PROBERB 26:23 - Khasi CL Bible (BSI)

²³ Ka jingkren bymshisha kaba buhrieh ïa kaei ba phi pyrkhat shisha ka long kum ka jingsop ïit ha u khiew khyndew uba tat-dor.

KA BAIBL

²³ Ki rmiang shyntur kiba shit bad ka dohnud bymman ki long kum u khiew khyndew ba la suit da ka eit rupa.

PROBERB 26:23 ပူးပေါင်းရင်းမြစ်များ

PROBERB 10:18

U briew uba buhrieh ïa la ka jingshun u dei uba lamler. Uno uno uba pynphriang ïa ka jinglorni u dei uba bieit.

PROBERB 23:7

“To wan bad bam shuh sa khyndiat,” u ong, hynrei um mut kumta. Kaei kaba u pyrkhat ka long kaei kaba u long da shisha.

PROBERB 25:4

Weng noh ïa ki jingbymkhuid na ka rupa, bad u nong-ohdur un pynmih ïa kaei kaei kaba itynnat.

PROBERB 26:25

Ki lah ban sawa sngewtynnat, hynrei wat ngeit ïa u, namar ka dohnud jong u ka dap haduh rymmiang da ka jingisih.

PROBERB 27:6

U paralok u thmu ïa kaba bha, wat haba u pynmong ïa phi. Hynrei haba u nongshun u buh ïa ka ksang'ti jong u halor ka tyrpeng jong phi — da husiar!

ESEKIEL 33:31

Kumta ki briew jong nga ki ïawan paidbah ban sngap aïu me don ban ong, hynrei kim leh satia ïa kaei kaba me ong ïa ki ba kin leh. Ki ktien ieit ki long ha ki rymmiang shyntur jong ki, hynrei ki ïai bteng ha ki rukom khwan myntoi jong ki.

MATHAÏOS 23:27

“A katno ka long kaba shyrkhei ïa phi ki nonghikai ka Hukum bad ki Pharisi! Phi kiba arsap! Phi long kum ki jingtep ba la pushara lieh, kiba itynnat ha kaba shabar hynrei kiba dap da ki shyieng bad ki metïap bapyut ha kaba shapoh.

LOUKAS 11:39

Kumta U Trai u la ong ha u, “Mynta te, phi ki Pharisi phi pynkhuid ïa kaba shabar jong ka khuri bad ka pliang jong phi, hynrei hapoh, phi dap da ka jingleh jubor bad ka jingsniew.