenbeiñ ha Philippi shuwa ba ngin wan sha phi ha Thessaloni. Bad wat la ka la don ka jingpyrshah kaba jur, U Blei jong ngi u la ai ha ngi ka jingshlur ban ïathuh ha phi ïa ka Khubor Babha kaba wan na u.