PROBERB 27:18 - Khasi CL Bible (BSI)

¹⁸ Sumar bha ïa u dieng Dumbur bad phin ïoh ïa ki soh ban bam. U shakri uba sumar bha ïa la u kynrad un ïoh burom.

KA BAIBL

¹⁸ Uta uba sumar ïa u dieng Dumbur un bam ïa u soh jong u: bad uta uba ap shakri ïa la u kynrad yn pyndonburom ïa u.

PROBERB 27:18 ပူးပေါင်းရင်းမြစ်များ

2 SYIEM 18:31

Wat shahshkor ïa u Hesekaïah. U patsha ka Assyria u hukum ïa phi ban mihnoh na ka nongbah bad ban pyndem wait. Yn shah ïa phi ba phin bam ïa ki sohwaiñ na ki dieng sohwaiñ, bad ïa ki soh Dumbur na ki dieng ki jong phi hi, bad ban dih um na ki pukri jong phi hi —

2 SYIEM 3:11

U syiem Jehoshaphat u kylli, “Hato don nongïathuhlypa hangne da uba ngi lah ban kylli na U Trai?” U rangbah pynïaidkam jong ki kynhun u syiem Joram u jubab, “U Elisha u khun jong u Shaphat u don hangne. U dei u nongïarap jong u Elijah.”

2 SYIEM 5:25

U la leit pat shapoh ïing, bad u Elisha u kylli ïa u, “Shano me leit?” “Ngam shym leit shano shano, kynrad,” u jubab.

2 SYIEM 5:27

Bad mynta ka jingpang jong u Naaman kan wan halor jong me, bad ma me bad ki khun ki ksiew jong me kin ïoh ïa ka shi junom!” Haba u Gehasi u la mihnoh, u la ïoh ïa ka jingpang — ka sniehdoh jong u ka la lieh kum ka ïor.

ESTHER 6:11

Kumta u Haman u shim ïa ki jaiñphong bad u kulai, bad u pynphong ïa ki jaiñphong ha u Mordekai. U Mordekai u kiew ha u kulai, bad u Haman u ïalam ïa u lyngba ka jaka paidbah jong ka nongbah, da kaba pyrta sha ki briew katba ki nang ïaid: “Peit kumno u syiem un ainong ïa u briew uba u kwah ban pyndonburom!”

SALM 123:2

Kumba u shakri u shaniah ha la u kynrad, kumba ka shakri ka shaniah ha la ka kynrad, kumta ngin ïai peit sha me, A Trai U Blei jong ngi, haduh ba men da leh-isynei ïa ngi.

EKSODOS 24:13

U Moses bad u Joshua u nongïarap jong u ki la khreh, bad u Moses u la leit kiew sha uta u lum uba kyntang.

PROBERB 17:2

U shakri uba sian un ïoh long khlieh halor u khun bymlarkam jong u kynrad bad ïohpdiang shi bynta na ka jingïohpateng.

PROBERB 22:29

Pyni ha nga ïa u briew uba leh ïa ka kam babha, bad ngan pyn-i ha phi ïa u briew uba kham bha ban ïa ka kynhun babun bad babit tam jong ki syiem.

PROBERB 27:17

Ki briew ki ïoh jinghikai uwei na uwei pat, kumba u nar u pynnep ïa u nar.

PROBERB 27:19

Ka dei ka durkhmat jong phi hi kaba phalang ha ka um bad ka dei ka malade jong phi hi kaba phi ïohi ha ka dohnud jong phi.

JINGRWAI SOLOMON 8:12

U Solomon u ïohpdiang ïa ki shihajar tylli ki sbai, bad ki nongrep ki ïohpdiang ïa ki arspah tylli kum ka bhah jong ki, nga don ka bri sohwaiñ ka jong nga hi!

