PROBERB 27:10 - Khasi CL Bible (BSI)

¹⁰ Wat nym klet ïa la ki paralok lane ïa ki paralok u kpa jong phi. Lada phi don ha ka jingjynjar, wat ong ïa u hynmen ne para jong phi ban ïarap; u paramarjan uba hajan u lah ban ïarap ïa phi kham bha ban ïa u hynmen ne para uba sha jngai.

KA BAIBL

¹⁰ Ïa la u jong u lok, bad u lok u kpa jong me wat iehnoh noh; bad wat leit sha ka ïing u para jong me ha ka sngi ka jingjynjar jong me: lah u paramarjan uba hajan ban ïa u para uba ha jngai.

PROBERB 27:10 ပူးပေါင်းရင်းမြစ်များ

2 SAMUEL 19:24

Nangta u Mephibosheth, u ksiew jong u Saul, u wan hiar ban ïakynduh ïa u syiem. Um shym la sait ïa la ki kjat, lane khi ïa la u 'ñiuhtmoh, lane sait ïa la ki jaiñ, naduh ka por ba u syiem u la iehnoh ïa ka Jerusalem haduh ba un da wan phai pat ha ka jingjop.

2 SAMUEL 19:28

Baroh kiba na ka longïing jong i pa jong nga ki dei hok ban shah pynïap ha phi ko Syiem Kynrad, hynrei phi ai ha nga ka hok ban bam ha ka miej bam jong phi. Ngam don hok ban pan shuh shuh ïa ki jinglehbha na u Syiem Kynrad.”

2 SAMUEL 21:7

Hynrei namar ka kular kaba kyntang kaba ma u bad u Jonathan ki la pynlong uwei ïa uwei pat, u Dabid u la pyllait ïa u Mephibosheth, u khun jong u Jonathan bad u ksiew jong u Saul.

2 KHRONIKL 24:22

U syiem u la klet ïa ka jingshakri bahok ba u Jehoïada, u kpa jong u Sekharaïah u la ai ïa u, bad u la phah pynïap ïa u Sekharaïah. Shuwa ba u Sekharaïah un ïap, u pyrta, “Ai ba U Trai un ïohi ïa kaei kaba phi leh bad un pynshitom ïa phi!”

PROBERB 17:17

Ki paralok borabor ki pynpaw ïa ka jingieit jong ki. Ki hynmen ki para ki dei na ka bynta kaei lada kim ïarap lem ha por jingjynjar?

PROBERB 18:24

Ki don ki jingïadei paralok ki bymneh, hynrei ki don ki paralok kiba lah ban shaniah palat ban ïa ki hynmen ki para.

PROBERB 19:7

Wat ki hynmen ki para jong u briew uba duk kim long jingmyntoi ïa u; kam pher ba um don paralok. Kam pher katno u pyrshang tyngeh, um lah ban ïoh paralok.

JEREMAÏAH 2:5

U Trai u ong, “Kaei ka jingkynnoh ba ki kpa tymmen jong phi ki la wanrah pyrshah ïa nga? Kaei kaba pynlong ïa ki ban phai noh na nga? Ki la ïamane ïa ki bleithaw bymdondor ei ei bad ki hi ki la kylla long ki bymdondor.

KI KAM 23:12

Ha ka step kaba bud katto katne ngut ki Jiw ki la ïakynduh lang bad ki la pynlong ka jingsylla. Ki la shim smai ba kin ym bam lane dih ei ei tad ynda ki la lah pynïap ïa u Paul.

DEUTERONOMI 22:1

“Lada phi ïohi ïa ka masi lane ïa ka langbrot u para Israel ba ka sakma, wat shu ieh ïa ka; leit ïalam pat ïa ka sha u.