PROBERB 27:2 - Khasi CL Bible (BSI)

² Ai ba kiwei pat ki briew kin ïaroh ïa phi — wat ki nongwei; ym dei ban leh ïa ka na lade.

KA BAIBL

² Ai ba uwei pat un ïaroh ïa me, te ym ka shyntur jong me hi; u nongwei, te ym ki rmiang shyntur jong me hi.

PROBERB 27:2 ပူးပေါင်းရင်းမြစ်များ

2 SYIEM 10:16

da kaba ong, “Wan bad nga bad khmih da lade haduh katno nga long uba la aiti ha U Trai.” Bad ki la ïashong lang haduh Samaria.

PROBERB 20:6

Baroh ki kren shaphang katno u long uba kohnguh bad baïaineh, hynrei shu pyrshang ban wad ïa uno uno uba long kumta!

PROBERB 25:27

Kaba bam than ïa ka ngap kam bha ïa phi; bad kumta ruh ka long kaba pyrshang ban ïoh palat ka jingïaroh.

PROBERB 27:3

Ka jingkhia u maw bad u shyiap kam long ei ei ban haba ïanujor bad ka jingjynjar kaba uba mutlop u lah ban pynjia.

2 KORINTH 10:12

Ha ka jingshisha ngin ym nud ban pynïaryngkat ïa lade lane ïanujor ïa lade bad kito kiba pynkiew skong palat ïa lade. Katno kiba mutlop ki long! Ki buh ïa la ki jong ki kyndon ban thew ïa lade, bad ki bishar ïa lade da la ki jong ki jingthew!

2 KORINTH 10:18

Naba ka long haba U Trai u pyrkhat bha ïa u briew, ba u briew u long uba la pdiang hun, bad ym haba u briew u pyrkhat bha shaphang ïa lade.

2 KORINTH 12:11

Nga la leh mynleh kum u bieit — hynrei phi la pynlong ïa nga ban leh kumta. Dei ma phi kiba la dei ban pynpaw ïa ka jingmynjur jong phi ïa nga. Naba wat lada ngam long ei ei, ngam shym duna ei ei na kita ki “apostol” kiba kham kyrpang jong phi.