PROBERB 26:4 - Khasi CL Bible (BSI)

⁴ Lada phi jubab ïa ka jingkylli bieit, phin long kum u briew uba bieit uba kylli ïa ka.

KA BAIBL

⁴ Wat phai ktien ïa u babieit katba kum ka jingbieit jong u, ïoh ba me ruh men long syriem ïa u.

PROBERB 26:4 ပူးပေါင်းရင်းမြစ်များ

1 SYIEM 12:14

U ong, “I pa i la buh ha phi ïa ka jingkit kaba khia; nga ngan kham pynkhia shuh shuh ïa kita. I pa i la shoh ïa phi da u riphin; nga ngan sympat ïa phi da u shabuk!”

1 SYIEM 12:16

Haba ki paidbah ki la ïohi ba u syiem um shahshkor ïa ki, ki la pyrta, “Long ba la ñiewbeiñ ïa u Dabid bad ka longïing jong u! Ki la leh aïu na ka bynta jong ngi? Ko ki rangbah Israel, ïa ngin leit noh sha ïing! To ai ba u Rehoboam un khmih hi ïa lade!”

PROBERB 17:14

Ka jingsdang ïa ka jingïakajia ka long kum ka jingbthei banyngkong jong ka den-um; pynsangeh ïa ka ha shuwa ba kan ïaid sha khmat.

PROBERB 23:9

Wat pyrshang ban kren tipbriew ha uba bieit; um lah ban ïaroh ïa ka.

PROBERB 26:5

Ai ka jubab bieit ïa ka jingkylli bieit, bad uta uba kylli ïa ka un sngewthuh ba um long uba stad kumba u pyrkhat.

PROBERB 29:9

Haba u briew uba proh jingmut u wanrah ïa ka mokotduma pyrshah ïa uba bieit, uba bieit u shu rkhie bad u hylla bad u tim.

ISAÏAH 36:21

Ki briew ki sngap jar, kumba u syiem Hesekaïah u la lah ong ha ki; kim shym la ong shikyntien ruh.

MATHAÏOS 7:6

“Wat ai ïa kaei kaba khuid ha ki ksew — kin shu phai pynban bad tur ban dait ïa phi. Wat bret ïa ki mawlynnai ha khmat ki sniang — kin shu ïuh pynban ïa ki hapoh ka kjat.

1 PETROS 3:9

Wat siew kylliang ïa kaba sniew da kaba sniew lane ïa ka jingtim da ka jingtim; pynban, to siew kylliang da ka jingkyrkhu, namar ka jingkyrkhu ka long kaei kaba U Blei u la kular ban ai ïa phi mynba u la khot ïa phi.

JUDAH 1:9

Wat u Mikhael, u angel rangbah um shym la leh ïa kane. Ha ka jingïakajia jong u bad u Soitan, mynba ki la ïania shaphang uei u ban ïoh ïa ka met u Moses, u Mikhael um shym nud ban pynrem ïa u Soitan da ki ktien ban krenbeiñ, hynrei u la ong, “U Trai un da sneng ïa me!”