ISAÏAH 36:16

A wat sngap ïa u Hesekaïah! U patsha ka Assyria u hukum ïa phi ban mihnoh na ka nongbah bad ban pyndem. Ïa phi baroh yn shah ban bam ïa ki sohwaiñ na la ki dieng sohwaiñ bad ki soh Dumbur na ki jong ki dieng jong ki, bad ban dih um na ki pukri jong phi —

MATHAÏOS 24:25

To shahshkor! nga la ïathuh ha phi ïa kane ha shuwa ba ka por kan poi.

MATHAÏOS 24:46

Katno uba kmen u long uta u shakri lada u kynrad jong u, u shem ba u leh ïa kane haba u wan sha ïing!

MARKOS 10:43

Kane pat, kam dei ka rukom kaba long hapdeng jong phi. Lada uno uno napdeng jong phi u kwah ban long uba khraw, u dei ban long u shakri ïa kiwei;

LOUKAS 12:37

A katno kiba kmen long kito ki shakri kiba u kynrad jong ki u shem ba ki dang peitmat bad kiba la kloi haba u wan! Nga ong ha phi, ba un law ïa la ka jaiñkup, un ong ïa ki ban shong, bad un shakri ïa ki.

LOUKAS 12:42

U Trai u la jubab, “Uei, te, uba long u shakri uba ïaineh bad uba stad? U long uta uba u kynrad jong u un buh ïa u ban khmih, ban pynïaid ïa ka longïing bad ai ha kiwei ki shakri ïa ka bhah jingbam jong ki ha ka por kaba dei.

LOUKAS 19:17

‘Me la lehbha,’ u la ong; ‘me long u shakri uba bha! Namar ba me long uba lah ban shaniah ha kiei kiei kiba rit, ngan buh ïa me ban khmih ïa ki shiphew tylli ki nongbah.’

ÏOANNIS 12:26

Uno uno uba kwah ban shakri ïa nga u dei ban bud ïa nga, khnang ba u shakri jong nga un long lem bad nga hangno hangno ba nga don. Bad u Kpa jong nga un pyndonburom ïa uno uno uba shakri ïa nga.

KI KAM 10:7

Te u angel u la leit noh, bad u Kornelios u la khot ar ngut na ki shakri ïing jong u bad uwei u shipai uba riewblei uba long uwei na kiba shakri ïa u.

1 KORINTH 3:8

Ym don jingïapher hapdeng u briew uba bet bad u briew uba ai um; U Blei un ai bainong ïa uwei pa uwei kat kum ka kam kaba u la leh.

1 KORINTH 9:13

Da shisha phi tip ba ki rangbah kiba trei ha ka Templ ki ïoh bam na ka Templ bad kito kiba kñia ïa ki jingainguh ha ka duwan ki ïoh ïa ka bynta na ki jingkñia?

1 KORINTH 9:7

Uei u shipai uba ju dei ban siew ïa la ki jingpynlut ha ka kam shipai? Uei u nongrep u bym bam ïa ki soh na la ka bri sohwaiñ? Uei u nongaplangbrot u bym pyndonkam ïa ka dud na la ki jong ki langbrot?

KOLOSSAI 3:22

Ko ki shakri, to kohnguh ïa ki kynrad jong phi ha kiei kiei baroh, ym tang haba ki ïohi ïa phi namar ba phi kwah ban ïoh pynsngewbha ïa ki; hynrei to leh ïa ka da ka dohnud bashisha namar ka jingsheptieng burom jong phi ïa U Trai.

2 TIMOTHI 2:6

U nongrep uba la trei shitom u dei ban ïoh ïa ka bynta kaba nyngkong na ka jingot.

1 PETROS 2:18

Phi ki shakri, to pynrit ha ki kynrad jong phi bad pyn-i ha ki ïa ka jingtiengburom baroh, ym tang ha kito kiba lehbha bad kiba lehsbun, hynrei ruh ha kito kiba dukhi.

1 PETROS 2:21

Ka dei ïa kane ba U Blei u la khot ïa phi, naba U Khrist hi u la shahshitom na ka bynta jong phi bad u la iehnoh ha phi ïa ka nuksa, khnang ba phin bud ha ki dien'jat jong u.

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.